大功告成! (2011年9月7日)

從未試過連續咁多日開住焗爐 - 水水都係整月餅!

忙於整月餅，搞到連飯都無時間煮......
整咗咁多日月餅，終於大功告成嘞!!

無計住整咗幾多次 + 整咗幾多......

不過5、6次應該無走雞!

 而且水水都係咁既樣!!
點解分開咁多次來整，唔一次過整哂呢?

雖然原本plan 好計好哂整幾多來送比親朋戚友......

不過當我將製成品既相放咗上FB後，朋友紛紛傳來sms 話想要我整既月餅!

連遠至香港朋友都想要!!

 加上我論論盡盡......粗手粗手腳唔小心撞爛咗1隻 + 跌爛1隻;

再加上我 + Mr.T 都為食......一路整一路比我同Mr.T 食咗好多隻~

所以整既過程當中，製成品數量一直報銷......

話咁快下星期一就係中秋嘞，所以近幾日我不停趕工!

搓搓搓......包包包......印印印......焗焗焗......pack pack pack......送送送......

不停重覆以上動作，十足十一部人肉月餅機一樣!!

 尾二依水星期一搞掂，即晚派老公送走哂佢地;

 尋日(9月7日)終於到最後一水!

雖然我覺得整月餅好好玩，不過整咗咁多水，機械性地重覆同一組動作......

我已經開始覺得唔好玩咯!

 pack 靚佢......

 入埋盒準備攞比朋友......
希望收到月餅既妳、你 + 你地會鍾意啦!

 今年泗和行d鹹蛋好靚! 蛋黃粒粒紅卜卜似果汁糖~

 製成品起砂兼流黃油!

 因為今年訂咗2個私家月餅模，新屎坑~ 月餅全部都整哂依2個款......

 依個上年年尾返香港時買既模仔完全未開過光......

 尋日整最後一水月餅時，特登用依個模來整咗4隻無黃淨蓮蓉月~

中秋當日十五我要食齋嘛!

不過食齋同時我都想應應節啊~

今年玩整月餅玩到爆哂燈，係時間收爐嘞!

下年再玩過~~~~~~

 喺泗和行買到我既童年回憶 -  仔餅~


 廣式月餅食譜click here~