其實我細個時既玩具好多元化，仲好unisex! 例如:
我會玩煮飯仔、換衫紙公仔...依d"女仔野";
我又會玩遙控車、電動火車軌模型、膠劍...依咋好明顯係"男仔野"
我仲會玩一d無咩女仔夠膽玩既"大自然玩具";
e.g. 我細個時住喺長洲，summer 成日都捉到草蜢、金鼓甲蟲或蟬之類既昆蟲，
之後我會用一條縫衫既線綁住蟲蟲頭部與前胸連接既地方......
我拉住線既另一端，所以當蟲蟲飛起想逃走時，點都飛唔出我指罅!
哇哈哈~~~~~
我小學6年級時，V媽媽一次過買咗2個Barbie 比我!
我先至第一次擁有Barbie (正版既! 我細個時無而家咁多翻版野);
之後V媽媽再送我一隻著住件鮮紅喱士徐小鳳式大圓裙晚裝既Barbie，
就係由果時開始，我好鍾意幫3隻Barbie set 頭!
我試過幫佢地剪頭髮; 又試過攞V阿姨d定型水噴佢地個頭......
我幫公仔set 頭既"基本功"就係果時練成架嘞~
事隔咗咁多年，我手勢總算無退步到!
隨住時光既流逝，加上V爸爸鍾意唔問人就隨便揼人d野既性格，
我果3隻Barbie 已經喺一次娘家大掃除之中，一次過比V爸爸揼鬼咗!
越講越遠呢......回正題~
第一次整學神公主蛋糕自覺合格，於是我就心思思想買返一隻正版既Barbie!
但睇極都唔啱心水，因為我唔鍾意金色頭髮!
不過深色頭髮既Barbie，大部份連皮膚都係深色......
(唔係種族歧視啊! 只係我對公仔既個人喜好!!)
正版Barbie 暫時睇唔啱心水，
唯有轉移視線睇吓有無其他質素好既深色頭髮白皮膚公仔啦......
(啱啱仲發現咗佢對腳原來好鬼粗!
)其實依個叫做Harumika 既公仔同一般Barbie 唔同架!
佢係扮放喺時裝店櫥窗果種模特兒公仔，對象係比發時裝設計師夢既小朋友喎......
不過佢個樣未免太過恐怖吧~~~~
我對公仔既要求除咗要深色頭髮 + 白皮膚 + 樣靚之外，就係品質唔可以太差!
雖然用來整蛋糕唔係食個公仔落肚，不過品質太差難免心理上會有點兒那個......
所以就算個公仔好平都唔係問題，總之品質唔可以太差!!
咁點知個公仔品質差唔差呢? 我自己既標準就係睇公仔用既膠~
要好似正版Barbie 咁 - 皮膚望落要有光澤; 攞上手個公仔要有重量，對我來講咁就為之合格嘞!
而最容易睇到公仔用咩膠就係睇對手......
(果d攞上手輕飄飄，皮膚無光澤，手指間有蹼既公仔...完全唔掂!!
)原來深色頭髮 + 白皮膚 + 樣靚 + 好品質既公仔喺真係英國唔易搵!
我而家先知道 - 雖然老土怪太濃妝...
不過其實深色頭髮 + 白皮膚既佢已經好靚架嘞!
今朝早食完早餐去Home Bargains 打個白鴿轉......
睇得我blog 耐既網友都知道我從來唔用貴價護膚品既，
我一向只用一般大眾化牌子護膚品!
洋人地方比較唔容易買到適合東方人皮膚既護膚品 + 化妝品，
不過我覺得Garnier 既護膚品質地清爽，好適合自己既中性皮膚~
又講遠咗添!!
(其實Sleeping Beauty + Cinderella 個樣仲加靚! 但可惜佢地係金髮......
)
仲有最正係佢把頭髮好長呢~~~~~~
可以整芒果味比佢喎! 好期待睇你今次點幫佢變身呀!
回覆刪除[版主回覆09/29/2011 02:48:00]哈哈~~~ 妳見到佢條裙黃色所以唸起芒果呢?
公主蛋糕要排隊嘞! 啱啱先整完一次，我而家有其他野想整先過新既公主蛋糕~
Barbie公仔 真係女仔的夢想 , 我細個時都冇得玩, 只係試過用d毛巾摺埋扮BB, 用來抱下, 扮下媽媽
回覆刪除[版主回覆09/29/2011 02:46:00]唔知點解我細個時無扭過要買Barbie 既呢? 可能我唔鍾意佢金頭髮??
就算之後買咗3個，我都好少買衫比佢地著，只係集中玩佢地個頭!
期待下一個公主蛋糕面世啊 !
回覆刪除[版主回覆09/29/2011 20:50:00]我癮起買定個公仔咋! 下一個公主蛋糕要排隊等我整咗其他野先啊~
我細個唔鍾意玩 Barbie,但就好鍾意玩煮飯仔!
回覆刪除不過毛公仔到而家都一樣咁愛
[版主回覆09/29/2011 20:50:00]我無話特別鍾意玩Barbie，我對樣樣玩具 - 無論男仔or女你玩具，喜愛程度都差不多!
I remember all girls played Barbies back then, but that's not the case nowadays.
回覆刪除[版主回覆09/29/2011 20:48:00]i still love Barbies! but not the blonde ones~
等一下個靚靚公主出場....加油
回覆刪除[版主回覆09/29/2011 20:41:00]我癮起買定個公仔咋! 下一個公主蛋糕要排隊等我整咗其他野先啊~
期待中....
回覆刪除[版主回覆09/29/2011 20:41:00]我癮起買定個公仔咋! 下一個公主蛋糕要排隊等我整咗其他野先啊~
哈哈我幾時都係最likey廸廸尼嘅belle~ 期待你嘅新作啊~
回覆刪除[版主回覆09/30/2011 19:12:00]其實我無睇過Beauty and the Beast...... 買Belle 只係因為得佢一個深色長髮又白皮膚~
我早兩個月係sainsburys買左個公主Icing cake比我個囡囡生日, 我都keep左隻公仔, 佢lower body係一枝stick可加上個cake度, 我都想試整呀 ^o^
回覆刪除[版主回覆09/30/2011 19:04:00]妳用果種半身公仔來整仲加方便 - 蛋糕中間唔洗切窿，可以就咁插個公仔上去呢~ 試吓整啦，其實一d都唔難整架!
JOHN LEWIS果個公仔真係好嚇人呢..見到都唔想買..
回覆刪除[版主回覆09/30/2011 19:03:00]咪係! 買返去分分鐘半夜比佢嚇死!!
同香港賣既Belle個樣好似唔同既 Belle 啲頭髮咁長，今次會設計個咩髮型比佢呢？
回覆刪除[版主回覆09/30/2011 19:00:00]我依邊d迪士尼公主有好多個系列架! 個個系列都唔同樣，d衫又唔同，配件又唔同...價錢都唔同呢!
妳睇吓英國Toys R Us 條link: http://www.toysrus.co.uk/index.jsf?fh_location=%2f%2ftrus%2fen_GB%2fcategories%3c%7btrus_trus%7d%2fitemtype%3dproduct%2fbrand%3e%7bbrands_branddisneyprincess%7d%2fcategories%3c%7btrus_trus_toysrus_trutoys%7d%2fcategories%3c%7btrus_trus_toysrus_trutoys_trutoysdolls%7d&fh_reftheme=promo_79185236&fh_refview=lister 我買定個公仔先啫~ 我都未計劃幾時再整公主蛋糕! (我搵藉口買玩具比自己之嘛! )
呢支Garnier UV Face Protection Cream 我都有呀~ 不過仲未試~
回覆刪除[版主回覆10/03/2011 06:07:00]我都仲未試呢!
嘩！隻Harumika 真係成隻鬼咁，有無人會買呀？ 珮夫人
回覆刪除[版主回覆10/03/2011 06:06:00]咪係! 我都唔知有咩妹妹會鍾意依隻鬼? 不過佢係Bandai 大廠出品，賣得好鬼貴.....
幾時又有新作呀
回覆刪除[版主回覆10/07/2011 18:04:00]快嘞~ 趕緊工for 一個蛋糕，希望喺升級前完成! (不過唔係公主蛋糕! )