2010年2月1日星期一

捉蟲 - Pepsi Raw (2010年1月31日)

我絕少飲汽水~ 但我有冒險精神鍾意試新野!

尋日(1月31日)同老公行Asda,喺汽水section 見到有pack 野寫住"Natural Born Cola",個樽寫住"RAW"~ 幾乎完全唔飲汽水既我仲以為係新牌子新出品......但望真d原來係Pepsi 出品!

 顏色望落無普通百事 + 可口可樂咁深色,近似濃茶多d......

再睇真d packing 標榜natural,心想: 百事出品應該難飲極有限既!

即管買一 pack 來試試~ 返到屋企即時放枝入雪櫃! 3粒鐘後攞出來試飲..........

今次真係捉蟲嘞!!!!!!!!!!!!!!!!!!!!  1775465319.gif image by veronica_tsim

難飲到呢~~~~~~~~~~~~140698386_c.gif image by veronica_tsim

飲咗一啖都仲未吞,口腔裡面已經充斥住一陣類似草藥既怪味!!! 有少少似甜既跌打酒 - 仲係浸得未夠日子既跌打酒喎!!! 差d"累"返落個玻璃杯度.......2008110915232635.gif image by veronica_tsim

個人覺得好難飲!!!! 剩返成杯比咗汽水怪老公 - 佢都話味道太古怪......

 不過一pack 有4枝~ 剩低果3枝_1284.gif image by veronica_tsim......老公~ 辛苦哂你嘞!

1775465323.gif image by veronica_tsim我仲以為Pepsi Raw 係新產品來~ 但翻查網上資料,原來Pepsi Raw 係2008年2月既產品 - 出咗足足已經2年!!! (我咁少飲汽水知鬼咩? )

當年Pepsi Raw 一推出係先以英國為市場~ 當時英國只有7個城市有售: London, Manchester, Birmingham, Leeds, Liverpool, Brighton & Glasgow; 08年底會全球推出......

唔知道後來Pepsi Raw 有無照原定計劃全球推出?? (就算有都應該唔係好受歡迎 - 因為我2年後先知有Pepsi Raw......_1282.gif image by veronica_tsim)
Pepsi 似乎特別鍾意推出古怪口味新產品......140698392_c.gif image by veronica_tsim

 舊年10月喺日本推出既紅豆口味......_1645.gif image by veronica_tsim
 之前又有青瓜口味......._001.gif image by veronica_tsim
 仲有紫蘇口味......_1651.gif image by veronica_tsim
連可口可樂都唔輸蝕! 要喺古怪口味汽水市場中分一杯羹......


 來個綠茶口味可口可樂......

似上口味全部都難似想像! 都係啱不斷追求新奇既日本市場多d~~~~

其實試新口味汽水捉蟲......我已經唔係第一次!! 1775465352.gif image by veronica_tsim
曾經試過一罐難飲到令人難以忘懷既牙買加可樂 - 仲夠膽死名為"Kola Champion".......
今次大牌子Pepsi Raw 真係難飲到嚇親我!!! 1775465338.gif image by veronica_tsim

搞到我連可口可樂推出多年 + 比較正常少少既車厘子、雲呢拿口味都唔敢試~ (係呀~ 我仲未試過依2種味架!!! )


22 則留言:

  1. 反而我試過可口可樂既咖啡味呀~
    係叔仔唔知喺邊個國家特登買番嚟比我~ (因為我超愛飲可口可樂)
    不過味道ok呀~ 唔太甜, 有小小咖啡味~
    另外飲過雲尼拿就真係超甜呀
    [版主回覆02/02/2010 02:21:00]咖啡配可樂我覺得都OK,起碼大家都係飲品來嘛! 但青瓜、紫蘇依d咁既配搭對我來講實在太古怪!
     
    依個pepsi raw 仲衰 - 都唔知係咩來!!!?!?!?
     
     

    回覆刪除
  2. yee....I don't see it right here.
    But coca cola has vanilla, cherry flavor
     
    The cherry flavor tatses like cough syrup
    [版主回覆02/02/2010 08:17:00]Pepsi Raw was introduced in the UK in 2008, but is being marketed under the name Pepsi Natrual!
     
    that's what my husband described cherry coke was like cough syrup......
     
     

    回覆刪除
  3. 我都好少飲可樂, 因怕肥!!
     
     
    [版主回覆02/02/2010 08:11:00]基本上我係完全唔好汽水既! 因為我唔好甜~ 不過我間中會發口痕想飲~
     
     

    回覆刪除
  4. Gaileは林家歐巴桑2010年2月1日 下午4:50

    台灣未見過Pepsi raw喎,肯定冇市場啦~~~
    我都係唔飲汽水既人,但老公飲,佢只係鐘意飲傳統Coca Cola!!
    果咋古寧精怪真係咪攪,我有見到綠茶味,但係唔敢試!試過出左好耐既雲尼拿口味,一啖咁多...最後飲返水好過
    [版主回覆02/02/2010 19:44:00]而家好似得英國、美國 + 墨西哥有Pepsi Raw~ 個人覺得Pepsi Raw 喺亞洲應該唔會有市場!
     
    我老公就鍾意Diet Pepsi~ 佢話覺得味道clean d 喎!
     
     

    回覆刪除
  5.  好野~  我就唔會敢試喇~ 我好你少少....我有試過 雲呢拿味!
    [版主回覆02/02/2010 19:40:00]雖然我覺得好難飲~ 不過我都無後悔既! 試過先有資格話好味or 唔好味嘛!
     
     

    回覆刪除
  6. 我之前做麥當當架~所以成日都飲汽水~ 飲到現家都怕左~但係你可以試下可口可樂隻Cherry flavor 雲尼拿就 絕對唔好試 ...!!! 我本人對食物既要求好低(即係餓起上黎chinese express我都會食) 但係呢隻古怪雲尼拿味真係 好難頂 !!! cherry反而唔錯~當然啦呢d見仁見智~^^"
    [版主回覆02/02/2010 19:38:00]我由細到大都唔好汽水既~ 可能因為我唔好甜啦! 不過間中會發口痕想飲少少,多數都飲唔哂.....試新口味都只係因為好奇貪得意!
     
    其實食物要求都無話高定低既!  最緊要自己鍾意食之嘛! 好似我食洋人香腸 - 我鍾意食超市最平用最cheap 既肉整出來果種,我覺得用靚肉貴果d好鞋唔好食!
     
     

    回覆刪除
  7. 我個人比較念舊同專一...........wakakakaka
    所以都係最喜歡最原始嘅可口可樂,最好係細嘅玻璃支庒!夠哂氣!
    [版主回覆02/02/2010 19:33:00]我都係覺得細玻璃樽既可口可樂最好飲! 我本身唔鍾意飲汽水,細細枝就啱哂我!
     
     

    回覆刪除
  8. 真係未見過喎.... 但係我有個可樂怪朋友... 我係儲可樂咖 ...比佢見到實開心死佢呀....
    [版主回覆02/02/2010 19:32:00]依枝百事來果喎.....
     
     

    回覆刪除
  9. 可口可樂出的緣茶我都接受到...
    百事果d紅豆...青瓜同紫蘇我真係無言...
    d味同咳藥水有咩分別
    我之前在香港買過一隻玉泉新口味汽水>> 芒果+橙 味...結果飲左一啖就放低左無再飲 /.\
    我之後覺得新野都係等一排,其他人話好飲我先試 = =""""""
    [版主回覆02/02/2010 19:28:00]我都覺得上面果咋之中,最容易接受應該係綠茶可口可樂! 其他聽到都覺得
     
     

    回覆刪除
  10. 怪味可樂.....真係好恐怖呀!!
    [版主回覆02/02/2010 20:30:00]我覺得綠茶可口可樂應該試得過喎!
     
     

    回覆刪除
  11. 記得幾年前我好鍾意 雲呢拿味可樂 架~
    [版主回覆02/03/2010 20:32:00]有網友話雲呢拿好甜果喎!!!!
     
     

    回覆刪除
  12. 紫蘇口味我反而想試呀﹗ 不過好似藥味既飲品我都買過﹐ 夾硬啃左半支﹐都係要倒~
    [版主回覆02/03/2010 20:31:00]妳咁犀利既! 難飲既飲品都好可啃半枝咁多!!!
     
     

    回覆刪除
  13. 我經常試新嘢都捉蟲架, 去到美國的試香港冇的味道可樂 ( cherry )  , 嘩....好似飲藥水咁 , 超難飲....
    [版主回覆02/03/2010 20:30:00]我仲未試過Cherry 味~ 不過老公 + 好多網友都好似妳咁話似藥水!
     
     

    回覆刪除
  14. 靚豬只飲可口可樂..........
    [版主回覆02/03/2010 20:28:00]其實我最鍾意都係細玻璃樽可口可樂! 不過好奇貪得意試吓新野........咁就捉蟲嘞!
     
     

    回覆刪除
  15. 我都係鍾意食百事原味多D
    [版主回覆02/03/2010 20:27:00]我反而最鍾意細玻璃樽可口可樂!
     
     

    回覆刪除
  16. 我一向對百事都麻麻地,綠茶cola我有啲興趣喎  有一排我幾鐘意vanilla cola  之前彤彤話要試cherry cola,結果佢飲咗一啖成罐比咗我,嘩得人驚到…我以為飲緊葯水
    [版主回覆02/03/2010 20:27:00]最好都係細玻璃樽既可口可樂!
     
    我老公又係話Cherry Coke 似藥水! 令我唸起細個食生日蛋糕時上面果粒製過既車厘子 - 又係藥水味到 !!! 果時我仲以為車厘子就係咁既味.....
     
     

    回覆刪除
  17. 我自己會鐘意飲diet pepsi, 其次係 可樂 light~ 最唔鐘意飲... 應該係原味..... 因為好濃好甜..... 不過我屋企係唔會買可樂既~ 因為一買, 我老公就會當水咁飲!! 而家為左佢健康著想, 只會係買m記或kfc時, 先會比佢飲可樂~~ 其他時間都唔洗諗呀, 飲水啦!
    [版主回覆02/03/2010 20:24:00]妳口味同我老公一樣! 我都唔會買汽水,我平時只飲綠茶 + 水......不過老公會自己買返來!   仲有佢有個好乞我憎既習慣 - 一路食飯一路飲汽水!!!! 碗湯就留返食完飯先飲~
     
     

    回覆刪除
  18. 濃情朱古力碰上士多啤梨2010年2月2日 下午11:37

    我唔飲可樂嫁, 淨係飲7UP呢, 哈
    [版主回覆02/03/2010 20:21:00]7up 味道十年如一日(超似雪碧!!!!),好似無見過佢地出古怪味道~ 不過我都超少飲!
     
     

    回覆刪除
  19. 吃得苦中苦......我時我都鐘意有啲苦澀味嘅飲品......犯賤.......
    [版主回覆02/03/2010 21:42:00]Pepsi Raw 係甜 + 完全唔苦架! 不過都好鬼難飲!!!!
     
     

    回覆刪除
  20. 我至鍾意試新嘢,唔試過点知好唔好呢?好似 Dandelion & Burdock , 我响 Kent 一試就鍾意,我老公話佢細個時很鍾意飲,現在再飲似咳藥水
    [版主回覆02/03/2010 21:41:00]我試新野多只為好奇! 除咗綠茶、清水 + 自己煲既湯之外,我甚少飲其他飲品~
     
     

    回覆刪除
  21. 我鍾意甜呀~而家唔敢食咁甜
    [版主回覆02/04/2010 04:57:00]見妳間中去甜品店食得津津有味~ 都知妳鍾意甜啦!
     
     

    回覆刪除
  22. 我唔抗拒飲汽水 , 但都好少飲 , 鍾意飲茶多 D, 不過打邊爐時就好鍾意飲原味可樂....
    [版主回覆02/09/2010 22:13:00]我都係鍾意飲茶多! 由細到大都鍾意茶~  平時多數飲茶 + 清水,皮膚都特別好!
     
     

    回覆刪除

Related Posts Plugin for WordPress, Blogger...