Princess L (2011年9月22日)

 大家記唔記得依個濃妝老土怪? (網誌)

 大家仲記唔記得依個怪模? (網誌)

 今日我終於將老土怪變身成為一個高貴公主嘞!
老土怪大變身......

 首先幫老土怪著件保鮮紙內衣。

 再用怪模(公主蛋糕模)焗一個要用成6隻蛋既裙型海綿蛋糕......

P.S. 無公主蛋糕模，可以焗2個7吋海綿蛋糕，叠起自行切出裙型!

 蛋糕焗緊時，幫老土怪set 個高貴頭先!!

 依頂大黃鑽冠其實係一隻有彈性既朱義盛戒指~
朱義盛係我同Mr.T honeymoon 時喺西班牙買既小玩意紀念品來!

 再幫佢襯返對大黃鑽耳環......

 即時飛咗上枝頭，土氣全消!


將焗好既裙型蛋糕打橫切一半，中間切出一個洞足夠放入公仔。

同忌廉蛋糕做法一樣 - 噴酒糖液 > 塗忌廉 > 放上雜果 > 叠上蛋糕上層。

 插入變身後既老土怪固定位置，再塗抹忌廉。

P.S. 因為會在裙上唧忌廉花紋，所以底層忌廉唔需要抹得咁完美!

 即係咁!

 淺啡色既裙係朱古力忌廉 - 打忌廉時加入朱古力醬一同打至8分就可以入唧袋~

 再用原色忌廉唧出裙既花邊。

 忌廉唧得唔靚，用彩虹糖珠"遮醜"......

 即係咁!

 大變身完成!!



一向都係用開厚忌廉(double cream)，不過我發現厚忌廉好容易打過龍!

於是今次我改用一半厚忌廉 + 一半淡忌廉(whipping cream) 混合來打發，效果果然好好多!!

>>>>>>>>>>>>>>>>>>>>>>>>>>>>>>>>>>>>>>>>>

老土怪變身成高貴公主，被封"Princess L"!

點解係L?

呢~ d學緊車既人咪要喺架車度掛個L學神牌既~

我忌廉唧花技巧完全係學神咁既水準......

所以老土怪其實係一個"學神公主"來!! 哈哈~~~~

唧花唔靚可以慢慢練習!

不過問題係.......

 我根本唔知依48款唧咀，每款唧出來係咩樣!!?!?!