佢叫做"大支野"! 來自Birmingham Indoor Market;
大支野既親朋戚友......
前日已經變成咗桌上佳餚!
(食譜click here~)
由於佢身型嬌小無咩肉地，因此幸運地逃過被煮既命運，
成為咗我 + Mr.T 既新寵物!
咪睇佢眼仔碌碌好似好友善，一副"想抱"既天真模樣......
查實佢蝦仔細細好鬼惡死架!
只要一靠近佢有任何輕微動作，
佢就會即時起哂鋼以拑相向，
露出一副好勇鬥狠"逗打"咁既樣!
名副其實"大支野"!!
淡水龍蝦 (crawfish / crayfish)，俗稱小龍蝦、螯蝦、蝲蛄、蝦婆;
同大頭蝦一樣同為淡水蝦類，形似龍蝦但體型細小，與龍蝦有親緣關係;
棲息郊區山溪或湖邊近岸淺水處，廣泛分佈於世界各地。
金魚街經常有一種作寵物既紅色殼龍蝦仔 - 克氏原螯蝦
，大家係近親來架~
克氏原螯蝦同樣可以食用，連馬會自助餐都有得食呢!
本來想養多隻等大支野有個伴......
點知放多隻落去即刻開大片!!
前日已經變成咗桌上佳餚!
(食譜click here~) 由於佢身型嬌小無咩肉地，因此幸運地逃過被煮既命運，
成為咗我 + Mr.T 既新寵物!
咪睇佢眼仔碌碌好似好友善，一副"想抱"既天真模樣......
查實佢蝦仔細細好鬼惡死架!
只要一靠近佢有任何輕微動作，
佢就會即時起哂鋼以拑相向，
露出一副好勇鬥狠"逗打"咁既樣!
名副其實"大支野"!!
淡水龍蝦 (crawfish / crayfish)，俗稱小龍蝦、螯蝦、蝲蛄、蝦婆;
同大頭蝦一樣同為淡水蝦類，形似龍蝦但體型細小，與龍蝦有親緣關係;
棲息郊區山溪或湖邊近岸淺水處，廣泛分佈於世界各地。
金魚街經常有一種作寵物既紅色殼龍蝦仔 - 克氏原螯蝦
，大家係近親來架~克氏原螯蝦同樣可以食用，連馬會自助餐都有得食呢!
本來想養多隻等大支野有個伴......
點知放多隻落去即刻開大片!!
这只好lucky .......
回覆刪除[版主回覆11/01/2011 22:44:18]喺Birmingham Bullring 室內街市買既，裡面好多鮮魚檔，幾乎檔檔都有得賣，不過價錢可能每檔唔同，不過唔貴! 我買果檔£6 /kg~ ^^
[yoong回覆11/01/2011 22:39:14]是呀！！想问你，这堆虾你买了多少钱？？
[版主回覆11/01/2011 22:29:41]生得細粒有著數! XDDDD (妳頭先係咪另外留咗2個回應? del 咗??)
但係養大咗....你會唔會....食埋佢ga? ><
回覆刪除[版主回覆11/02/2011 23:50:29]當然唔會啦! 得佢一隻咁大把，開爐煮佢盞嘥電!! XDDDDD
哈, 大支野, 其實細細隻真係好惡, 起晒鋼, 真係唔好睇少^^"
回覆刪除[版主回覆11/02/2011 23:52:06]我鍾意佢細粒但夠惡，好有性格! XDDDD
我到現在都覺得佢想擁抱你多過想攻擊你...哈哈....
回覆刪除[版主回覆11/02/2011 23:52:48]無可否認佢個樣係好似想人抱.....XDDDDD
咁要餵佢食d咩野嫁 ?? 佢真係好鬼惡.小心比佢夾到呀 ....
回覆刪除[版主回覆11/02/2011 23:56:03]佢地好雜食，暫時佢細隻我餵住紅蟲乾(我養緊金魚d魚糧來!)，另外可以餵生魚肉、魚乾仔 + 蔬菜，我整餸時d餸頭餸尾比佢啱哂! =) 其實唔特登"了"佢，而且捉佢時捉佢頸部，就唔會比佢夾到架嘞! ^^
真係好搞笑,hahahahah
回覆刪除唔知道佢可以生存幾耐呢??
[版主回覆11/02/2011 23:57:39]佢地好粗生架，應該養到好耐~ ^^
大支野真係唔講得少呀^^
回覆刪除[版主回覆11/02/2011 23:58:12]細細粒但大支野....=_="
妳地新寵物好型呀!!
回覆刪除[版主回覆11/02/2011 23:59:04]我都覺得佢好型! 我鍾意佢細粒得來夠惡，好有性格! XDDD
佢個樣好惡，好驚呀！會唔會好難養？
回覆刪除[版主回覆11/03/2011 00:00:54]你覺得佢個樣好惡咩? 我覺得佢眼仔碌碌個樣幾可愛吖! ^^ 佢地好粗生，少少水已經可以生存，一d都唔難養~ =)
你煮晒佢啲親朋好友......佢仲唔有乜依郁...就即刻起綱咩~~
回覆刪除[版主回覆11/03/2011 00:14:12]我喺大支野不知情既情況下煮佢d親朋好友嘛! ;-)
新竉來唷 ^^
回覆刪除[版主回覆11/03/2011 19:49:31]佢係一隻好有性格既新寵來! ^^