鮮淮山紅蘿蔔粟米排骨湯; 栗子炆排骨; 清蒸滑水蛋 & 清炒菠菜
煮依餐飯真係嚇到得返半條人命!
首先依碗好滋潤既湯.......
今次第一次買鮮淮山來煲湯，
其實泗和行有鮮淮山賣已經係好耐既事，
一直都無買過係因為......之前唔知果碌係咩來!
網上見好多人話鮮淮山黏液會整到人手痕，
所以我批皮切片時已經特別帶咗手套，
點知整完之後先來笨 - 唔記得洗返乾淨對手套!!
手臂唔小心揩到手套上既鮮淮山黏液，痕到發癲!!!!
搲到兩手前臂紅哂，用水沖咗幾次都唔得，
唯有煲落湯就拿拿淋去沖涼~
下次都係用即棄手套咯!
來咗蘇格蘭咁多年，
每年只有萬聖節前後一段好短既時間先見到有新鮮栗子賣~
趁超市仲有新鮮栗子賣，打算整栗子炆雞......
不過是日走地雞脾賣哂，
所以轉咗整栗子炆排骨!
唔知點解英國d栗子硬係咁鬼細粒?
Asda 栗子要一pack 過咁買 - 太多一定食唔哂;
而Tesco 就可以散買~
既然Tesco 可以散買，我就盡量揀大粒少少啦......
依咋栗子好眉好貌......
不過一搣開殼超過一半都係灰綠色發霉既千年栗子!
最攞膽有2粒仲有條蟲蟲喺裡面覺覺豬~~~~
洗唔洗咁恐怖呀?
結果Tesco 買既栗子搣哂只剩幾粒，根本唔夠用來煮餸......
唯有焗住去Asda 買多一pack 先湊夠數炆得成煲排骨~
果咋發霉 + 蟲蟲實在太恐怖嘞!!!!!!
今次係我第一次處理新鮮栗子，
不過我唸亦會係最後一次!
本來另一個餸想整炒吊筒......
不過睇睇盒雞蛋原來仲有2日就到期!
於是用來蒸水蛋快快清咗佢!
今次發蛋重手咗少少，所以蒸出來表面有窿窿，
但仍然好似豆腐花咁滑滑呢~~~~
煮依餐飯真係嚇到得返半條人命!
首先依碗好滋潤既湯.......
今次第一次買鮮淮山來煲湯，
其實泗和行有鮮淮山賣已經係好耐既事，
一直都無買過係因為......之前唔知果碌係咩來!
網上見好多人話鮮淮山黏液會整到人手痕，
所以我批皮切片時已經特別帶咗手套，
點知整完之後先來笨 - 唔記得洗返乾淨對手套!!
手臂唔小心揩到手套上既鮮淮山黏液，痕到發癲!!!!
搲到兩手前臂紅哂，用水沖咗幾次都唔得，
唯有煲落湯就拿拿淋去沖涼~
下次都係用即棄手套咯!
來咗蘇格蘭咁多年，
每年只有萬聖節前後一段好短既時間先見到有新鮮栗子賣~
趁超市仲有新鮮栗子賣，打算整栗子炆雞......
不過是日走地雞脾賣哂，
所以轉咗整栗子炆排骨!
唔知點解英國d栗子硬係咁鬼細粒?
Asda 栗子要一pack 過咁買 - 太多一定食唔哂;
而Tesco 就可以散買~
既然Tesco 可以散買，我就盡量揀大粒少少啦......
依咋栗子好眉好貌......
不過一搣開殼超過一半都係灰綠色發霉既千年栗子!
最攞膽有2粒仲有條蟲蟲喺裡面覺覺豬~~~~
洗唔洗咁恐怖呀?
結果Tesco 買既栗子搣哂只剩幾粒，根本唔夠用來煮餸......
唯有焗住去Asda 買多一pack 先湊夠數炆得成煲排骨~
果咋發霉 + 蟲蟲實在太恐怖嘞!!!!!!
今次係我第一次處理新鮮栗子，
不過我唸亦會係最後一次!
本來另一個餸想整炒吊筒......
不過睇睇盒雞蛋原來仲有2日就到期!
於是用來蒸水蛋快快清咗佢!
今次發蛋重手咗少少，所以蒸出來表面有窿窿，
但仍然好似豆腐花咁滑滑呢~~~~
個栗子甘恐怖ge(+﹏+)~真係好核突，。見到想嘔+_+*
回覆刪除[版主回覆11/08/2011 20:17:03]粒栗子有無變壞表面又睇唔到，我唸我以後唔敢再買新鮮栗子.....
栗子真係好驚嚇,你好有勇氣!!!!
回覆刪除[版主回覆11/08/2011 20:17:55]唔買都買咗，又要搣開佢先睇到有無壞，唯有頂硬上....
我都係鍾意栗子炆雞~~不過走地雞好貴但就好好味!
回覆刪除[版主回覆11/08/2011 20:18:40]走地雞真係特別有雞味特別好食! 唔想再買平價雞咯~
講到栗子始終都係 HK正....尤其是「桂林蕊」呀!!!
回覆刪除[版主回覆11/08/2011 20:20:00]其實法國栗子都好正架! 又香又甜，而且一年四季喺巴黎街頭都有得賣，係唔知點解隔離既英國咁鬼咋!!
史上最驚嚇栗子.... 怕怕, 下次你批鮮淮山(山藥) 時放係水入面批唔會痕, 又或開住個水喉一邊沖水一誘批, 包你唔會出事. 我就選擇後者夠方便.
回覆刪除[版主回覆11/08/2011 20:21:57]其實我批時帶咗手套都無事，只係之後唔記得洗對手套，手臂唔小心揩到...=P 不過我下次會試吓妳提供既方法~ thanks for sharing! ^^
粟子有蟲又發霉 , 真係核突 @@"" 但煲粟子排骨就好鬼正囉 !
回覆刪除[版主回覆11/08/2011 20:23:45]果包栗子超過一半都係咁款，真係好恐怖~ 我廢事影哂影響大家食慾! XDDDD
栗子係好得人驚架...同馬蹄一樣要買多D, 預咗好多要放棄...
回覆刪除[版主回覆11/08/2011 20:25:06]係? 我依邊d馬蹄反而好靚仔果喎! 至少我未試過買到爛~ 但栗子真係好恐怖!!!
真係嚇死人啦!@@"
回覆刪除[版主回覆11/08/2011 20:25:40]我以後唔敢再買新鮮栗子......
d栗子真係好恐怖><"
回覆刪除[版主回覆11/09/2011 05:01:21]真係好離譜! 超過一半都係咁....
OMG! So scary! You are so brave, took a pic of that chestnut. If it was me, I already dump it into the trash and seared the trash bag!
回覆刪除I made the chestnut & chicken dish because of reading your post, lol! I didn't see any scary things over here, and the chestnut here in the US is bigger than UK~but...I paid $6.99 for 1lb...so expensive!
[版主回覆11/10/2011 20:45:59]i dont want to be brave actually! but i dont want to waste food either, since you have to crack it open to see if it's ok or not...=_="
睇嚟你嗰邊情況好D喎, 我每年買新鮮馬蹄整馬蹄糕, 都要買幾斤返去慢慢選...有次試過1/3都係爛...hehe
回覆刪除我尋日跟你食譜試煲咗蜜瓜螺頭無花果湯, 好好飲!
[版主回覆11/10/2011 20:56:22]馬蹄我依度一年四季都有得賣，間中我買來煲湯或剁肉餅~ 個蜜瓜螺頭湯好滋潤架，香港天氣都開始凍要潤吓嘞! ^^
聽妳形容,新鮮淮山其實係咪山藥呢?
回覆刪除[版主回覆11/10/2011 20:58:31]係呀~ 鮮淮山即係山藥! ^^ 妳又試過手痕呀?
原來鮮淮山黏液會整到人手痕 <---- 我一直都係就咁批皮，唔會痕
回覆刪除但芋頭就真係會搞到好鬼死痕，以前都係唔怕，呢幾年開始要戴手套
[版主回覆11/10/2011 21:00:15]咦~ 咁妳似乎對鮮淮山免疫喎! ^^ 果日痕到我發癲!! 我無買過芋頭來整，我而家先知原來芋頭都會痕~
係呀...我第一次煮唔知,就咁唔帶手套削皮,皮未批完我痕到用水沖都冇用,好辛苦!!掂到少少都唔得架!
回覆刪除[版主回覆11/11/2011 21:55:21]我見人地話會手痕，但無唸過真係痕得咁緊要! 好恐怖~~~
嘩﹐D栗子唔得既﹗你退番俾佢~
回覆刪除[版主回覆11/14/2011 03:05:20]揼都揼唔切呀!!! >_<
d栗子好得人驚T___T
回覆刪除[版主回覆11/14/2011 03:06:42]係呀~ 我以後都唔敢再買新鮮栗子!
近排同事教我食多啲栗子,蕃薯,南瓜,苧頭,依啲對身體好!!
回覆刪除依幾樣我都LIKE呀!!
[版主回覆11/17/2011 23:18:53]對身體好不妨食多D! ^^