2010年2月1日星期一

老公午餐盒 - 2010年2月1日 (附食譜)



依份係老公今日既午餐 - 火腿芝士沙律包 & 洋蔥雞批~~~~

上星期五整白汁洋蔥雞肉包 (食譜),不過整咗一半我嫌多汁好鬼難包......於是半途將剩低發酵好咗既麵糰整咗火腿芝士沙律包!

其實仲剩返已煮好咗既白汁雞肉餡架......

不過慳家如我依種師奶仔,當然唔會浪費啦!

 尋晚將剩低既白汁雞肉餡整咗8隻雞批~

 一出爐老公搶先搞掂咗2隻!

本來佢要求話要4隻架!2008111213534022.gif image by veronica_tsim 不過佢又話今日要帶做lunch~ 但我焗得果8隻......咁我咪無份食!!?!?!?

Peeved-small.gif image by veronica_tsim 我: 2隻好嘞!!!! 我都想食呀!!

_2100.gif image by veronica_tsim 老公超鍾意個火腿芝士沙律包! 問我幾時會再整? 

咁我見果日仲有火腿 + 芝士用剩......擇日不如即興啦!

襯雪緊雞批批皮既空檔,即時搓麵糰發酵~~~~

 今次麵糰發得仲好過上次! 特登將包size 來個double!!

 出爐後我都來唔切影張全家褔,就比老公打劫咗1隻!!!!_1651.gif image by veronica_tsim

m192.gif image by veronica_tsim 罪證確鑿!!!!




早兩日有網友問我 - 我整既包包係咪落咗迷藥?  (可以令老公一次過KO 4隻!)

我將網友既留言話比老公知......

_2107.gif image by veronica_tsim 我: 哈哈~~~~ 有網友講笑問我d包包係咪落咗drugs...你食完包有無好high 呀???

_1998.gif image by veronica_tsim 老公: 有呀! 不過係因為妳落咗"love" 喺包包度~~~~
(Honhon~ 你真係越來越老土!!!Laugh-small.gif image by veronica_tsim)

 洋蔥雞批食譜click here~

 火腿芝士沙律包食譜click here~


27 則留言:

  1. Gaileは林家歐巴桑2010年2月1日 上午3:56

    嘩.....真係攪到我好想食呀!冇焗爐既日子好痛苦呀
    [版主回覆02/01/2010 20:59:00]不如買隻光波爐來頂住檔先啦?
     
     

    回覆刪除
  2. 我之前都整過雞批,都幾花時間整架 !老公都勁鍾意食,都不枉我一番心機!
    [版主回覆02/01/2010 20:57:00]我又覺得整雞批幾快手喎!
     
    今次係第二次整雞批~ 上次整完老公帶咗幾隻返工做lunch,老公d下屬見到佢叮熱雞批,問佢喺邊度買,老公話係我整既~ 佢地覺得好詫異! 再問老公: 連pastry 都係佢整架??
     
     

    回覆刪除
  3. 你成日整果D咁好食既野,攪到我成日手痕痕,人地又要返工,一放假我要係屋企開爐先得呀,耐無搓包攪到隻手好痕,好似D師奶想打麻雀又無得打咁呢,好鬼辛苦呀!!HEHE~~
    [版主回覆02/01/2010 20:53:00]V媽媽 + 我99係後者 - 打麻雀!
     
    而我呢~ 就係前者 - 要煮煮煮!!!  
     
    妳閉關果幾日先加油咯喎!
     
     

    回覆刪除
  4. haha...he's so sweet.
     
    Your bun buns are very beautiful. Mrs. T, I wanna order one.
    [版主回覆02/02/2010 02:28:00]haha~~~~ he always talks silly!
     
    Thanks YanYan! just one?
     
     

    回覆刪除
  5. 妳成日整咁多咁正既野食,會唔會食肥妳老公
    但點解妳又唔肥既呢真羨慕~~
    [版主回覆02/02/2010 02:27:00]食肥佢都唔緊要 - 男人要大隻先夠man 架嘛! 最憎又矮又瘦蜢蜢既男人~~~~
     
    而我呢.......我都唔知點解!
     
     

    回覆刪除
  6. 似早午晚三餐盒多啲................
    [版主回覆02/02/2010 02:25:00]蟻兄你來訪廚房已有一段日子,你仲未習慣T家既大食習慣呀?
     
     

    回覆刪除
  7. 哈哈哈~ 我都係成日用食唔晒的加哩或白汁變身成酥或包。 嘩﹗你老公真係好鐘意食你的焗包呀﹗
    [版主回覆02/02/2010 02:23:00]哈哈~~~~ 佢喺我既專用作品焚化爐!  我整乜佢都同我食哂落肚~~~
     
     

    回覆刪除
  8. 你老公成日都有口福!! 娶到你, 係佢的福氣!!
    [版主回覆02/02/2010 08:20:00]Thank you 何媽!   不過其實我嫁到老公,先可以自由做自己鍾意做既野e.g. 煮野食~ 所以其實係我既福氣啊!  哈哈~~~
     
     

    回覆刪除
  9. Mr. T的午餐盒, 真係可以分兩餐食,因為真係好大盒呢
    我正式學完整包包後,都要努力做好包比家人食喇
    [版主回覆02/02/2010 19:59:00]佢一餐食哂咯!  
     
    如果英國有包包堂上的話,我都想去學返兩堂呀! 而家唯有自己練習吓先啦~
     
     

    回覆刪除
  10. 見親人地咁開心整野食就好想自己都有咁多時間…又好想可以買返個焗爐…
    [版主回覆02/02/2010 19:57:00]如果鍾意整野食既話,焗爐係必備既!
     
     

    回覆刪除
  11. 睇到我都口水流~ 
    [版主回覆02/02/2010 19:56:00]襯妳另一半出trip,妳又試吓整吖!
     
     

    回覆刪除
  12. 唔好食晒呀,留返個比我呀,哈哈
    [版主回覆02/02/2010 19:54:00]哎吔~ 妳遲咗嘞! 下一水啦~~~~
     
     

    回覆刪除
  13. 你真係好鬼叻, 你在那裡學的,. 我想想有你少少咁就妳啦~
    我想問你地結左婚幾多年呀, 你老公仲咁SWEET, 我老公就...........唔好提佢啦~
    [版主回覆02/02/2010 19:54:00]過獎嘞Natalie~  我無正式學過整野食,只係睇食譜書自學,或者打電話問V媽媽囉!
     
    我地結咗婚3年多~ 10月時先慶祝完結婚3週年! 不過我地之前拍咗7年拖,當中5年幾同居~
     
    其實個個性格都唔同既! 只要老公平時鍚妳咁咪得囉~
     
     

    回覆刪除
  14. 我都好想成日整野食, 不過又要返工, 又要執屋, 屋企又有野煩緊, 真係無時間又無心機.... 你同你老公真係好sweet sweet呀, 羨慕c人啦~
    [版主回覆02/02/2010 19:49:00]其實整野食都可以係一種好好既休息 + relax 既方法來架!  
     
    多謝石油公主! 不過好多朋友話頂我 + 老公唔順~
     
     

    回覆刪除
  15. 其實妳都好叻女架, 因為我見妳平時整出嚟既包包同其他食品, 好有水準呢, 而且, 買相也很好看架, 有板有眼呢
    其實我都希望睇食譜書做出書裡面既賣相, 可惜我有時真係諗唔明, 所以先至出去學呢, 希望能夠學到我想知道既知識
    [版主回覆02/03/2010 21:09:00]多謝! 不過我自己唔會妄自菲薄,我都對自己自學既成績幾滿意!
     
     

    回覆刪除
  16. 最憎又矮又瘦蜢蜢既男人---> 我又係
    [版主回覆02/03/2010 21:07:00]
     
     

    回覆刪除
  17. 你真係好鬼叻叻....e隻好好味唷....等我好番...我又試下先....
    [版主回覆02/03/2010 21:07:00]多謝! 雞批好易整架咋~ 快d好返試吓整啦!
     
     

    回覆刪除
  18. V包神偷
     
    妳老公真係食好多野喎  lunch全部一次過食晒??
     
    老公: 有呀! 不過係因為妳落咗"love" 喺包包度~~~~ <== 乜唔係越老土越受落咩
    [版主回覆02/03/2010 21:06:00]食哂呀! 我本來話pack 2隻包比佢,佢話要多1隻!
     
    哈哈~~~~ 佢點老土法我都受架! 不過只可以對我一個咁老土囉!
     
     

    回覆刪除
  19. 嘩, 点樣可以合得個雞批边咁靚 ge ?
    [版主回覆02/03/2010 21:03:00]用麵糰刮刀推囉!
     
     

    回覆刪除
  20. 正~ 我都希望有機會試到你整嘅嘢食呀~
    [版主回覆02/04/2010 04:54:00]哈哈~~~~ 咁妳過來探我吖!
     
     

    回覆刪除
  21. you are such a good wife! mo duck ding! :)
    [版主回覆02/04/2010 04:53:00]Thank you very much!
     
     

    回覆刪除
  22. 你老公真係好鍾意食你做既包, 睇呢你d love 好厲害. 有時我整野食, 如果老公在家, 佢都成日係我未影全家福時攞左去食. 最近佢就乖左d, 少左好多, 就我唔洗睇實佢.
    [版主回覆02/09/2010 22:20:00]姑勿論老公係真心鍾意食我整既野,還是想氹我開心都好,老公食野時enjoy 既樣 + 口甜舌滑既讚美,就係令我越煮越起勁既動力!
     
     

    回覆刪除
  23. 雞批 really really look good.   Can I have one please? 
    [版主回覆02/09/2010 22:17:00]of course you can have one la!
     
    btw sorry for the pic! will ask my husband asap.....
     
     

    回覆刪除
  24. 點解你d雞批包得咁靚...我次次包親到好難包得咁靚咁圓
    [版主回覆02/09/2010 22:16:00]多謝! 我照住個鍚紙撻底來包之嘛~ 毫無技巧可言.....
     
     

    回覆刪除
  25. 你放心啦 , 我有機會去你度的話 , 一定會"打攪"你呀! 哈哈~
    [版主回覆02/09/2010 22:14:00]即管放馬過來啦!
     
     

    回覆刪除
  26. No need to say sorry la.  You are the one helping me ah. :)  Just take your time. 

    回覆刪除
  27. 食得是褔 ~  (所以我都覺得自己好有褔:p)
    [版主回覆03/10/2010 22:26:00]
    食野係我人生一大享受! 食得當然是福啦~~~~
     
     

    回覆刪除

Related Posts Plugin for WordPress, Blogger...