2010年2月10日星期三

孖T翻啅意大利。羅馬2010 - 旅行團唔會帶你去既快餐店


第一天 - 2010年2月4日

是日超早機! 我地清晨3.30am 準時出發渣車去Glasgow Airport~ 一路上周圍鋪哂厚厚既白雪,真係好擔心班機會delay or cancel......咁就無癮啦! 事關去羅馬並無直航,要中途喺Amsterdam Schiphol 轉機~

好彩飛機準時起飛! 到達Amsterdam 無時間比我地hea,幾乎即時要board~

3粒多鐘後我地就到咗Rome Fiumicino Airport!

 羅馬天氣同Glasgow 差天共地!!! 陽光普照,藍天白雲,天氣溫暖到即時出汗~~~~

 第一時間搭車出Rome City Centre~ (車程約45分鐘)

到達酒店check in,沖返個靚涼 + 化個靚妝,就第一時間出街搵食......


依間就係自2年多前honeymoon 後,令我日思夜想既快餐店 - Sandhu Caffe'

Sandhu Caffe' 位於Rome Termini 火車站附近,當年我地住既酒店喺火車位附近,令我地無中發現依間小店!


 每次經過快餐店門口,見到櫥窗裡面既燒雞 + pizza,都比食物既香味吸引住......


 一入門口店面雖小......


 但其實counter 後面別有洞天! 裡面好鬼大架!!!

 食物種類多到不能盡錄! 而且天天有新款,真係好鬼難取捨!!!

 闊別2年多,緊要即時擦餐勁啦!

 一整個pizza + 燉五花腩肉~ (邊有人為食成咁架? 人地都未影相就即時食咗1角pizza - 果個人就係Mr.T!!! )

 (上) 薯仔炆腸仔 - 依個2年前已經食過,應該係長期供應既; (下) 雞肝 + 雞心 - 咪以為依碟野得我一個食呀! 好味到連唔食內臟既Mr.T 都話正呀!!!

 有無發現依隻雞脾特別肥美? 其實雞上脾部份係去咗骨,但保留雞槌部份既骨,將雞上脾肉加入火腿 + 香草剁碎,再釀返入上脾部份既雞皮......功夫多到我自己都唔唔會整!

快餐店每樣食物約5-9euros 不等; 而且每樣食物會附送麵包1個~ 好多客人都係點一種食物連個麵包咁就一餐 - 除咗我 + Mr.T 之外!

 不過睇返2年多前honeymoon 舊照,相比下portion 原來縮水咗好多喎......

Sandhu Caffe' 地址: Via Gioberti 16-18 Rome

- 留意快餐店招牌同單據上既名字係唔同既~

- 由於Termini 火車站係大站來,果頭遊客人流超多兼品流複雜,扒手都有好多,所以到果頭一定要打醒十二分精神!!!

>>>>>>>>>>>>>>>>>>>>>>>>>>>>>>>>>>>>>>>>>>>>>>>>>
由於上次到羅馬時已幾乎做哂大部份遊客會做既事,所以今次我地並唔急於觀光~ 見天氣咁好,食飽飽後我地就周圍閒逛......

香港 + 台灣都好興既"地圖袋" - 1A CLASSE Alviero Martini,喺羅馬都幾常見當地人用~ 不過見得最多既竟然係LV Neverfull Monogram......

 原來"地圖"唔止出手袋,仲有出手錶 + 飾物~ 我一向好少留意依個牌子,真係第一次見咋! (哇~~~~ 核突到吖!!!! )

是日奇景......

 行人路邊既超迷你油站~

 羅馬既馬路好闊,但行人路反而好窄! 點會喺咁窄既地方起個油站架!!?!?!?

>>>>>>>>>>>>>>>>>>>>>>>>>>>>>>>>>>>>>>>>>>>>>>>>>
由於是日太早起身,逛到傍晚已經好鬼攰!!!

下一站超市 - 買d飲品我地就打道回府覺覺豬嘞~~~~

對於我來講,去到羅馬既超市,就等如小朋友去到玩具店一樣!

 火腿專櫃林林種種不同既火腿~ 不過我好犯賤 - 見到咁多火腿,反而無乜意欲買來食......

 新鮮雞雜買得好鬼平! 雞心、雞肝、雞腎都有齊~

 香料種類多到想帶哂佢地返屋企! 不過我唔識意大利文,唔知邊隻打邊隻......

 唔同形狀 + 顏色既pasta,睇到眼花都唔知買邊隻好!!!

 依隻係咩形既pasta,相信唔洗我多講嘞啩......

 依間只係細超市,但橄欖油都特別多過人!

 唔多啱我既蛋糕,不過display 都好吸引~

>>>>>>>>>>>>>>>>>>>>>>>>>>>>>>>>>>>>>>>>>>>>>>>>>
返到酒店已經攰到虛脫咁滯~~~~ 不過未食dinner 餓住個肚唔會瞓得著......

 酒店餐廳臨收檔前一刻......

 求其點咗2個麻麻地既pasta~

咁就完結咗第一日既行程~

第二日要早起身去圓我既心願呀!!!



26 則留言:

  1. 你就好la,情人節可以去旅行....好幸福ar~ 我要番學ar...連旅行都去唔到(canada連chinese new year都無-,-) 而且睇見你有咁多好野食,羨慕死我la 旅行仲有咩野食ar??快d介紹la~!!!!
    [版主回覆02/11/2010 20:52:00]依個旅行其實係我聖誕禮物來架! 不過要就老公有時間放假,而且今年情人節係年初一要返6299度食飯,所以先順便提早慶祝啫!
     
    我地依度都無農曆新年架~ 我老公一樣要返工!
     
     

    回覆刪除
  2. hihi, pretty woman, 我又來到訪妳啦~睇到呢段野好似妳~^^
    一個知道體貼別人的人,
    必然懷抱溫柔,
    必為性情中人,
    也一定是一個值得交往信賴的朋友。
    [版主回覆02/11/2010 20:49:00]Thank you~
     
     

    回覆刪除
  3. 嘩, supermaret都好吸引呢...
    預先祝你新年快樂, 心想事成! 最緊要sweet sweet!
    [版主回覆02/11/2010 20:45:00]依間只算係超市仔,唔算吸引嘞! 大間果d仲正呀~~~
     
    多謝妳何C奶! 我都祝妳一家新年快樂,身體健康 + 事事如意~ 成日都咁青春常駐 + 靚靚~~
     
     

    回覆刪除
  4. 隻雞脾, 好吸引呀~~~~ 我都好鍾意行 supermarket~~~~ 一入去真係超開心.....
    [版主回覆02/11/2010 20:42:00]隻雞脾正就真係好正,不過真係超多功夫! 整法咁麻煩都只係賣幾個euro,真係物超所值!!!!
     
    因為我同老公去旅行鍾意自由行,所以去超市係必然 - 都要買飲品 + 零咀返酒店嘛~
     
     

    回覆刪除
  5. 我地去旅行最鍾意都係行supermarket~ 因為夠地道同多野睇, 啱哂胃食ge我~ 而且係買手信ge好去處, 又平又多~
    [版主回覆02/11/2010 20:40:00]係呀~ 因為當地超市有好多食物就算英國有得賣,都無當地咁多選擇架!
     
     

    回覆刪除
  6. 好耐冇黎過探你~一黎就充滿令人羨慕既旅行.....等我都諗下有冇機會去到見~ 就新年同你拜個早年: 祝身體健康,心想事成同MR.T 又日日都咁SWEET~
    [版主回覆02/11/2010 20:39:00]好耐無見嘞Chrisse 媽媽! 多謝哂妳先~ 過兩日我先正式同妳拜年!
     
     

    回覆刪除
  7. 個PASTA咁攪笑既,我要諗左一陣先諗到個答案呀,哈哈!!!!如果你搬左黎羅馬住.我相信你屋企個廚房肯定好快又無位呀!!哈哈~~~~~
    [版主回覆02/11/2010 20:38:00]哈哈~~~~~  個pasta 好鬼核突! 都唔知啱幾時煮來食......
     
    如果我搬去羅馬就正嘞 - 佢地d廚房大到可以喺面踢波!!!
     
     

    回覆刪除
  8. 連去旅行都咁..........食..........嘅! 妳應該叫 <女(打開個嘴咁解!)
    [版主回覆02/11/2010 20:35:00]就係去旅行先要更加咁食法!  依d野食返到來就無得食架啦嘛~~~~
     
     

    回覆刪除
  9. 意大利d pizza真係好好食, 我好懷念呀 仲有home made雪糕
    [版主回覆02/11/2010 21:04:00]依兩樣食物反而係我掛住得最少既! 我唸啱我老公多d~ 反而有好多比較少人知 + 食過既傳統意大利食物,先令我覺得最回味~~~
     
     

    回覆刪除
  10. the pasta......  They are so creative.
     
    I wanna visit Italy, but my honey doesn't want to go. The reason is he traveled this country with our friends couple years ago.
     
    Sigh......Italy is my favorite travel place
    [版主回覆02/11/2010 21:24:00]he's a bit selfish woh.........going holiday with friends or with wife, the feelings and emotions are not the same woh!
     
    actually my favourite city is Paris!  love it since i was a little girl~
     
     

    回覆刪除
  11. I like Paris too, so I will try my best to "force" him to go with me. If not, I will ask my girl friends to go. haha.
     
     
     
     
    [版主回覆02/12/2010 17:59:00]hope you plan works!
     
     

    回覆刪除
  12. 舊地從遊, 相信有一番滋味! 好浪漫!!! 意大利的PASTA 係吾係好好食?
    [版主回覆02/12/2010 17:58:00]係呀~ 感覺好得意! 我地最後一晚喺羅馬時,仲有一件更浪漫既事~~~
     
    其實我今次比較少食pasta,集中食地道野多~ 不過佢地真係幾乎間間餐廳都煮到意粉啱啱好al dente 果喎!!!
     
     

    回覆刪除
  13. 好多時去幫襯小店先會有驚喜,食到正野,眼到我口水流,尤其個雞肝雞心
     
    不過最估唔到連Mr. T都話正  會唔會自此一吃愛上呢
    [版主回覆02/12/2010 17:54:00]依類小食店先至夠地道嘛! 如果只係要食貴靚餐,只要比得起錢既話喺邊度都食得到~ 不過依種小店就要識途先會食得到好野!
     
    其實雞肝老公一早已開始食少少架嘞~ 不過以前叫佢食雞心佢屎都唔肯試,今次竟然食完一粒又一粒.....可想而知碟野幾大魔力呢!
     
     
     

    回覆刪除
  14. 隻雞脾睇到我流口水
    [版主回覆02/12/2010 17:49:00]我睇住張雞脾相都流口水~~~~
     
     

    回覆刪除
  15. 八哥狗的女主人2010年2月11日 上午7:31

    見到枱面咁多美食就流口水喇! 我唔可以放縱咁食喇,我肥咗好多,BMI及胆固醇指數都過咗界!
    [版主回覆02/12/2010 17:48:00]其實我都要開始節制吓自己嘞! 食極唔肥一件事,但始終自己都唔係十八廿二......唔可以再咁放縱~
     
     

    回覆刪除
  16. Wow,  tasty foods and happy trip ah.   Cannot wait to see you share your  2nd..3rd...days of the trip ah.   
    [版主回覆02/12/2010 17:47:00]i miss Rome already!!!!!
     
     

    回覆刪除
  17. 你呢﹐食極都咁好身材呀﹗羨慕死人咩~ 一落機仲化妝添﹐原來我地都係唔化唔出街既人~ 唔得喇﹗你好多野食呀﹗整到我又係度假肚餓喇﹗
    [版主回覆02/12/2010 17:46:00]我個肚裡面有個黑洞嘛!
     
    查實我平時成日素顏出街架! 不過去旅行要影靚相嘛~ 而且果朝咁早機,到咗羅馬都仲好早,有時間咪化妝囉!
     
     

    回覆刪除
  18. haha ...睇你個樣就知你食得開心啦.... d pasta 真係幾搞鬼喎.....
    [版主回覆02/12/2010 17:44:00]任何時候食自己鍾意既食物我都會好開心架!  果隻搞鬼意粉買來做手信就差唔多.....
     
     

    回覆刪除
  19. 等緊你既" 浪漫既事"呀 ! 快d 講黎聽下啦 ! 搞到人地心掛掛
    [版主回覆02/12/2010 19:08:00]浪漫既事發生喺第4天~  禾要順住order 架嘛!
     
     

    回覆刪除
  20. 真係擦得好勁吓喎,食唔食得哂架?
    [版主回覆02/12/2010 19:06:00]緊係食得哂! 汁都無得剩呀~ (點麵包點哂! )
     
    我仲未整年糕~ 不過妳可以喺下一篇睇到我個魚模係咩爆笑樣!
     
     

    回覆刪除
  21. 你兩條友仔係咪咁餓呀 , 平時都餐餐好餸啦, 今次去旅行見到你咁食, 真係好次餓了好多日或飢荒後食番餐勁囉.....
     
    經過我去年去歐洲 , 我會覺得每地方要獨立去旅遊 , 因為睇得實在太皮毛, 而我又係愛逛超市的人, 真係好開心好寫意的.....
    [版主回覆02/15/2010 03:40:00]依d野返到英國無得食嘛! 去到羅馬咪食返夠本囉!
     
    其實去邊度旅行都好,真係最好自由行! 參加果d所謂精華遊,10幾日去幾個國家,真係只可走馬看花,好難真正見識到真正既風土人情......
     
     

    回覆刪除
  22. That chicken leg looks yummy, I also want to eat ah~
    睇完你呢篇我都想去勁食呀!
    [版主回覆02/19/2010 18:25:00]隻雞脾好正架~ 不過做法實在太麻煩......
     
     

    回覆刪除
  23. 睇到妳拎住雞脾張相好想食呀!!!hahaha~~正唔正架~???
    間鋪係Rome Termini 火車站附近~~~我都唔知邊到打邊到~仲未查清楚d資料呀!!!-_-""
    [版主回覆08/23/2010 06:46:00]依間小店我2年多前honeymoon 時已經幫襯過好多次,如果唔正既話,我地今次都唔會再特登去幫襯~
     
    Termini 火車站係羅馬市一個大站,好多車都會到依個站,非常容易搵.
     
     

    回覆刪除
  24. Termini 火車站係羅馬市一個大站 <-一出站行幾耐就搵到呀??
    [版主回覆08/23/2010 16:13:00]喺火車站隔離既橫街~ 依篇網誌上面已有地址.
     
     

    回覆刪除
  25. 你好,今日無意中發現你篇BLOG介紹意大利羅馬,我和我的朋友計劃緊明年三月去羅馬旅行。唔知你可唔可以比少少路線嘅建議我哋呢?四日三夜足夠嗎?幾耐先睇完啲大景點?去梵蒂岡要留幾耐?點樣行先最好?睇過香港旅行社介紹意大利啲團只係留羅馬一至兩日,仲已經去埋梵蒂岡,乜真係咁細,景點兩日行完?
    一般餐廳有冇英文菜單?你至愛個間快餐有冇英文㗎??
     
    p.s. u and ur hun hun are so sweet~~~~
    [版主回覆10/03/2010 18:49:00]你好! 其實你地明年3月先出發,絕對有足夠時間慢慢計劃行程, 4日3夜都夠玩basic 野架嘞~ 建議你先買本羅馬旅遊書,搵一d你地有興既景點,再編排行程~
     
    路線恕我比唔到意見你,因為去親旅行行程都係我老公plan 既!   旅行團果種走馬看花行程點同自由行呢? 好似我地今次去既地下墓穴(見網誌!),旅行團根本唔會帶團去!
     
    好多餐廳都餐牌都會有英文,不過我地最愛果間快餐店係無餐牌既,佢地每日都有唔同大盆食物搬出來,盆野前面只會放個意大利文既牌 + 價錢~
     
    你地要有心理準備,意大利人唔同法國人 - 法國人英文好但唔鍾意講; 但意大利人大部份英文都好差! 真係連好簡單既英文都聽唔明,莫講話要佢地講.....
     
    梵蒂岡如果早去既話,預半日都應該夠架嘞! 唔係好大既啫! 不過依點我有保留,因為第一次去時撞正6月聖日排隊排到傻咗.....安排行程時記住要留意梵蒂岡開放時間! 你以睇返我講梵蒂岡果篇~
     
     

    回覆刪除
  26. 你HONEY真係好~計劃好啲行程比你,我就無你咁好彩喇~Plan o個個喺我   頭都痛,又要睇旅遊書,又要上網做research!到頭來發現睇人哋D Blog仲有用!
    旅遊書我會買,但係晌香港見親都喺成本介紹意大利,入面羅馬得個2-30頁唔夠,已經講埋 , 地理,交通,餐廳同酒店!資料有幾詳細可想而知! 有D書都有路線提議嘅,會叫我地用五個小時可以去哂啲大景點,都唔知信唔信好~
    [版主回覆10/04/2010 02:36:00]我地去親旅行前,我會先list 哂想去既地方 + 想做既野,然後就等Mr.T 計劃行程! 除非係一d我比較熟悉既地方啦e.g. 香港、台灣依d咪我來plan 囉~
     
    5粒鐘去哂大景點?  寫果本旅遊書既人個腦一定有問題.......
     
     

    回覆刪除

Related Posts Plugin for WordPress, Blogger...