麥當V又來嘞~~~~~
上次係麥當V牛肉漢堡; 今次有麥當V豬柳蛋漢堡(Sausage & Egg Muffin)!
先做English Muffins - 英式鬆餅(約6個):
1. 高筋麵粉2杯(500ml 平量杯); 快速酵母1又1/4茶匙; 鹽3/4茶匙; 砂糖1/2茶匙; 食用梳打粉1/4茶匙，全部材料放入mixing bowl 中。
2. 牛奶和清水各130ml，混合加熱至約110F(約43C)。
3. 牛奶水加入mixing bowl 中，開動mixer (dough hook)將所以材料打勻後續打5分鐘至光滑。
4. 搓粉處灑上Cornmeal - 玉米粉~ 係用曬乾粟米粒磨碎而成既幼粉，顏色淡黃。千其唔好同煮餸用既粟粉(Corn Starch)混淆呀!
5. 雙手沾麵粉，將粉糰用麵粉棒壓平約1.5cm，用cooking ring 吸出圓形。
P.S. 唔一定要用cooking ring 既~ 用杯用碗悉隨尊便!
6. 將圓形放在灑上cornmeal 的平面上，在上面灑上cornmeal，用保鮮紙封好發酵45分鐘。
P.S. 依個麵糰係好黐手既，所以處理前雙手一定要沾麵粉!
7. 平底鑊用廚房紙抹上少許油燒熱，放上麵糰。
8. 以中大火每面烘約4至6分鐘，烘至麵糰慢慢脹大變厚和兩面微黃即成。
9. 雞蛋放在cooking ring 中煎熟。
10. 豬柳煎熟。
11. Muffin 切半後略烘，塗上少許牛油。
12. 放上芝士，豬柳和蛋即成。
暫時我仲未搵到同麥麥豬柳味道相近既pork patties......
(其實都無點正式去搵過!
)
所以今次我用咗依香腸肉來做patty......
味道呢，基本上係完全唔似麥麥豬柳既!
不過好過無啦......至少加埋塊芝士整體味道有麥麥既7、8成~
英國麥麥只有早餐時間先可以食得到豬柳蛋漢堡，
每朝過咗10:30am 就無得食......
不過自己整，咁就10:30pm 都有得食啦!
ba,ba,ba,ba,ba I'm lovin it!
1. 高筋麵粉2杯(500ml 平量杯); 快速酵母1又1/4茶匙; 鹽3/4茶匙; 砂糖1/2茶匙; 食用梳打粉1/4茶匙，全部材料放入mixing bowl 中。
2. 牛奶和清水各130ml，混合加熱至約110F(約43C)。
3. 牛奶水加入mixing bowl 中，開動mixer (dough hook)將所以材料打勻後續打5分鐘至光滑。
4. 搓粉處灑上Cornmeal - 玉米粉~ 係用曬乾粟米粒磨碎而成既幼粉，顏色淡黃。千其唔好同煮餸用既粟粉(Corn Starch)混淆呀!
5. 雙手沾麵粉，將粉糰用麵粉棒壓平約1.5cm，用cooking ring 吸出圓形。
P.S. 唔一定要用cooking ring 既~ 用杯用碗悉隨尊便!
6. 將圓形放在灑上cornmeal 的平面上，在上面灑上cornmeal，用保鮮紙封好發酵45分鐘。
P.S. 依個麵糰係好黐手既，所以處理前雙手一定要沾麵粉!
7. 平底鑊用廚房紙抹上少許油燒熱，放上麵糰。
8. 以中大火每面烘約4至6分鐘，烘至麵糰慢慢脹大變厚和兩面微黃即成。
9. 雞蛋放在cooking ring 中煎熟。
10. 豬柳煎熟。
11. Muffin 切半後略烘，塗上少許牛油。
12. 放上芝士，豬柳和蛋即成。
暫時我仲未搵到同麥麥豬柳味道相近既pork patties......
(其實都無點正式去搵過!
) 所以今次我用咗依香腸肉來做patty......
味道呢，基本上係完全唔似麥麥豬柳既!
不過好過無啦......至少加埋塊芝士整體味道有麥麥既7、8成~
英國麥麥只有早餐時間先可以食得到豬柳蛋漢堡，
每朝過咗10:30am 就無得食......
不過自己整，咁就10:30pm 都有得食啦!
ba,ba,ba,ba,ba I'm lovin it!
我好中意你個包丫*^o^*
回覆刪除好似吾難整？
[版主回覆11/28/2011 02:37:36]係好容易整!
有你lee 個方法唔洗早起身都有得食la!!!!
回覆刪除[版主回覆11/28/2011 02:38:21]用依個方法頂住檔!
結尾嗰句...真給V 女笑C 咗 ^^ 做得好似麥噹噹果隻 !
回覆刪除[版主回覆11/28/2011 02:39:42]嘻嘻~~~ 似先可以叫做麥當V嘛! XDDDD
我都好鍾意M記個pork patties, 之前試過買呢邊急凍個D, "SO" 到我唔想食 珮夫人
回覆刪除[版主回覆11/28/2011 02:40:01]會"so"? 豬肉來果喎......
Yum, yum, mouthwatering!
回覆刪除[版主回覆11/28/2011 02:40:23]Thanks Chan! ^^
激似呀！麥記各款包中，我就最鍾意豬柳蛋漢堡喇！ (因為有隻蛋)
回覆刪除[版主回覆11/28/2011 02:41:09]個樣激似，不過最衰塊豬柳.....
勁！！
回覆刪除[版主回覆11/28/2011 02:41:22]=)
發酵45分鐘要唔要好似平時整麵包咁變至2倍大架?
回覆刪除[版主回覆11/28/2011 02:41:37]唔洗!
我都要食麥當V!^^
回覆刪除[版主回覆11/28/2011 02:42:39]香港全日都買到豬柳蛋漢堡洗乜食麥當V呀? ^^
嘩..全部都係自學??好勁呀!!!
回覆刪除我估唔到你個MUFFIN係自己整........
你下次個豬柳會自己''剁'' 的嘛???
[版主回覆11/28/2011 02:46:30]係呀~ 全部都係自學，我唔認為學煮野食需要比錢去上堂! 個muffin 上次整eggs benedict 時已經想整架嘞，不過上次唔夠時間~ 豬柳自己剁唔係問題，不過我唸好難整到麥麥既味道....
我唔係咁鍾意食個English Muffins~~不過鍾意食豬柳^^
回覆刪除[版主回覆11/28/2011 02:49:02]我對english muffin 都麻麻地，不過襯埋豬柳好好味! ^^
super like!!!!!!!!!! 你真係好勁呢，muffin都自製！
回覆刪除[版主回覆12/05/2011 06:22:54]過獎嘞Carley! 個English muffin 好易整架咋~ =)
The English muffin looks very professional!
回覆刪除[版主回覆12/05/2011 06:21:45]the English muffin is actually very easy to make! ;-)
好耐冇來睇了~~ 好掛住您ah 偶像 >w<
回覆刪除您打 既blog文真系 好生動 好有趣! 好正ah ~~
睇完我又精力充沛拉!v!
[版主回覆12/05/2011 06:20:22]睇完又精力充沛拉 <//// 咁就好嘞! ^^ Thank you 傻恩~
我都成日自己整呢個包，因為麥當當早餐實在太早收工......
回覆刪除但我自己會用免治豬肉整，味邊一啲都唔似，哈哈！
[版主回覆12/05/2011 06:18:48]我唸佢地個豬柳其實無咁容易老翻! 用免治肉整豬柳應該好味過用香腸肉~
麥當V, 幾時番香港開舖呀, 嘻嘻嘻嘻.....
回覆刪除[版主回覆12/05/2011 06:15:32]我開間翻版舖煮老翻野...會唔會比人告到甩褲架?
正過麥噹噹呀!
回覆刪除[版主回覆12/05/2011 06:11:54]Thank you 雀后! ^^
仲好過M記呀!
回覆刪除[版主回覆12/05/2011 06:11:23]Thanks Coey! ^^
麥麥豬柳蛋，我至愛呀！留個俾我宵夜吖唔該！ ^▽^
回覆刪除[版主回覆12/07/2011 05:11:47]不過妳去麥麥買應該快過我留比妳宵夜...(快好多!!) XDDDD
[小菲菲回覆12/05/2011 23:12:23]又好噃！加多杯zero仲正！
[版主回覆12/05/2011 06:10:48]無問題~ 洗唔洗加隻薯餅呢? ^^
香港麥當Ｍ而家愈嚟愈難食...好重味精呀！ #.#
回覆刪除[版主回覆12/05/2011 06:10:20]我成十幾年無食過香港麥麥咯! =P
哇, 直頭靚過M記果個呀, 你好勁呀, 睇0黎我聽朝都要買番個做早餐止止渴呀...HEHE
回覆刪除[版主回覆12/05/2011 06:08:58]多謝甜薯! 我依個翻版來架，我整來止正版既渴~ =)
唔該加多個炸薯餅 :-)
回覆刪除[版主回覆12/05/2011 06:07:51]依位小姐想飲咩? 茶 / 咖啡 / 可樂?
整的好似真系麦当当既包包喔~ 0力女！
回覆刪除[版主回覆12/05/2011 06:06:53]Thank you Cindy! ^^
嘩，好正，睇見都想食，直頭靚麥當勞果個，成個好似之前喺麥當勞換既鎖匙扣咁，真係睇賣相都想食。
回覆刪除[版主回覆12/05/2011 06:06:32]Thanks Kobe! ^^
嘩!好味呀!唔該我要一個包包
回覆刪除[版主回覆12/05/2011 06:06:13]無問題! ;-)
好野
回覆刪除[版主回覆12/05/2011 06:05:41]Thank you 一家三口! ^^
一睇就知好食過麥當拉...
回覆刪除[版主回覆12/05/2011 06:05:23]Thank you 月兒! ^^
[版主回覆12/05/2011 06:05:04]Thank you 月兒! ^^
豬柳蛋漢堡 ~~~ Can i place an order please? It even looks the same as the ones from MacDonald. You are super brilliant.
回覆刪除[版主回覆12/05/2011 06:04:07]Thank you Annabell! ^^ it's not hard to make~ ^^
我去麥麥食早餐, 我一定叫呢嗰^^
回覆刪除[版主回覆12/05/2011 06:02:08]我反而多數食早晨全餐~ 其實都係果d料來既啫，不過個蛋煮法唔同~ =)
嘩.. 妳好堅呀!! 呢個係我賣飛佛~
回覆刪除我呢邊因為回教國家, 所以冇得賣囉... 勁灰!!!
[版主回覆12/07/2011 05:09:22]哦..,咁都唔係完全買唔到豬肉，只係比較難買啫~
[Zoe回覆12/06/2011 17:05:40]有豬肉賣, 不過唔係日日同度度有得賣囉...
又唔係間間餐廳有豬肉食咁囉... 大型連鎖餐廳多數都冇, 因為要就班回教徒!
呢邊連擺酒都冇乳豬食...
[版主回覆12/05/2011 06:01:18]過獎嘞Zoe! ^^ 妳果邊完全無豬肉賣架? 咁想自己整都無得整喎......
我都超鐘意食豬柳漢堡架~
回覆刪除[版主回覆12/05/2011 05:59:42]我都好鍾意! 不過要10.30am 前先有得食，好多時我都懶得去買!
味係囉晨早10:30前先有食, 咁即係叫我唔洗食啦~ CORNMEAL在那麼買? 你做的健康點呀, M記的就油膩點及好咸吓....
回覆刪除[版主回覆12/05/2011 05:58:55]cornmeal Tesco world food section 有得賣~ 其實個包自己整同超市買無咩分別!
V女...妳去咗邊呀 ? ^^
回覆刪除[版主回覆12/05/2011 05:57:14]我返咗來嘞! ^^ 去咗Birmingham 一個禮拜，我無帶電腦去 + 日日躝街無咩時間上網....=P
[版主回覆12/05/2011 05:57:11]我返咗來嘞! ^^ 去咗Birmingham 一個禮拜，我無帶電腦去 + 日日躝街無咩時間上網....=P
點解最近冇POST既???去完血拼未呀???
回覆刪除[版主回覆12/05/2011 18:00:37]因為去咗Birmingham 一個星期 + 無帶電腦 + 無時間update....=P
waiting for your update ar.....
回覆刪除[版主回覆12/05/2011 17:59:09]coming soon~~~~ =)
叻~
回覆刪除[版主回覆12/05/2011 17:57:26]過獎嘞! 其實好易整架咋~ ;-)
How wonderful you are!!
回覆刪除[版主回覆12/07/2011 05:01:05]Thank you Gardener! ^^
個blodg轉左新版,所有以前的訂閱都無晒, 好辛苦先搵返你
回覆刪除[版主回覆12/07/2011 05:00:11]係呀~ 我見好多用戶話無哂訂閱紀錄又無訂閱通知...唉! 多謝妳繼續捧場啊Christy! ^^
我呢邊仲衰呀﹐唔止係星期一至六要十點半前先有得賣(星期日賣到十一點半)﹐片腸味道仲好鬼假~ 我都情願好似你咁自己整黎食好過﹐不過我個包多數買超市現成貨(貪方便)。
回覆刪除[版主回覆12/07/2011 04:58:08]妳果邊星期日賣多一粒鐘喎! ^^ 我反而幾鍾意佢片豬柳~
好厲害, 同M記一樣呀!~ 好喜歡你的BLOG
回覆刪除[版主回覆12/16/2011 12:29:09]過獎嘞Karenice! ^^ 多謝妳喜歡我既blog 啊~
請問是不是不用入焗爐就ok。 ！ ｏｎｌｙ 用獲就得？？？
回覆刪除我都想整這個做早餐. =^^=
[版主回覆12/16/2011 12:28:00]係~ 只用鑊得架嘞，唔洗用焗爐!
英式鬆餅是全用低筋粉做? 超市可買到的!
回覆刪除[版主回覆01/07/2012 17:59:23]我唔係好明你個問題問乜....我係用高筋粉做既!
超市可買到乜? 英式鬆餅定低筋麵粉?? 英國超市係有英式鬆餅賣，不過重點係我想自己整; 若你係指低筋麵粉可以喺超市買到的話 - 英國超市係無低筋麵粉賣既!
嘩如果我整到俾我老公食實開心死佢!
回覆刪除[版主回覆03/16/2012 03:48:23]而個完全唔難整，好易架咋!
Hi Mrs T.
回覆刪除食用梳打粉is baking soda or baking powder呀?
[版主回覆03/18/2012 06:54:23]其實有好多人將english muffin + 另一種外型同english muffin 相似叫做crumpet 既烤餅混淆! crumpet 裡面有好多洞，但表面唔會有cornmeal~
[Lee回覆03/18/2012 06:23:45]其實我問你果陣巳經用baking soda 做左啦, the problem is the texture is different than the one that i bought outside, 切開一半後發覺裏面無一個個洞, so i just wanna confirm if you used baking powder or baking soda. well, I'll try to add some baking powder next time to see if the texture gets better.
[版主回覆03/17/2012 23:46:53]食用梳打粉係baking soda (aka bicarbonate of soda)~
baking powder 係泡打粉啊!
你好,請問一下,今日跟你的食譜整ENGLISH MUFFIN, 最後的成品內部組織唔係甘靚, 除左有好似蜜蜂的洞以外, 重有D係深色一塊塊,大少不一,請問知道原因嗎?烘左成10幾分鐘,應該都熟架啦.
回覆刪除[版主回覆03/28/2012 12:09:12]你好~ 睇唔到相好難想像你既成品係點既樣......不過聽你咁講應該唔關烘得熟唔熟事，我估應該係麵糰問題~
質感好實 + 粉糰唔黏手依2點已經有唔妥! 同搓麵包唔同，依個粉糰如果無玉米粉係應該黏到阿媽唔認得架，煎既時候亦會黐鑊!
上面step 3所指既打至"光滑"既意思係所有材料完全混合無小糰，並唔係好似搓麵包咁搓到出哂筋性~ 粉糰質感亦應該好軟淋...所以如果質感好實 + 唔黐手，我估應該係搓得太耐!
其實如果麵糰做得正確，煎到兩面微黃 + 發脹就一定會熟架嘞!
希望幫到你啦~ 加油啊!
[ah chung回覆03/27/2012 20:58:58]呀....唔好意思,重有D問題, 因為焗完我立刻切開,睇下熟唔熟, 請問係呢個原因嗎? 另外, 個質感好實,我係用手搓, 同埋買唔到玉米粉. 不過我搓完後,又唔覺黏手,係搓唔夠時間嗎?
你好呀. 甘呀, 原來係搓的問題, 我搓面包甘呀,所以起哂筋. 如果用黃豆粉代替玉米粉, 會影響好大的嗎? 成品係好似M記甘鬆軟? 謝謝你的指教.
回覆刪除[版主回覆03/29/2012 06:50:34]包玉米麵粉係咪黃黃地? 如果包裝上有埋英文名(cornmeal)仲好!
最緊要唔好同粟粉(corn starch)混淆就得嘞~
[ah chung回覆03/29/2012 00:30:13]HI. MRS. T,
唔..一時大意, 起碼知道呢個原因都好.
因為我無特意搵玉米粉, 只係香港既烘焙店見到有玉米面粉, 請問係唔係唔同架?
[版主回覆03/28/2012 18:13:24]唔洗搓出筋架! 如果要搓出筋我上面會講搓到拉得出薄膜啦~
玉米粉同黃豆粉質感好唔同喎! 我唔知影響會唔會好大，因為依個我都只係整過1次(就係今次整豬柳蛋漢堡嘞!)
至於成品似唔似麥麥...我自己覺得好似! 不過依點要睇各人各人手勢~
高筋麵粉2杯 <<--- 即是幾多克呀？？？
回覆刪除