之後我既心情一直處於好緊張好緊張狀態，
不過間中都可以自我調較放鬆少少......
直至中秋節前既2星期進入關鍵時刻，
Mr.T 有個為期2星期既大task 進行 - 第一個星期Mr.T 出咗trip;
第二個星期又要finalise 所有野;
雖然係老公既工作，但我作為佢老婆，
由佢出trip 第一日起打後整整2星期，
我仲緊張過Mr.T ，幾乎完全無放鬆過!!
連我同Mr.T 9月9日拍拖12週年我都根本無心情慶祝......
(不過Mr.T 忙緊都記得送花比我! )
本來老公預計出年1、2月左右先會有機會升到依個位，
所以老公8月中收到消息時好驚喜又好緊張!
連帶傳染到我都緊張埋一份!!
但我一感染到"緊張菌"，緊張病就會急劇惡化!!!!
其實我對老公絕對有信心，從來都無懷疑過佢既能力!
只係我緊張大師既性格好難改變......
情緒連續綳緊2星期兼中秋前V不停手咁整月餅，
後遺症終於出現嘞......
精神一放鬆成個人就好似打咗2星期仗咁攰!!
但同時因為老公升職令我情緒相當高漲~
所以雖然我好攰，但早排我晚晚睇哂成本書都仍然眼光光.....
That's why 早前有網友問我點解少咗update!
中秋節已過咗個多星期，而我仍然好開心~
不過我精神體力終於完全回復正常嘞!
一直想整返餐好既來慰勞下Mr.T......
9月21日: 淮杞花膠蟲草花煲瘦肉; 白切鹹雞; 髮菜海參炆鮑魚 & 鵝肝臘腸炒Spring Greens
Asda d free range 走地雞真係好好食! 肉質嫩滑得來又好有雞味~
連一向味蕾遲鈍既Mr.T 都話: 咦~ 依隻雞咁好食既!
好想食鵝肝臘腸炒芥蘭，不過最近中超芥蘭唔多靚......
淮杞花膠蟲草花煲瘦肉(參考食譜)click here~ 髮菜海參炆鮑魚食譜click here~ 鵝肝臘腸炒Spring Greens(參考食譜)click here~>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>
最近無乜點update 食過乜，不過都想紀錄一下呢......
9月8日二餸無湯: 檸檬雞翼 & 蒲瓜煮鮮蜆
除咗雞翼之外，另一樣我仍然食上緊癮既就係蒲瓜~~~~
檸檬雞翼食譜click here~ 蒲瓜煮鮮蜆食譜click here~
老公是日去咗愛丁堡開會~ 本來我打算跟埋佢去愛丁堡行街，但落大雨所以我無去到......
不過老公從愛丁堡買咗壽司返來比我食~ 仲有碗miso soup!
全部都係我架!
9月13日: Pizza Hut
是日去Glasgow Fort 行街，之後本來想去Nando's 食燒雞~
不過行到Nando's 門口又突然唔想食燒雞，
反而想食隔離既Pizza Hut!
我一向唔係Pizza Hut 粉絲，所以老公覺得我怪怪地!!
我覺得個salmon pasta bake 好好味!!
所以隔咗幾日後我決定要翻一翻......
9月16日: 老翻Pizza Hut Creamy Salmon & King Prawns Pasta Bake
不過Mr.T 話我整得仲加好味過Pizza Hut!!
Creamy Salmon & King Prawns Pasta Bake食譜click here~
9月17日: 外賣雞炒飯; 叉燒 & 炒菜心
是晚好想好想食叉燒!
突然間想食當然整唔切啦，唯有叫老公放工時買現成叉燒返來~
我食叉燒鍾意襯白飯; 不過老公自己就要咗個雞炒飯......
咁鬼多肉當然要有返碟菜!
到咗晚上，我仍然好想好想好想食叉燒!!
9月19日: 叉燒 & 炒白菜
又叫老公買盒叉燒!
(都話咗我一鍾意食某樣野就會不停食食食...食到厭為止先會停! 嘻嘻~
) 叉燒蛋炒飯食譜click here~>>>>>>>>>>>>>>>>>>>>>>>>>>>>>>>>>>>>>>>>>>>>>>
(1) 中秋前既星期三(9月7日)，Mr.T 寄咗d自製月餅返香港比V爸爸V媽媽 + 一位朋友......
原本打算寄特快，預算星期三寄件，星期五或星期六佢地就可以收到~
點知Mr.T 搵人代寄寄錯咗空郵!
問題係Royal Mail 根本就實行唔到5-7日依個承諾囉!
剛過去既星期二(9月20日)，朋友終於收到包裹(差1日就啱啱好兩星期!
)第二日(9月21日)V媽媽都來電告知朝早收到包裹~
幸好裡面既月餅完好無缺兼仲未發霉!!
而V媽媽即時喺舖頭將月餅同其他人一齊分甘同味食鬼哂!
廣式月餅做法click here~(2) 早前好榮幸收到香港家樂牌市務部邀請我做家樂牌榮譽Blog友~ (網誌)
之後我特別寫咗個食譜"香茜蕃茄魚湯蛋餃"提交比佢地......
早幾日食譜喺FB page "家樂牌食譜煮好D" share 咗出來嘞! 嘻嘻~~~
香茜蕃茄魚湯蛋餃食譜click here~
睇唔出你人仔細細食咁多SUSHI。。你就好啦。。得天獨厚。點食都唔肥。同埋你個邊D食物好似多過我住呢到。真幸褔哦！！
回覆刪除[版主回覆09/26/2011 02:45:00]哈哈~~~ 我細個時好憎食飯只食餸，食一餐飯比人打好多次......可能而家要補返啩! 老公既講法就係 - 我肚裡面有個黑洞!!
我住市區食肆比較多元化，選擇自然會多d~
事業更上一層﹐恭喜晒你地呀 ~ 你斬雞或燒肉真係好掂呀﹐ 我次次都斬到甩皮甩骨~
回覆刪除[版主回覆09/26/2011 02:42:00]多謝妳啊妹妹妹!
其實依碟雞都斬得有少少散散地嘞....斬雞前唔記得磨吓把刀! 其實我都幾唔鍾意斬雞鴨 - 彈到周圍都係!
恭喜Mr.T!!
回覆刪除咁多好野食睇相已經流哂口水
點解英國 叉燒 咁瘦既?我就鍾意半肥瘦
[版主回覆09/26/2011 02:39:00]Thank you very much Andrea!
哈哈~~~ 中國外賣算唔上咩好野喎!
依間野d叉燒一時時，不過大多數都係好鬼瘦.....我同妳一樣都係鍾意食半肥瘦既呢~
恭喜哂MR. T 賀喜MRS. T
回覆刪除[版主回覆09/26/2011 02:38:00]Thank you very much bv!
亞V , 我睇完妳呢篇 , 都非常替妳高興
回覆刪除[版主回覆09/26/2011 02:37:00]Thank you very much Maggie!
檸檬雞翼你地食左多少餐
回覆刪除[版主回覆09/26/2011 02:37:00]都唔係好多啫~ 由我第一次整食咗3餐之嘛!
"Congratulations" 恭喜 Mr. T事業步步高昇
回覆刪除[版主回覆09/26/2011 02:36:00]Thank you very much SoSo!
Vca & Mr.T , 恭喜晒~~~~
回覆刪除[版主回覆09/26/2011 02:36:00]Thank you very much Polly!
哈哈，終於知道發生乜嘢事令妳緊張嘞！ 恭喜晒你哋呀！ 係囉，估唔到妳身處他鄉，食到咁多好嘢，厲害！
回覆刪除[版主回覆09/26/2011 02:23:00]Thank you very much Rita! 果100隻蝴蝶 + 10隻鹿仔終於都走咗咯! 哈哈~~~~~
其實每個地方都有佢既特色食物既! 食物未必完全啱我地依種異鄉人既口味，不過喺度住得耐咗，加上依度食肆開得越多口味越來越多元化，要搵好野食都唔太難呢~
Congratulations to Mr. T. and Ah V .. 恭喜晒 !
回覆刪除By the way, one of my best friend just immigrant to Scotland early of this month.She send me lots picture about her new life. And I found it's really beautiful in Scotland. I hope I can visit her next year.
Peggy
[版主回覆09/26/2011 02:18:00]Thank you very much Peggy! yes Scotland is a beautiful place~ im sure you will love it! hope your friend enjoy her life here.
恭喜Mr.T & Mrs T 怪不得你上几个星期很少出blog啦。
回覆刪除[版主回覆09/26/2011 02:16:00]多謝妳啊月兒! 早排個人好攰少咗煮野，所以少咗update~
好登你地開心呀! 連升兩級喎 . Mr. T 你係叻嘅! 不枉阿V登你咁緊張
回覆刪除[版主回覆09/26/2011 02:14:00]Thank you Cherrie! 果2星期老公自己已經好忙又好緊張，我自己又緊張埋一份，但係佢放工返到屋企我又要故作輕鬆，因為唔想佢又擔心我加重佢負擔.......果2星期對我來講真係漫長!!
Congrats to Mrs & Mr T.
回覆刪除[版主回覆09/29/2011 02:09:00]Thank you Jo!
btw 要同妳講聲sorry 啊~ 因為Mr.T 之前好鬼忙，啱啱果個星期一晚先開始畫個公仔，星期六應該會搞掂~ 仲趕唔趕得切呀?
Congratulations to Mrs T & Mr T..
回覆刪除你個叉燒炒飯好吸引...
你個做節 + 慶祝 dinner 好正...
[版主回覆09/29/2011 02:07:00]Thank you very much Ka Man!
恭喜Mr.T 你係得既!!! 原來蝴蝶同小鹿係咁樣黎探妳,咁希望佢地以後耐唔耐黎搵下妳啦 btw...果餐豪華晚餐我係諗你地補拍拖週年既慶祝,而家揭曉,真係雙喜喜臨門
回覆刪除[版主回覆09/29/2011 02:06:00]Thank you Gaile! 承妳貴言啊~
無特別話補返拍拖週年啊~ 之前攰到甩碌，倒不如留返下個月結婚週年先一齊慶祝啦!
Congratulations Mr. T! All the best!
回覆刪除[版主回覆09/29/2011 01:59:00]Thank you very much Happy!
你好, 我時時都有看你的blog, 我覺得你叻, 可以煮這麼多好嘢食.
回覆刪除[版主回覆09/29/2011 01:59:00]妳好啊閃鑽! 多謝妳捧場 + 讚賞啊~
HAHA, NO i mean咁大盆分多少餐食哂
回覆刪除[版主回覆09/29/2011 01:57:00]一餐半囉! 夜晚同Mr.T 2個人食一餐，剩返既第二日我一個人做lunch~
恭喜哂呀 !!!!!
回覆刪除[版主回覆09/29/2011 01:55:00]Thank you Annie!
恭喜晒 Mr. T, 恭喜晒 Mrs. T, 深深感受到你好愛好愛 T 先生哩 好感動呀!!
回覆刪除[版主回覆09/29/2011 01:55:00]Thank you VIVI! 其實我只係盡做老婆既本份啫~
恭喜!恭喜! 祝你們事事順利!
回覆刪除[版主回覆09/29/2011 01:54:00]Thank you chumama!
超遲來的中秋節快樂!! 之前因為忙住擺酒D野, 搞到宜家先得閒追返你個Blog! 依然係咁擦得呀! 勁
回覆刪除[版主回覆09/29/2011 01:54:00]Thank you Zoe + happy belated mid autumn!
恭喜晒 Mr. T, 果然人逢喜事 , 又真係要食好d啦 ! 有個甘識煮識食識諗的老婆, Mr T 工作起來真係無後顧之懮啦 !
回覆刪除[版主回覆09/29/2011 01:53:00]Thank you WingL!
太過獎嘞~ 其實我只係做老婆既本份啫!
好吸引的食物！！
回覆刪除特別是那些你親手做！
想信吃下去的人一定感到好温暖:-]
[版主回覆09/29/2011 01:52:00]Thank you orangemannn!
that's so awesome...!!! 恭喜晒~~~~~ 其實係英國/Scotland既華人係咪比白人難上位??? 因為我識既好多asian就算真係有料都好難上位... 大部份升職都係升左班鬼佬先... anyway...~恭喜你地呢~~~
回覆刪除[版主回覆09/29/2011 01:51:00]Thank you wind!
無可否認洋人社會對華人存有歧視，但工作上最重要始終係睇表現! 我唔相信成間公司話得事既領導層都係咁種族歧視咁盲目，如果間公司真係咁的話，咁真係應該辭職唔好做! 因為幾有料都好，做落去都無前途!
恭喜晒Mr.T呀~ 仲要讚下V女呢~ 有你呢個咁精叻醒既女人係背後撐住 咁你老公就可以放心係出面努力工作啦~
回覆刪除[版主回覆09/29/2011 01:46:00]Thank you + 過獎嘞笨笨!
恭喜恭喜。。。好勁呀連升２級。。真係要賀一賀呢
回覆刪除[版主回覆09/29/2011 01:40:00]Thank you 朱古力!
好耐無見啊~ 最近好嗎?
恭喜MR T & MRS T
回覆刪除叉燒蛋炒飯,簡單又好味!!
[版主回覆09/29/2011 01:35:00]Thank you 晶晶!
我真係好鍾意依個叉燒蛋炒飯~ 有食剩叉燒最好用來整依個!
首先恭喜MR.T 升職加薪....
回覆刪除第二係我真係吾識備份個BLOG...我down咗firefox....但就down吾到 http://easyth.uni.cc/little0.5.5.xpi 一入去就話呢個網址吾得...
仲有二日就要up個blog嘞....如真係搞吾掂我諗住就咁升級算嘞...
[版主回覆09/29/2011 01:33:00]Thank you Samchi 媽!
我記得好似我backup 完之後幾日，個website 就唔得! 妳而家問返我，我都唔知點整......
佢地仲未決定正式upgrade 日期呀! 不過10月12日舊blog 就唔可以再update，要upgrade 咗先可以update~ 今朝Yahoo 客服打長途電話比我，話遲吓會有optional 比大家backup blog 喎!
Congratulaton! Mr. & Mrs. T.
回覆刪除[版主回覆09/29/2011 01:26:00]Thank you Cooking Mama!
Congratulations!
回覆刪除[版主回覆09/29/2011 01:26:00]Thank you 荔枝冰!
唔使sorry~ 我11月先要架jar ... 真係唔急架... 慢慢黎啦
回覆刪除[版主回覆09/29/2011 21:11:00]weekend 或者下星期頭應該比到妳架嘞!
咁你有消息後..記得話我知喎.....
回覆刪除[版主回覆09/29/2011 21:12:00]暫時我只知舊平台用到12號就只可睇，無得再update~ 要update 就要升去新平台!
真係恭喜你同MR T. ，啲個足以證明成功男人背後一定有個賢內助
回覆刪除[版主回覆09/30/2011 19:35:00]Thank you + 太過獎嘞Anne~
恭喜Mr. T~!!!! 連升兩級....勁呀!!!!!!!!!!!!!!!!!!!!!!!!!
回覆刪除[版主回覆09/30/2011 19:30:00]代Mr.T 多謝妳啊菲‧On!
前排得閒返少少呢.. 得閒我又會過黎昅昅你嫁啦, 哈
回覆刪除[版主回覆09/30/2011 19:29:00]其實我懶咗好多! 自從知道Yahoo 就快升級我就無乜心機......
V女--最近唔得閒,而家上黎至睇到呢個好消息,恭喜你地2隻開心鬼,蠁繼續努力.gogogo!!!
回覆刪除[版主回覆09/30/2011 19:28:00]好多謝妳啊dayday!
Would you please to tell me any 中國冬菇,不是很貴，不是一粒太細隻不是好厚身。我一般浸軟切絲煮公仔面吃。just wan a change, thx.
回覆刪除我想說any 食鐠丿for mushroom.
回覆刪除[版主回覆10/30/2011 21:59:53]唔知依條link work 唔work: http://blog.yahoo.com/happy_Mrs.T/blog/search?p=%E5%86%AC%E8%8F%87 (如果唔得的話，妳喺"最近的POST"上面條bar 度打冬菇，再click 吓個放大鏡icon，妳就會搵到我blog 裡面有冬菇既食譜架嘞!)