二人世界食乜鬼 - 2015年2月上旬 (附食譜)

眨吓眼2015年2月話咁快又過咗一半，仲有幾日就係農曆新年，
有好多野仲未準備好，1日24小時根本唔夠用.........

今年打算整4種賀年糕點，但暫時只整咗桂花馬蹄糕! >_<
舊年第一次整馬蹄糕，成底比哂Mr.T 阿姨，阿姨話好正，但我自己無試過~
今次特登留返細細兜比自己試吓...阿姨仍然話好正，不過我真係唔鍾意馬蹄呢!! =P

晶瑩桂花馬蹄糕食譜click here~

2月2日: 金蠔臘味煲仔飯

冬天除咗打邊爐，仲係臘味 + 煲仔飯既季節呢!

金蠔臘味煲仔飯食譜click here~ 

2月3日: 雲耳秋葵白味噌炒茄子 + 藜麥飯

是日農曆十五阿V食齋! 成個餸雖然係齋，但出奇地好送飯! ^^

雲耳秋葵白味噌炒茄子食譜click here~

2月4日: 韓國部隊鍋

是日本來想玩韓燒，不過之前一日無買到肉，唔夠時間醃味...最後改變主意食部隊鍋~

韓國部隊鍋食譜click here~

2月7日: 孜然炒羊肉; 韓國涼拌菠菜

最近Mr.T 接管咗62間餐館，工作時間唔同咗，暫時有一段時間晚餐我要一人前~
 
是日超市羊肉特價，買咗脂肪少又軟腍既羊冧肉加孜然粉來炒，好味到半碟肉已經吞咗兩大碗白飯!! =P

孜然炒羊肉食譜click here~

韓國涼拌菠菜食譜click here~

2月10日: 韓式生醃辣魷魚; 韓國涼拌茄子

是晚來一個簡單韓國一人前~ 雖然依兩道菜都係韓式配菜，但兩樣勁好送飯!

鹽醃咗足足1個月，等到頸都長咗幾尺...終於可以醃味嘞! 
今次份量係上一次3倍，希望今水可以last 耐d啦!! ❤

晏晝醃好味道，晚餐急不及待來一小碟...實在太好味了!!!!

韓式生醃辣魷魚食譜click here~

我完全愛上咗韓式涼拌菜! 除咗涼拌菠菜之外，依個涼拌茄子係最近我勁鍾意食!!

韓式涼拌茄子食譜click here~

2月11日: 淮山杞子花膠粟米煲鵪鶉; 孜然炒羊肉; 韓式涼拌菠菜; 韓式生醃魷魚; 韓式涼拌茄子; 煎荷包蛋

煲返個靚湯比Mr.T 補吓! ^^ 
淮山杞子花膠粟米煲鵪鶉食譜click here~

早幾日整依味係我自己一人前; 是日特別整比Mr.T 食，佢讚口不絕呢~ ^^

太好味! 忍唔住每餐都夾少少來送飯...Mr.T 唔啱食，煎隻荷包蛋比佢補數! XDDD