柴魚花生鹹豬骨粥

中學時代我屋企樓下有條冷巷，巷口有一簡陋小檔，
小檔只賣柴魚花生粥、皮蛋瘦肉粥、炒粉炒麵及齋腸粉，
每朝清晨5點就開檔，賣哂就收檔~
真係好懷念依種小檔既滋味!


1. 豬骨用海鹽醃過夜。



2. 汆水，沖淨瀝乾備用。



3. 米洗淨後浸水30分鐘。



4. 柴魚用白鑊烘香後，剪成小塊備用。



5. 花生洗淨，徹底瀝乾水份。



6. 慢火燒熱油，下花生炸至滲出香味及轉色，撈起用廚房紙吸油。

P.S. 炸花生比較香口~ 嫌麻煩的話花生可以汆水代替油炸!


7. 米浸好後連同浸米水，另加入適量清水煲滾後，下鹹豬骨和柴魚片。


8. 中火煲約1至1個半小時至粥綿，盛入碗中並加入適量(6)炸好的花生。

P.S. 我鍾意花生保持香口，所以臨吃前才加入花生; 如果喜歡花生稔的話，在步驟(7)中加入花生一同煮。



9. 灑上蔥花，用海鹽調味即成。