aka Bonfire Night or Firework Night;
為既係紀念1605年發生Gunpowder Plot 事件，
一群天主教極端份子企圖炸毀國會大廈既行動失敗，
而事件主謀就叫做Guy Fawkes......
對典故無咩興趣......
不過因為依件事，每年11月5日，
全英國各地都有大型煙花滙演去紀念事件!
以前都同同學或朋友去睇過兩三次Guy Fawkes Night 煙花，
不過已經好多年無去過嘞~
因為撞正Guy Fawkes Night 係weekday 既話，
等得Mr.T 放工煙花都燒鬼哂咯......
今年Guy Fawkes Night 適逢係星期六，
雖然Mr.T 當日要開會(所以著住西裝!)，
但開完會後時間啱啱好拍拖去睇煙花~
泊好車後慢慢行去Glasgow Green，
仲有半粒鐘先開始煙花滙演，
周圍行吓順便整隻大熱狗先!
(一隻熱狗 + 一份d屎咁多既薯條收我£7!
真好賺......) 
周圍好多人好熱鬧~
人越來越多......
各個入口都有設置電腦計算人數，
大會話是晚Glasgow Green 有5萬人!
是晚天氣超級凍~~~ 原來只得1C呢......
煙花滙演開始前，見到好多人放孔明燈，
至少放咗十幾盞!
踏正7.30pm 全場一齊倒數10秒，
煙花滙演隨現場強勁音樂正式開始......
原來煙花，真係好難影......
雖然唔係第一次現場睇煙花，
不過今次我地搵到個好位置，
煙花就係我地前面，第一次咁近距離睇煙花!
現場好多人氣氛好熱鬧，
同Mr.T 一齊睇仲好好浪漫感覺呢~~~~
歷時約15分鐘既煙花滙演，
最後一part 以Katy Perry 既"Firework"作背景音樂，
一片歡呼聲中完結......
雖然現場有5萬人，不過出口好多，
觀眾離場時好有秩序暢通無阻，
不得不讚今年大會安排得好好啊!
感謝當晚天公造美，煙花滙演時個天好清!
因為......
返屋企時開始起大霧!
而且越來越勁......
能見度超低，連喺車前既大迴旋處都幾乎見唔到!!
一路要以龜速渣返屋企......
hehe...煙花係好鬼難影 ga....不過你影得好好呀...仲成功影到咁多張 ^^
回覆刪除[版主回覆11/10/2011 21:02:44]唔該哂胡李媽媽! 得我去shop 試玩吓部機先~ ^^
[胡李媽媽回覆11/09/2011 18:58:54]hi....係 nikon poolpix p300 ^^
[版主回覆11/08/2011 20:11:19]唔該哂胡李媽媽! ^^
[胡李媽媽回覆11/08/2011 19:49:50]聽日見到佢...問完話你知吖 ^^
[版主回覆11/08/2011 19:43:07]唔係呀...我部Panasonic model 好舊無連環快拍啊; sports function 唔夠光就好粗粒; 佢有fireworks function 不過麻麻地，所以我用night portrait 來影，Panasonic 個防震造得好好，所以我都無用腳架! 我都打算買部新傻瓜機，不過等返香港先買! 請問妳知唔知妳朋友部Nikon 咩型號呀? thanks~ ^^
[胡李媽媽回覆11/08/2011 19:36:06]icic....咁你係咪用咗 sports function - 連環快拍呀?...啱啱琴日有個朋友同我講...佢買咗部 Nikon 新出嘅傻瓜機...光圈特別大...影夜景好正...腳架都唔多使用 ga...話煙花都影到...
[版主回覆11/08/2011 19:25:00]Thank you 胡李媽媽! 係得依幾張叫做好d咋，我掛住睇所以都無用部大機，依咋相用傻瓜機影，但個shutter 唔夠快......
第一張煙花相影得好靚~~
回覆刪除[版主回覆11/08/2011 19:25:17]我都係最鍾意第一張! ^^
好sweet....sweet 呀......~~~~
回覆刪除[版主回覆11/08/2011 19:25:43]嘻嘻~~~
好靚呀，so sweet
回覆刪除[版主回覆11/08/2011 19:26:35]現場睇煙花仲加靚呢! ^^
唔錯,唔錯~~
回覆刪除[版主回覆11/08/2011 19:26:48]Thank you! ^^
好大霧喎...你個邊天氣係唔係已經凍啦???
回覆刪除[版主回覆11/08/2011 19:27:36]係呀~ 同香港相比依邊已經好凍，果晚得1度咋! 不過遲吓會再凍好多......
雖然煙花瞬間即逝 , 但又好美又有震撼力 ^^
回覆刪除[版主回覆11/08/2011 19:32:33]現場睇氣氛一流，更美更有震撼力! ^^
真係天公造美, 可以拍拖欣賞煙花...好正哦!
回覆刪除Mr. T著住西裝睇煙花, 好突出呢~
[版主回覆11/08/2011 19:35:43]其實果朝早已經好鬼大霧架嘞! 不過中午有太陽開始散，估唔到放完煙花後咁鬼勁! @@ 果晚Mr.T 泊完車唔記得攞褸，凍鬼屎佢~~~
同老公一齊睇煙花好浪漫呀 ^^
回覆刪除[版主回覆11/08/2011 19:36:16]雖然周圍好多人好熱鬧，不過感覺好浪漫呢! ^^
WOW...so sweet.....ha ha ha
回覆刪除[版主回覆11/08/2011 20:12:15]Thank you J Li! ^^
唔記得講點解我既最近訪客見唔到妳既？但妳有留言喎=.=
回覆刪除[版主回覆11/08/2011 20:12:45]我唸可能係我個設定問題~
我都好耐無係現場睇煙花喇@@
回覆刪除[版主回覆11/09/2011 04:31:28]我無喺香港睇過現場煙花，不過想像到一定好逼人.....
I remember we drove on the highway like that one time, so scary!
回覆刪除[版主回覆11/10/2011 21:18:02]it's very common to have heavy fog in the UK during winter. however it was the 1st time ive seen it that heavy! @@ it reminds me the horror game Silent Hill~ XDDD
哇，乜d天氣變左甘:-O
回覆刪除好似好好玩喎。得一度，你著甘少衫吾凍咩？？
你d煙花好靚，我用大機都影吾到，你買左相機未丫？？
[版主回覆11/10/2011 21:16:48]係囉~ 果晚天氣係好凍，但無唸過夜少少會大霧成咁! @@ 其實我件jacket 幾厚 + 好暖架~ ^^ 煙花真係好鬼難影! 真係要睇時間睇得好準果一刻禁制...果晚我都有帶大機去，不過掛住睇又掛住影video，我都無用到部大機，上面咋相用傻瓜機影架咋~ 相機我仲未買呀，一來我未唸掂要邊部，二來我就快返香港，喺香港買平好多! =)
點解有大機仲想買傻瓜機ge？？用完大機好難用到細機丫。
回覆刪除[版主回覆11/11/2011 08:45:42]部大機咁鬼重! 重有幾枝鏡，點下下帶得出街? 我鍾意影snapshot，所以我手袋一定有部傻瓜機，隨時見到咩想影就影~ 我認為鍾意影相既人大機 + 傻瓜機2樣都應該要有! ^^
我都覺得大機真係好鬼死重，成個石頭咁，每次食buffet都會帶住佢，周圍拎黎拎去真係好辛苦!!!我冇買傻瓜機ar，不過最近轉左個電話，影相質素都ok，所以算la!!!
回覆刪除你個大機係咩黎ga??
[版主回覆11/11/2011 21:52:03]吓? 食buffet 妳都揹住部大機!! @@" 我部電話影相都OK，不過我都係鍾意用真相機多d! ^^ 我部大機係Canon 1000D~
DC仔都影到咁靚嘅煙花效果，妳好勁呀！
回覆刪除[版主回覆11/11/2011 21:46:52]過獎嘞為食鬼! ^^ 影咗大咋係得依幾張叫做OK d~ Panasonic d DC 防震做得唔錯，唯獨shutter 慢咗d，影煙花禁制時間好緊要啊!
係呀﹐我都覺得係呢D場合買小食係好貴架~
回覆刪除[版主回覆11/14/2011 03:43:02]依d場合佢地賺硬架嘞!
D煙花好靚呀>^^<!!
回覆刪除[版主回覆11/14/2011 03:44:13]係呀~ 一年一次! ^^
嘩....真係好大霧呀.....
回覆刪除[版主回覆11/17/2011 23:14:15]大霧喺依邊好常有，都見過唔少，係未見過咁鬼大啫! @@
煙花影得好靚呀!!好大好光^^
回覆刪除[版主回覆11/17/2011 23:14:58]多謝晶晶! ^^ 煙花好難影，要好手快呢~