2010年2月26日星期五

Asda八婆之鮮藍老un茄 (2010年2月26日)

八公八婆處處有,超級市場特別多!!!_716.gif Cat Face image by veronica_tsim

今日晏晝我去Asda 買野......
正當我喺即食凍肉section 前睇緊特價lunch pork tongue 時,突然尾龍骨比人用架大shopping trolley 醒咗一野!

撞完我尾龍骨不特止,架trolley 前碌再碌過我右邊腳趾尾!!_097.gif image by veronica_tsim

好彩我著住厚褸 + 羊皮boots,講真痛呢......其實係完全唔痛既!

不過我好自然地會check 吓自己件褸 + 睇吓對boots 有無污糟or 刮花; 然後再睇吓係邊個咁Q衰格 / 無禮貌 / 唔小心......

我見到一個年約4張幾野 (4到忟果隻~),超短頭髮化行哂妝,身穿一件鮮藍篷鬆羽毛短身jacket,配貼身skinny jeans + 短高跟boots 既老un茄......
佢超乾瘦,皮膚又老化得好緊要,加埋佢個恐怖濃妝bb14.gif image by veronica_tsim,是之為"老un茄";

佢果件爆笑鮮藍羽毛jacket 因為太篷鬆,映得佢個超短髮既頭仲加細 ; 離遠望佢十足十一隻巨型藍色既雞!!  不過佢一定以為自己好型......_1651.gif image by veronica_tsim

老un茄若無其事企喺我右手邊睇凍肉......我見佢咁若無其事,我當時仲心唸: 佢應該係無心既,佢自己都唔知整親我......

不過當我攞咗2包lunch pork tongue 準備轉身走人時,突然有個頭趨前同我講: I did say excuse me but you didn't move! (譯: 我有講借借但妳企喺度唔郁!)
嘩!!!!!!!! 阿嬸~ 妳無野吓哇!!?!?!Shocked-Small.gif image by veronica_tsim而家妳整親我,我都未出聲話妳,妳竟然走來撩交嗌!!!?!?!

咁即係.......佢其實知道自己車到我啦!!! 而且佢仲係特登咁做!!!!Livid-small.gif image by veronica_tsim 火即時從丹田升上來!!!!

_369.gif image by veronica_tsim 我: Obviously I didn't hear you!! Even if I really don't give a shxt, it doesn't mean that you can run over my fxxking feet!!! (譯: 好明顯我聽唔到妳講借借!! 就算我真係當妳無到,唔代表妳可以車X我隻腳!!!)

我講既時候中氣非常足 - 我要周圍既人都知道依個老un茄有幾衰!!!

老un茄望咗我幾秒,跟住轉身走! 我繼續行超市......

我行到麵粉架時,老公打電話來,我順便同老公呻吓啦! 呻呻吓見到老un茄經過,我即時把握時間好大聲講句"fxxking bitxh!",之後再用返中文同老公講野.....

好笑既事發生嘞 - 老un茄掉頭走人喎!  而且之後我喺超市繼續閒逛果15分鐘之內,每次老un茄迎頭遇到我,佢都會掉頭走! 好似刻意避緊我咁款!!

我估計或者老un茄係果種種族歧視既八婆 - 認為所有中國人都係有"背景"!  可能佢以為我同老公傾緊電話時係班緊馬啩~~~~_1553.gif image by veronica_tsim

大家互不相識,我又唔係同佢有仇,加上我又唔係黐線既!  如果我聽到佢叫我借借既話,點會唔讓比佢過? 點解要特登用車撞我??
(以為我細粒就好蝦?Peeved-small.gif image by veronica_tsim會棟喺度比妳車完唔出聲??)

轉個頭見人傾個電話就拗哂底!  其實大家都係陌生人,互相唔知對方背景,唔知對方係咩人...咁係咪更加應該客客氣氣呢? 何必一開始就做到咁rude?

咁惡又咁易拗底既人真係第一次見......

都霎戇既!!! 若果喺馬路佢響按咇我,我又聽唔到......咁佢咪用車撞我吖笨!!!?!?!_2212.gif image by veronica_tsim



23 則留言:

  1. 咁嘅人都有架! 鬧得好! 唔發火當你病貓!
    [版主回覆02/27/2010 19:53:00]咪就係囉! 撞完人仲要走去話比人知: 喂~ 我特登撞妳架!!! 咁既人我真係第一次見!!!
     
     

    回覆刪除
  2. 佢想"蝦"你, 諗住唐人唔識英文, 亦唔會嗌交
     
    點知你會咁勁, 會丙佢
     
     
    [版主回覆02/27/2010 19:49:00]咁佢就真係戇居嘞! 喺英國生活得既人,英文幾唔掂都好,點都會識幾句英文粗口囉!
     
     

    回覆刪除
  3. Gaileは林家歐巴桑2010年2月26日 下午5:03

    依d老un茄就係咁衰...妳唔反抗佢地就以為自己大Q哂!
    我之前係廣州機場都遇到一個,我等行李時條死八婆喺我後面係咁迫迫共(當時好多人),仲成Q個噸位將我迫開,仲用煲冬瓜同佢地異形同伴講"這邊(捲脷)"我火都黎埋,即時鬧Q佢...
    我: 妳幹嘛呀?!擠什麼擠?!
    死八婆: 拿行李呀幹嘛(以為自己大哂)
    我: 這裡所有人都拿行理,妳不會叫借過的嗎?真沒水準,國家多幾個妳這種人真讓我感到悲哀!!!
    佢即刻成隻烚熟狗頭咁唔敢出聲
    [版主回覆02/27/2010 19:47:00]講真我唸我遇到依隻藍色巨雞,應該唔係純無禮貌咁簡單囉! 我唔認為佢對個個都係咁,應該只係針對其他種族既啫!
     
     

    回覆刪除
  4. d 人又要撩人又怕死 .... 啱喇 .. 鬧鬼衰佢啦 ...
    [版主回覆02/27/2010 19:44:00]佢真係好奇怪囉! 佢特登用車撞我,咁我以為佢唔小心所以無出聲....佢撞咗啦! 應該攞哂彩至係!! 真係估唔到佢仲要撩交嗌,妳話佢衰得幾緊要呢!!!!
     
     

    回覆刪除
  5. Oh my god, she is such a bixch  wt was she thinking in her head??
    [版主回覆02/27/2010 19:40:00]"相由心生" is very true! she acted like a bitxh, and she's got a face of a bitxh!!!
     
     

    回覆刪除
  6. 「 若果喺馬路佢響按咇我,我又聽唔到......咁佢咪用車撞我吖笨!!!?!?」 哈哈 ... 睇到你打呢句我真係笑左出黎
    [版主回覆02/27/2010 19:36:00]咁係吖嘛! 邊有人衰到咁緊要架!!?!?!?
     
     

    回覆刪除
  7. 「 若果喺馬路佢響按咇我,我又聽唔到......咁佢咪用車撞我吖笨!!!?!?」 哈哈 ... 睇到你打呢句我真係笑左出黎

    回覆刪除
  8. 如果你唔出聲 , 佢見你斯斯文文以為你好蝦D , 閙得好 ! 你加埋D公仔好鬼傳神 , 哈哈 .................  睇到我好投入 .
    [版主回覆02/27/2010 19:33:00]我之前真係無唸過要出聲,因為我真係以為佢係無心既! 而家照咁睇來佢其實真係有心搞事!!!
     
     

    回覆刪除
  9. 做得好!
    佢呢啲叫'上得山多終遇虎',以為個個都怕事唔出聲.
    [版主回覆02/27/2010 19:32:00]我唔知佢係咪對個個都咁賤,佢好可能只係唔妥我係中國人!
     
     

    回覆刪除
  10. Discrimination again which happen everywhere in the world. I believe most of them are not happy about Chinese on different kind of reasons just like they think Chinese steal most of the jobs from them however they never think how lazy they are  . What i can say is "Life is fair", what you give out = what you receive! In other words, Bad people like her definitely will go to HELL
    [版主回覆02/28/2010 05:31:00]to be honest i really dont care whether she's racist and why she acted like a bitxh etc etc etc.......all i know it's that she has no right to attack me like that! i dont give a shxt whether she's going to hell, but if anyone ever ever does do this to me again, i promise i will give em hell!!! 
     
     

    回覆刪除
  11. 我都發覺有D外國既女人...係特別"自私"...係唔係特別" 針對"唐人就唔太知....我知佢地如果知你係香港人會好D, 但佢地又好多時唔識分/睇邊D係香港人, 邊d係大陸人...(至少我D到係咁) 佢地好鬼死自以為事~ 又以為自己好勁好醒~
    [版主回覆02/28/2010 03:53:00]好老實我未見過 + 聽過妳所講既"佢地如果知你係香港人會好d"依個情況! 種族歧視既人有好多種e.g. 所有同佢自己唔同膚色既人種佢都唔鍾意; 只特別針對一某一種族such as 黑人、印巴籍、中國人......
     
    我唔理我遇到依個八婆係咪種族歧視都好; 亦唔理佢係咪以為自己好勁,佢本身manner + behaviour 已經有好大問題! 種族歧視 + 以為自己好勁既人我都遇過唔少! 但好多人表面上唔會show 出來,極其量亦只會對住你黑面~ 未見過會 大庭廣眾明目張膽向人做挑釁行為囉!
     
     

    回覆刪除
  12. 嘩, 估唔到V女可以咁爆..........(要煲啲涼茶啦.......妳)
    [版主回覆02/28/2010 03:39:00]唔係吓哇? 對方特登講比我知 - 佢係特登車我既! 我唔剷佢 唔通要我笑住同佢講"Thank you very much~ Please do it again!"???
     
     

    回覆刪除
  13. 咁衰格都有,佢都好賤啫,車完人仲要話比人知佢係專登,唔鬧爆佢點得呀~~~~~
    [版主回覆02/28/2010 04:08:00]正一死八婆來! 我當時只買少少野所以無攞車~ 如果我有車喺手一定會車返個死八婆!!!!
     
     

    回覆刪除
  14. 我係D到有時會既, 可能工作上會要接觸人...同埋有時去行街(d個一時時) 同D sales傾開/問開野...如果佢知我係香港人而唔係大陸人, 你會見到佢既面口都唔同好多~  不過你個case就佢跟本就人格有問題~ 
    [版主回覆02/28/2010 05:23:00]咁講真 - 妳講果咋工作上接觸到既人 + 行街既人 + d sales....佢地全部都係racist! 質素都唔慌高得去邊!! 香港人、大陸人、移民華僑......根本全部都係中國人! 面口依樣野係應該towards 一個人既態度 + 行為; 而唔係towards 對方來自邊度囉!
     
    好多香港人睇大陸人時會自覺高人一等; 移民海外既華僑有好多又會覺得香港人比自己次一等.......依d根本全部都係無聊又不必要!
     
    以前有人問親我係咪from China,我反應會好大話自己係from HK!! 而家我先知道果時既自己係幾咁乞人憎!!!
     
     

    回覆刪除
  15. 妳話個un茄話得好型呀!
    英文幾唔掂都好,點都會識幾句英文粗口囉! ------>好同意!
    我通常同細妹先會講英文粗口
    [版主回覆02/28/2010 21:27:00]初時來英國喺親戚度住~ 果時親戚同我講 - 學英文要先學英文粗口! 如果唔係比人鬧比人蝦時,都唔知對方鬧緊我又唔識反抗!!!
     
     
     
     

    回覆刪除
  16. 我都想講 fxxking yahoo, 我0岩0岩打左一大段野....
    點知佢 留唔到................!!!!!
    搞到宜家冇心機再打!!!!!!
    [版主回覆02/28/2010 21:25:00]有無即時check check 草稿匣呀? 可能去咗草稿果度呀!
     
     

    回覆刪除
  17. 好耐冇聽過呢個形容詞"老un茄",估唔到妳會識.佩服!佩服!
     
    [版主回覆02/28/2010 21:24:00]鬧人既形容詞我真係識好多架! 但我只會選最適合貼切既來鬧!!!
     
     

    回覆刪除
  18. 啲美國人一樣咁衰,恰亞洲人,覺得自己大哂,無論行路,泊車都衰過人,鍾意行幾慢就幾慢,鍾意停喺邊就停喺路中心同人傾計都夠膽死,完全唔理後面啲車
    [版主回覆02/28/2010 21:21:00]係呀~ 好多美國人真係以為自己高人一等架!!! 不過我反而覺得美國人幾極端 - 一係好衰; 一係好友善!
     
    我之前講過honeymoon 時喺梵蒂岡比個美國阿嬸醒咗背脊一野; 不過今次喺羅馬就遇到幾個好友善既美國人~
     
     

    回覆刪除
  19. 有冇攪錯呀﹖﹗雙重受罪呀﹖﹗整完腰骨整腳趾﹗ 4到咁抆你話佢5張就算啦~ 咩呀﹗個護士夠賤人又餚底啦﹐ 個醫生一發標佢地就彈走晒喇~ 其實的人做咩咁活得唔耐煩嘖﹖﹗
    [版主回覆03/01/2010 08:47:00]雖然佢整咗我兩野都係唔痛既! 不過我唔痛都唔代表佢可以咁做囉~ 大口氣d我成身是但一樣野都貴過哂個八婆全身呀! 整污糟or 整花咗是但一樣係咪佢賠先?? 我當時無攞車咋,如果唔係實車返個死八婆!!!
     
    可能依咋人知道自己擺唔到好耐啩! 所以咪趕住去死囉~~~
     
     

    回覆刪除
  20. 你做得好啱,我支持你!!
    [版主回覆03/01/2010 17:33:00]我唔係一個唔講理既人來,所以恰到上門我一定會反抗!
     
     

    回覆刪除
  21. ☜♡ 肥貓♡☞2010年2月28日 下午6:47

    做得好呀!! 呢d 咁既人唔洗同佢客氣!! 真係fxxking bitxh!!
    [版主回覆03/01/2010 17:31:00]其實好多時d外國人睇唔起我地中國人,係中國人自己唔爭氣! 有d真係識講英文都唔會鬧返佢轉頭架!
     
     

    回覆刪除
  22. 仲未覆你這篇Blog 呀 , 你這位小辣椒真係好惡呀 , 不過比我都會係咁 , 我好唔鐘意d人咁囉....
    我在香港有時帶囡囡出街, D 人 ( 阿婆/ 衰麻甩佬) 又係專登推開囡囡來行 , 有時力攪到囡囡跌落地, 我又係忍唔住鬧人架...
    [版主回覆03/03/2010 03:50:00]妳話真係有無人衰得咁緊要架? 特登攞架車片完人唔道歉仲要話比人知: 喂~ 我特登片妳架!!! 若果佢擺明係特登但只"妙"吓我,咁我都可以忍佢唔出聲~ 佢先出聲咁即係宣戰啦! 咁唔執劑佢就真係對唔住自己!!!
     
     

    回覆刪除
  23. 老UN茄呢個名真係好貼切呀,最Q憎D人撞到人連SORRY都無聲,仲要特登,呢D咁既衰人,應該比人車番一百下!!
    [版主回覆03/05/2010 17:25:00]佢唔講sorry 我其實都無乜所謂,畢竟禮貌依家野唔係個個人都有! 但佢話我知佢特登用車片我呢,咁就太rude + 撩交嗌嘞!!!
     
     

    回覆刪除

Related Posts Plugin for WordPress, Blogger...