Want one?
Krispy Kreme 係美國一間出名doughnut shop~
聽聞曾經喺香港開過好幾間分店，
後來好似清咗盤，而家仲有無我就唔知嘞......
蘇格蘭呢係無Krispy Kreme 既，
英國既分店全部集中哂喺南下~
陪老公出trip 到Birmingham 2次，
次次行親Selfridges Food Hall，
總見到Krispy Kreme counter 排咗條誇張長龍......
次次如是!
我同老公都好好奇 - 係咪真係咁好食呀?
於是我地又買盒試吓......
上次我地第一次食Krispy Kreme，買咗盒雜錦......
自行選擇你想要既款式......
可以試多幾款嘛!
(未影相已經比Mr.T 個staff 老笠咗1隻......
)食後感只有一個 - 好‧鬼‧甜!!!!!!!!!!
仲要係非一般既好甜!
係果種只要咬一啖，
整個口腔就會被甜味重重包圍住既甜;
係果種食完之後幾分鐘內，
仍然強烈感覺到甜味喺口腔內徘徊，喺味蕾上跳舞既甜......
咁Krispy Kreme 既doughnuts 有咩咁神奇呢?
神奇既係連甜品怪獸Mr.T 都覺得太太太太甜;
我就更加啦......
唔好甜既我就緊係覺得太太太太太太太太甜!
但最神奇既係 - 唔知點解我 + Mr.T 口痕時就好想食!!
我唔會話我地"鍾意"，我地甚至唔覺得好食!!!
但就有個好詭異莫明既原因令我地想食......
不過上次試過其他立雜口味後，
今次我地決定以後都係stick to 最普通既Original Glazed~
因為依個已經好鬼甜，其他口味真係頂唔順!
Krispy Kreme UK:http://www.krispykreme.co.uk/
嘻嘻...我之前做銀行teller時、
回覆刪除唔知點解我個branch manager好中意買krispy kreme俾我地食...
但佢又唔食甜野...
於是我就會成日掙扎好唔好食多隻...xddd
不過...雖則我中意食甜野...
donut呢樣野...我一年食佢2隻已經夠多...
我班同事都好佩服我忍得口...xddd
話時話...krispy kreme係我係美國食過最好食既donut!!!
其他牌子既口感唔好、食落會想即時吐返佢出黎...~
[版主回覆11/19/2011 03:35:42]佢地都唔知落咗乜鬼野落去架! 我明明唔鍾意食甜野竟然會上癮...=_=" 口感的確係唔錯，但對我來講真係太太太太甜!!
sheffield 的 indoor shopping centre 一个月前开了一家Krispy Kreme，每次经过也是看到排长龙......但我就没去试，像你说的，“很甜”，受不了！！
回覆刪除[版主回覆11/19/2011 19:16:47]人人口味都唔同~ 我地覺得好甜，可能妳會覺得好味呢，唔試過又點知呢? 唔一定要買成盒架，可以買1隻試吓，可能囡囡會鍾意~ ^^
我都食過呀, 果時大肚成日想食爆甜既野, 就食佢喇!! 哈哈!! 其實...真係同你講一樣, 得個甜字, 其實我仲覺得唔好味添呀~~
回覆刪除[版主回覆11/19/2011 19:17:38]就係唔知點解咁神奇! 連我老公咁鍾意食甜品都覺得太甜，但就硬係想食!
香港執左啦T_T 我好想食丫，我都覺得好甜，其實又吾係特別好食，不過總係好想食，哈哈。
回覆刪除[版主回覆11/19/2011 19:19:13]咁鬼甜應該唔啱香港人口味! 不過係洋人地方佢又好紅喎~
真、真、真係好甜, 我便不喜歡, 但喲西人一聽見有人請食Krispy Kream Donuts, 便很crazy.
回覆刪除一次可以吃幾個
[版主回覆11/19/2011 19:20:13]我 + 老公一次過都可以食3、4隻，佢地d doughnut 口感好輕~
我唸我會鍾意食傳統嘅沙翕多d！
回覆刪除[版主回覆11/19/2011 19:22:15]我依邊既麥麥有一隻類似沙翁既doughnut 幾好味架! 不過唔知香港有無~
我每次去泰國都見到排得好長龍 ... 食過一次 同你感覺一樣 勁甜 !!!!
回覆刪除[版主回覆11/19/2011 19:22:54]我係覺得太鬼甜，不過唔知點解無聊時好想食.....
KK呀～我幾鍾意佢隻原味！ 叮熱再配杯茶！ 正！佢係香港個陣有半糖咖，不過可能都係太甜香港人唔鍾意？ 珮夫人
回覆刪除[版主回覆11/19/2011 19:24:57]連我個竹升老公食洋人甜品食大都覺得太鬼甜，香港人唔啱架嘞! 不過知點解我唔好甜都想食!!?!?!
我記得香港都有一間但未食過~~
回覆刪除以前住英國時doughnut係我至愛^^
[版主回覆11/19/2011 19:27:07]以我所知之前香港應該有成7間分店~ 一向我都唔好doughnut，但唔知點解會想食Krispy Kreme......
ｍｅｌｂｏｕｒｎｅ 都有。。。佢初初開時都有好多人排隊。。。
回覆刪除但而家已經無啦。。。
不過我就唔好。。。因為甜到癲。。>_<
但我公司 Ｄ 同事超鐘意食。。。
[版主回覆11/19/2011 19:52:06]我 + 老公都覺得甜到癲，而且我地唔覺得好味...但我地好想食! 真係好奇怪.....
其他佢哋一出的時侯係有隻COFFEE味架, 最好食, 又最唔甜都係佢啦! 有粒COFFEE其他佢哋一出的時侯係有隻COFFEE味架, 最好食, 又最唔甜都係佢啦! 有粒COFFEE古古力在面的, 紙巾先生最怕甜都覺得得這隻得. 其他真係太..........甜! 我食過有隻忙果味都OK. 不過唔知啲特品味係唔係LIMITED EDITION. 講講下想去買隻來食添....就真係好鬼神奇喎! LOL
回覆刪除[版主回覆11/21/2011 22:59:34]始終我唔會話自己鍾意，因為真係好鬼甜，只係莫明地口痕時會好想食! =P
there is krispy kreame in vancouver, but not always line up. :)
回覆刪除[版主回覆11/21/2011 23:00:54]i guess may be English like super sweet snack more than Canadian? XDDDD
一件ｐｌｓ，你間屋幾靚喎
回覆刪除[版主回覆11/21/2011 23:01:23]it's not my home.
在hk吃過一次..非常甜..還是比較喜歡吃mister doughnut多點
回覆刪除[版主回覆11/21/2011 23:02:39]真係好鬼甜呢! XP 我好少食doughnut，只係當初見到咁多人排隊先好奇排埋一份買盒來試吓! ^^
I just had some last week. We like the fresh made original glazed the most.
回覆刪除[版主回覆11/21/2011 23:03:21]Mr.T came back from Birmingham for the weekend and he brought a whole box for me! ^^
外國人係食嘢係食得好甜o架!@@"
回覆刪除[版主回覆11/21/2011 23:04:24]我知~ 我老公係竹升已經洋人口味，但佢都覺得太甜! @@
加拿大里邊以前有幾間門市，可以食到新鮮熱辣辣軟林林既，我都係最鐘意食original glazed，睇番你地買個盒，隱約聞到浸香味 haha
回覆刪除[版主回覆11/21/2011 23:05:02]我地都覺得最好係original glazed~ 其他真係甜到頂唔順....
如果太甜的話 , 我都是食一個起 , 兩個止就夠 ! ^^
回覆刪除[版主回覆11/21/2011 23:07:24]我地真係覺得好甜，但佢口感幾light，一次過最多可以食到3、4隻左右~
駛唔駛咁誇, 2條友買成打
回覆刪除[版主回覆11/21/2011 23:10:06]口感好light，口痕時食吓一隻食吓又一隻...好快就食哂架嘞! ^^
我都好想要一個呀...
回覆刪除[版主回覆11/21/2011 23:10:50]香港無得賣喎.....
依間donghnut真係好好食，食完一個又一個都唔飽肚。
回覆刪除[版主回覆11/21/2011 23:11:44]我地唔覺得好好食，只係唔知點解口痕時會好想食!!?!?!
什錦個 Look 就幾靚好吸引 , 不過我就頂吾順 , 因為太甜啦 !
回覆刪除[版主回覆11/21/2011 23:12:12]其實睇到個樣都知道好鬼甜......@@"
係0架, KRISPY CREME0既DONUT好甜0架....但都有口痕0既時候, 0係加拿大0果時, 一口痕, 我0地就會去KRISPY CREME排隊攞FREE DOUGHNUT HAHA, 因為只要你排隊等買呢, 佢0地就會送一個FREE DOUGHNUT俾你0架..0甘食完一個已經"濟", 食完之後根本冇意慾買囉...唯有入去行行企企, 扮下0野0甘走番出0黎囉..HEHE...
回覆刪除[版主回覆11/21/2011 23:13:19]我地依邊隊就要排，不過無得送.....
donut我麻麻地, 真係想食類似嘅野, 我寧願食沙翁 ;P
回覆刪除[版主回覆11/23/2011 06:51:55]我平時根本完全唔食doughnut，不過Krispy Kreme 真係唔知點解......=P
they had a store in time square basement long ago, we ordered one time for company function but just one time, they were far too sweet and they did not adjust the receipt for asian ppl so finally, they had to close all store in hong kong.
回覆刪除