2010年2月21日星期日

孖T翻啅意大利。羅馬2010 - 驚險霸王巴士



第五天 - 2010年2月8日

開心既時間過得特別快,是日要同羅馬講拜拜嘞!

是日一早起身到酒店餐廳食完早餐後,我地就返房收拾行李準備check out~ (無錯~ 酒店係包buffet breakfast 既! 不過每朝早去食早餐既時候,我都留咗相機 + 手機喺房叉電.....)


 再見嘞~ 228號房!
_372.gif image by veronica_tsim (咦~ 228幾鬼好意頭喎!!! )

是日我地係夜機返Glasgow~ 同來既時候一樣 - 要先飛去Amsterdam Schiphol 轉機,所以我地仲有一整個上、下午可以留喺羅馬!

Check out 後我地就攞住行李去搭巴士......

Honeymoon 時我地只搭過地鐵(Metro) + 火車;


 不過因為今次去好多地方附近都無地鐵站,所以我地今次學識咗搭巴士!

羅馬既巴士同英國既好唔同.........

_342.gif image by veronica_tsim  乘客要喺上巴士之前自行買定車票! 因為巴士上係不設車費錢箱既~


 上到巴士後,會見到車頭 + 車尾各有一部咁既黃色機器......


 上車後要將車票放入機內,好似返工打咭咁作記錄!

車頭不設車費錢箱; 而巴士停站既時候,車頭 + 車尾門都會同時打開 - 乘客可以自由從車頭或車尾上落巴士!

因為羅馬巴士咁既運作方式,依幾日旅行中我地所見大部份巴士乘客,由上車到落車都從未打票 - 即係搭霸王車!!! 甚至連修女都係咁......
_355.gif image by veronica_tsim

車票係巴士 + Metro 都通用既,巴士 + Metro 系統簡單,亦唔會分"Zone"所以無論目的站距離遠近收費都係劃一!

車票大至分為4種:

1. 單程票: 只搭一程巴士或Metro就會作廢,售2 euros;

2. 一天票: 單日無限次乘搭巴士或Metro,午夜12時作廢,售4 euros;

3. 三天票: 由買票當日計起,3天內可無限次乘搭巴士或Metro,第4天零晨12時作廢,11 euros;

4. 七天票: 與三天票類同~ (唔知幾錢! )

我地今次5日行程,由於第1日仲未熟路所以買過一次單程票,之後都係搭的士;

而第2天就買咗三天票~

依張三天票到咗第5日就過咗期嘞~ 但酒店附近並無售票既地方......

所以我 + 老公膽粗粗搏一搏搭咗一程霸王巴士 - 由酒店出City Centre!!!!

出到City Centre 我地先買返張一天票搭Metro 去買souvenir......

一行出地鐵站,竟然見到整條街四面都佈滿差佬!!!



 周圍所有馬路全部封哂 + 泊滿哂警車......

警員仲全部攞哂盾牌!!!

我 + 老公好似其他路人一樣企喺度八卦吓咩事......

_370.gif image by veronica_tsim 我: HonHon~ 佢地係咪發現咗我地搭霸王巴士,所以特登喺度"捕"我地??
 
_1557.gif image by veronica_tsim 老公: 唔係~ 其實係因為妳太cute and it's a crime!

不過我地等咗成10分鐘都無事發生,d警員就收隊離開......到而家我地都唔知咩事咁大陣象!

羅馬奇景......

雖然羅馬陽光普照,而且每日都成十幾度 (我地去果5日試過最高18度! )

 不過周街都好常見到依種著哂長fur 既阿嬸阿婆~
 
依幾日每日最少見到10個,仲要件件都係堅野!

我 + 老公都覺得好奇怪 - 佢地唔熱既咩??


我攬條頸巾都不停標汗......好似佢地咁既話我咪生哂熱痱!!?!?!

 又經過許願池,同佢say 個goodbye先!

買完souvenir 後,我地搭巴士去食野啦......

上巴士後老公打完車票,因為車上乘客越來越多,老公又拉住行李,於是我地分開咗坐,我坐車尾,而老公就坐車中間~

沿途我一路望窗外既街景......突然有人叫我一聲,我轉過頭來,見到一個著深藍色制服既男士同我講: Ticket please!



我即時嗌坐開咗既老公攞車票比依位查票員睇! 不過......

坐我對面有5個韓國男女,我見有另一個著深藍色制服既女查票員問佢地攞票,不過佢地全部都無車票!!!!
2008111213534059.gif image by veronica_tsim

其中一個韓國男勁呀 - 女查票員問緊佢d friend 時,佢全程扮瞓著 ~  女查票員推醒佢啦......佢又扮聽唔明!!  真高招~~~~  (不過扮乜都係比人捉到......)

我對到佢地正一正,聽到女查票員同果5個韓國男女講 - 要佢地全部交出passports,仲要位位罰款50 euros!!!
2008111213534022.gif image by veronica_tsim

巴士到達總站後,兩位查票員將韓國人們帶落車,逐個抄低佢地護照既資料.......


箭咀果3個就係查票員! (有一個唔知喺邊度走出來!!?!? )

初時我 + 老公見到咁多人搭霸王車,好懷疑巴士點會賺到錢?  照計佢地應該會蝕到入肉先啱架! 不過果5個韓國人咁比佢地罰一罰就有250 euros 進賑......而家我地終於都知道佢地點賺錢嘞!

我 + 老公好好彩!! 雖然我地朝早果次係迫於無奈搭霸王車,但我地事實上真係搭咗一程霸王車嘛! 好彩果程無人查票啫......

_359.gif image by veronica_tsim  真係lucky 到離奇!

不過真係試都唔好試!  下次再買唔到票既話,我寧願行路都唔會冒險搭霸王車!!!

喺羅馬食既最後一餐......


 緊係要再來多次Sandhu Caffe' 啦!


是日serve 我地果男仔好鬼孤寒!!!!  依碟雞雜只係平時份量一半左右!!


一定要食既牛肚~

老公必食既薯仔炆牛腩~ 是日炆得特別入味.....


薯仔炆腸仔~ (返到英國就再食唔到依種味道既腸仔嘞.....)

老公無厘頭要既薯條~ (已經有咁鬼多薯仔啦!!! )


臨別秋波既"苦苦菜"~ (因為仲未知佢叫做乜名,所以我私下改咗佢做"苦苦菜"! )

食完野再喺Termini 火車站附近周圍逛吓,我地就搭機場巴士去Fiumicino Airport 返歸嘞......

 到咗機場老公一邊self check in,我一邊喺佢側邊唉聲嘆氣......Sigh-small.gif image by veronica_tsim

 好唔捨得羅馬溫暖既陽光 + 藍天白雲既好天氣,更加唔捨得大件夾抵食既美食......_1296.gif image by veronica_tsim

2008111213530145.gif image by veronica_tsim我: 我唔想返屋企呀!!!!! 我要留喺羅馬!!!!

2008111213534002.gif image by veronica_tsim老公: 妳唔掛住屋企咩? 再唔返去邊個餵魚呀??

2008111213530181.gif image by veronica_tsim我: .............

2008111213535340.gif image by veronica_tsim老公: 如果我唔返去返工,點賺錢再帶妳返來呀?

 我買咗幾個超迷你意粉磁石~ (粉紅色果枝潤唇膏用來做對比架咋! )

 幾細包幾卡哇依~~~~~

 裡面既迷你意粉係真意粉來架!

 意包迷你字母粉超可愛~~~~

 字母粉粒粒都睇得好清楚架!

 仲有個迷你意大利食譜月曆~ 每個月有一道意大利菜......

 背後有意英對照食譜!
(唔知係印錯字定係特登懶得意呢? 佢地將Seafood 寫成Sea Fruits......140698376_c.gif image by veronica_tsim)

 屋企雪櫃門越來越熱鬧噓冚!



22 則留言:

  1. 我: HonHon~ 佢地係咪發現咗我地搭霸王巴士,所以特登喺度"捕"我地??
     
     
    真係笑左出聲....哈哈.........
    [版主回覆02/22/2010 02:22:00]哈哈~~~ 咁捉我地又唔洗咁大陣象! 不過仍然好好奇唔知果日點解咁多警察!?!???
     
     

    回覆刪除
  2. Australia also have similar system as Rome, have the machine that we need to insert the ticket when we get in to the bus or metro. But we can buy the ticket from the bus driver directly. Everytime i feel hungry when i read your blog as all your foods so yummy
    [版主回覆02/22/2010 07:05:00]it seems Australia's system is a bit better than Rome! at least you can get the ticket from the driver~ it' hard to find a place to tickets in Rome.......
     
    haha~ thanks very much! im a homemaker, of course i cook~  
     
     

    回覆刪除
  3. 睇落去羅馬玩幾好! 你幾時出個團呀?  "孖T" 羅馬團, 我跟你個團...
    [版主回覆02/22/2010 18:02:00]喺旅行時學習當地歷史 + 風土人情,其實只要係以前未到過既地方我都會覺得好玩!
     
     

    回覆刪除
  4. 咁熱,妳又著成咁嘅?
    [版主回覆02/22/2010 17:59:00]咁我返到蘇格蘭凍嘛! 返去時又有行李又多咗好多shopping,件褸同頸巾唯有著住攬住囉......
     
     

    回覆刪除
  5. Gaileは林家歐巴桑2010年2月21日 下午6:38

    好彩有買返ticket咋,如果唔係100 euros夠妳買個名牌仔喇!!!
    咁佢地抄低韓國人passport number係用黎做咩?唔會唔俾入境呀?!
    d差佬係咪演習呀?
    [版主回覆02/22/2010 17:45:00]緊係買返飛啦~ 我地搭霸王果種都唔係特登既! 酒店附近唔知去邊度買票嘛.......
     
    我估應該 唔會 唔比佢地入境! 我唸應該係做個record 既啫~ 好似香港隨街揼垃圾罰錢都要抄低身份証資料啦!
     
    演習都要咁大陣象?
     
     

    回覆刪除
  6. 你喺羅馬天氣咁好真係 lucky嗱!新年香港又涷又落雨,得嗰七、八度咋!
    [版主回覆02/22/2010 17:37:00]但係返到來蘇格蘭得返1、2度呢!!  (好彩無落雨咋....)
     
     

    回覆刪除
  7. 恭喜發財,祝你青春美麗,唔好意思呀咁遲先同你拜年,我都係剛剛去完北海道返來,你林走時緊係去食多次正野喇。
    [版主回覆02/22/2010 17:36:00]多謝Karen~ 我都祝妳虎年身體健康,笑口常開 + 心想事成!
     
    去札幌睇雪節呢? 我細個時都試過農曆新年去北海道睇雪節!  搵日post d相比大家笑吓~
     
     

    回覆刪除
  8. 去玩就會時候過得特別快咖 .....
    香港都好似要罰 500 咖 ...
    [版主回覆02/22/2010 17:33:00]香港罰500?? 香港上車時要咇百達通或入錢喎,點偷雞唔比錢呀??
     
     
     
     

    回覆刪除
  9. 我果日見到有個中國女子帶住個仔搭小巴,佢無入錢,落車諗住走人,比個小巴司機勁鬧,佢之後好唔好意思扮唔記得,個小巴司機勁講粗口!!我試過有一次搭巴士返屋企,架車D人FULL曬,我"DOO"完自己張8達通再幫我老公"DOO",可能個司機睇唔到,以為我地無入錢,之後勁大聲叫我地入番...果下真係勁瘀!!
    [版主回覆02/23/2010 00:05:00]會唔會果個女人掛住照顧仔仔,真係一時唔記得呀?  不過就算個女人真係搏懵,只要佢肯比返錢咪算囉! 新年流流小巴司機用粗口鬧人唔係咁好喎!
     
     

    回覆刪除
  10. 我屋企雪櫃門又係有好多磁石
    [版主回覆02/23/2010 00:06:00]我雪櫃門既磁石只限2種 - 我同老公既傻相 + 迷你食物!
     
     

    回覆刪除
  11. HonHon~ 佢地係咪發現咗我地搭霸王巴士,所以特登喺度"捕"我地??
    哈哈.... 搭霸王車, 唔駛幾十個警察來捉你呀 , haha ...
    那5個韓國人真係唔好彩呀 , 50 euros 真係賺死巴士公司, 唔怪得真係營運到啦... 
     
     
    [版主回覆02/23/2010 16:16:00]其實到人地國家旅行,係應該遵守返人地國家既法律既! 當你真係好好彩明知唔會比人捉到,但我覺得用咗人地既服務係應該點都要買票既~
     
     

    回覆刪除
  12. 咁得意有時咁自由冇人理, 有時又咁嚴, 係咪裝人彈弓
    [版主回覆02/23/2010 16:13:00]我地睇旅遊書都話如果比人捉到會罰,不過無講點罰~ 但 我地去咗5日,期間每日見到98%人都係搭霸王巴士既,頭4日完全無見過有人查票!
     
    最後一日終於見到 - 唔止巴士上查票果幾個,我地搭緊車都見到有查票員喺巴士站等下一班車上去查! 唔知佢地係咪逢星期一開工呢?
     
     

    回覆刪除
  13. 要罸50EUO...偷雞唔到蝕渣米呀..... XDXD
    [版主回覆02/23/2010 16:08:00]50 euros 雖然話多唔多,不過真係搏唔過!
     
     

    回覆刪除
  14. 初次到訪, 你個 blog 寫得好詳細, 睇到人好開心呢
    [版主回覆02/23/2010 16:06:00]多謝 + 歡迎妳!   我寫blog 希望可以記下自己當時既感覺,同埋一d自己覺得有用既資料可以同大家分享~
     
     

    回覆刪除
  15. 濃情朱古力碰上士多啤梨2010年2月22日 下午10:36

    真係好多警察呀, 無啦啦見咁多真係嚇一嚇呀
    [版主回覆02/23/2010 16:03:00]咁鬼多警察又封哂馬路好大陣象! 最衰到依家都唔知係咩事? 搞到我心癢癢.......
     
     

    回覆刪除
  16. 睇到真係好驚險, 50euros !!!你地都好彩, 因為HK捨火車頭等, 冇拍卡都好似係要罰$500...所以真係唔好試~
    你個情人節真HAPPY~~
    [版主回覆02/23/2010 17:39:00]我地果一程霸王巴士真係迫於無奈架咋! 酒店話附近有間賣煙既店有巴士票賣,不過間店未開,又唔知佢幾點開喎.......我地唔係特登想呃人,所以我地後來都有買返一天票~ 不過再去羅馬時真係唔敢再試!
     
     

    回覆刪除
  17. D車票唔係度度都有得賣架? 咁買唔到, 又有車點算呀?
    [版主回覆02/24/2010 08:19:00]咁咪睇吓妳敢唔敢搏搭霸王巴士囉! 我地試過一次,雖然無比人捉到,不過真係唔敢再試咯~~~~
     
     

    回覆刪除
  18. Welcome To My Rose Garden2010年2月23日 上午5:38

    wow 行程超正,睇完引起我都好想去呀~
    Yahoo 個溜覽總數又壞左了.
    [版主回覆02/24/2010 08:17:00]意大利係一個值得一去既地方!
     
    唉~ 我對YBlog 果大咋壞完又壞,永遠都整唔好既問題已經開始麻木!!!  雖然我個瀏覽總數未有問題,不過之前壞過咁多次佢地又無計返,依咋數字對我來講已經無哂意義!
     
     

    回覆刪除
  19. 搭霸王車咁大膽  咁係Rome坐巴士都幾麻煩架喎,要預先買定車票先有得坐車?! 妳咪話見到修女都冇打票既,妳估會唔會係神職人員免費坐巴士呢
    [版主回覆02/24/2010 08:14:00]唔係特登架! 我地無咁cheap!!!  之前幾日見到咁多搭霸王車都無事,真係無唸過原來有專人捉果喎......
     
    係喎! 依個咁神聖既國家..可能神職人員真係免費果喎! 只見果位老修女一上車,神色好自然地搵位坐,然後打開本聖經睇.......
     
     

    回覆刪除
  20. thank you for visiting my blog!
    [版主回覆02/24/2010 08:10:00]you're welcome~
     
     

    回覆刪除
  21. Thank you for visitng my blog!

    回覆刪除
  22. D 意粉磁石超似超得意呀 ! 睇完你的遊記 , 真係好想去旅行 relax 吓 ~
    [版主回覆02/24/2010 19:58:00]有少少揼心口 - 意粉磁石有d同超市真意粉包裝一樣架!!!!! 早知買一包真意粉 + 一包迷你意粉磁石啦!!!!
     
    妳都啱啱去完泰國啦!  如果日日都只係relax + 玩,好快都無咗果種開心好玩既感覺咯~
     
     

    回覆刪除

Related Posts Plugin for WordPress, Blogger...