2011年9月2日星期五

新鮮熱辣高木直子 (2011年9月2日)

早前收到金石堂新書預告email,
高木直子新書"一個人暖呼呼"9月1日正式上市!

上星期連埋其他書一齊預購......

 今日(9月2日)就收到! (金石堂效率真係高!! )

 之前5月出版既"一個人去跑步"我仲未買,今次一次過買埋!


 提早預購"一個人暖呼呼",仲有一個限量束袋送呢!




 除咗高木直子之外,仲有......


 彩繪蛋糕卷

喺FB見到朋友生日時收咗個好靚既彩繪蛋卷,搞到我又好想試吓整!




 古法食譜

集合咗由秦開始自晚清古籍e.g. 禮記、齊民要術、隨園食單等既古代食譜,我唸會幾有趣!







18 則留言:

  1. 本彩繪蛋糕卷我都有興趣呀!之前喺尖沙咀某間餅店見到呢種蛋卷好靚,我已經想研究點整o架喇!
    [版主回覆09/03/2011 21:25:00]咁妳都買依本書參考吓啦! 我立過吓裡面每個step 都教得好清楚,易明易學呢~
     
     

    回覆刪除
  2. 彩繪蛋糕好靚呀, 你快d整完教我哋整啦!?
     
    [版主回覆09/03/2011 21:01:00]好~ 等我清哂d月餅債,我就開工整彩繪蛋卷!
     
     

    回覆刪除
  3. 其待你做“ 彩繪蛋糕卷”
    [版主回覆09/03/2011 20:53:00]等我慢慢咪完本書先開工!
     
     

    回覆刪除
  4. 彩繪蛋糕卷咁靚真係會唔捨得食
    [版主回覆09/04/2011 19:12:00]等我還哂d月餅債就開工整彩繪蛋糕!
     
     

    回覆刪除
  5. 你就好啦,可以買到咁多書,我都好想買呀,不過上次買過一次,俾加拿大海關打咗貨價的1/3稅,我肉痛到死呀,而家我只好將我真係好想買的書儲埋一個list,叫我媽買完寄俾我,被打稅機會才減少咋~
    [版主回覆09/04/2011 19:11:00]妳真係唔好彩......我未幫襯金石堂前用YesAsia 買咗好多年書; 用咗金石堂年幾買過6次書都無事!
     
     

    回覆刪除
  6. 有無睇過 [一個人住第九年] ? 幾好睇吖! ^^
    [版主回覆09/04/2011 19:06:00]高木直子所有書我都買齊哂 + 睇哂!
     
     

    回覆刪除
  7. 我係高木直子FANS~!! 但我仲未買呀.... 好多書未睇加上遲下又搬屋所以都係搬完先買 忍忍忍忍忍... 珮夫人
    [版主回覆09/04/2011 19:13:00]妳一本都未買定係有好多未買?
     
     

    回覆刪除
  8. jj and littlebread2011年9月5日 上午2:51

    我都超鍾意高木直子, 睇完好開心!
    妳好快呀, 我住响HK都未咁UPDATE呀!
     
     
    [版主回覆09/05/2011 17:57:00]我係9月1日前預購既~ 雖然9月1日先正式出版,但我唸金石堂唔會9月1日先收到貨,所以我先咁快9月2日就收到書!
     
    咁妳買咗"一個人暖呼呼"未呀?
     
     

    回覆刪除
  9. 你買左個2本都未買...仲有其他作者既書...出左成半年都未買...... 珮夫人
    [版主回覆09/06/2011 06:13:00]咁妳而家咪可以一次過買哂佢地囉!
     
     

    回覆刪除
  10. 多謝你ge回覆Mrs T.  對唔住!  我成日都mix up左你個名!  其實我都知Edinburgh 係 Scotland 首都, 點都唔會差得過London, d 野仲可能好貴tim!  不過始終未去過, 有少少擔心je!  同埋上過Google map search 過Queen Margaret 附近好似得一間 Tesco, 又見唔到你成日mention ge 海鮮呀,中國超市呀, 餐廳呀咁~ 所以怯怯地!! 貪心問多條問題!  我見你去左食buffet, 有無推薦邊間好呀? 因為另一半係超級buffet 迷!!
    [版主回覆09/06/2011 21:57:00]Edinburgh 無錯係蘇格蘭首都,不過一個城市繁榮程度唔係以首唔首都來計架! 而且南下同蘇格蘭文化有差異,根本唔可以以南下標準來比較~
     
    愛丁堡始終係一個大既範圍,我唔知你地將會住邊一區,不過你之前所提及既超市等等既店舖喺市區一定唔會缺少囉~ 咁你唔可以期望喺英國生活似香港咁,乜都緊有一間喺左近架嘛!
     
    你網上搵既資料唔見我成日提及既海鮮 + 中式超市,係因為我住喺Glasgow 非Edinburgh! Glasgow 華人比Edinburgh 多,Glasgow 中式超市同樣比Edinburgh 多e.g. 全蘇格蘭最大既中式超市泗和行都係喺Glasgow~ 我買餸緊係唔會特登走去Edinburgh 啦! 不過Edinburgh 最少有3間中式超市: 萬富行、興盛行 + 百佳中英行~
     
    我食親buffet 都係去Glasgow Hilton! Edinburgh 有3間Hilton,不過我只住過Edinburgh city centre 既Caledonian Hilton,佢地朝早有buffet breakfast 供應,但我唔肯定有無dinner buffet~ 你可以打電話去問吓!
     
     

    回覆刪除
  11. 我都啱啱睇完一個人跑步呀 前幾天去台灣我仲買埋暖呼呼添呀 我係誠品買 送杯墊 ^^
    [版主回覆09/06/2011 21:33:00]我睇緊"一個人跑步","一個人暖呼呼"仲未睇~
     
    杯墊係誠品自己既贈品定係出版社贈品來架? 我個袋仔係出版社既官方預購限量贈品~
     
     

    回覆刪除
  12. 搬完屋先買啦...唔想買完返來又要搬 家陣諗起要搬.....已經想死 珮夫人
    [版主回覆09/06/2011 21:30:00]咁就搬完屋先買餐飽啦!
     
     

    回覆刪除
  13. Thank you Mrs T!  你真係好有心機回覆!! 多謝你指點迷津!
    [版主回覆09/09/2011 23:42:00]唔洗客氣! 唔可以話指點迷津,只係當傾吓計啫~
     
     

    回覆刪除
  14. 我都有買返直子的書!!! 不過是簡體版,較平:) 我妹妹好愛看!!會看到笑出來的xd
    [版主回覆09/09/2011 23:42:00]我知道簡體出平d又好似出得快d~ 不過我買唔到簡體版又唔識睇簡體字啊.....
     
     

    回覆刪除
  15. 我仲未買暖呼呼,要搵日順便去旺角時上樓上書店(有8折)先去買 Mrs.T, 你睇左未丫^^?
    [版主回覆09/09/2011 23:41:00]係呀~ 扑友話田園書屋有8折架!
     
    "一個人去跑步"已經睇哂; "一個人暖呼呼"睇咗一半~ 我本來以為"一個人去跑步"無咁好睇(因為我唔做運動嘛! ),不過so far 我覺得"一個人去跑步"好似好睇過"一個人暖呼呼".....
     
     

    回覆刪除
  16. 高木直子我都好啱呀, 我覺得d紙質都好靚呀!
    [版主回覆09/09/2011 23:38:00]佢d書真係好好睇呢! 每次我都睇得好開心~
     
     

    回覆刪除
  17. 請問那本彩繪蛋卷書是在香港哪間書局買呢?
    [版主回覆11/01/2011 04:57:06]我住喺蘇格蘭架! 本書我喺台灣金石堂訂架~ ^^

    回覆刪除

Related Posts Plugin for WordPress, Blogger...