雲耳秋葵白味噌炒茄子

我有一個情意結...炒茄子一定要先走油~
"炒時加d水..."..."蒸軟佢..."..."茄子吸油太肥..."......
我通通都唔care! 總之就係要走油!!


1. 雲耳洗淨浸發，搾乾水份備用。


2.  茄子切粗條 (我知道我張相係切大丁...咁我煮完先發現最好都係切條嘛! XDDD)


3. 秋葵洗淨抹乾切粒備用。


4. 燒熱油後放入茄子炸20至30秒，撈起放在廚房紙上吸去多餘油份備用。


5. 燒熱油鑊爆香薑片，下白味噌適量和清水少許煮溶。


6. 加入(4)的茄子和雲耳炒勻，下少許糖調味。


7. 最後加入秋葵粒兜勻即成。