Amore Ristorante 的無料到辣辣Pizza (Italian) - 2011年11月5日

何事Mr.T 一副囂張得戚樣?

是咁的......
星期六晚睇完Guy Fawkes Night 煙花，
又凍又肚餓，第一件事就係去醫肚!
車泊咗喺Merchant City......


見附近有間我地未試過既意大利餐廳Amore，
一肚餓就唔想用腦唸咁多，就依間啦!



一入到去有少少嚇親...爆哂棚~ 太肚餓，好怕要等位!



餐廳樓面好大，但枱擺放得好接近，感覺好逼夾......
不過餐廳侍應好友善好funny，
整間餐廳好有歡樂熱鬧既氣氛!



我既頭盆: Smoked Salmon & Prawns
d蝦 + 個汁都好唔得，
似超市買既現成prawn cocktail;
不過果幾塊煙三文就好正喎~
份量多又厚又大塊又新鮮!



老公既頭盆: Haggis Italiano
烘脆咗既牛油麵包...放上一塊grilled haggis...
加隻煎得完美既太陽蛋...
淋上意大利陳醋汁......好好好好味~
不過依個其實係意大利 x 蘇格蘭既fushion 菜來!
因為Haggis 係傳統蘇格蘭食品~

P.S. 若想知多d關於Haggis，可參考依篇最尾段:
http://blog.yahoo.com/happy_Mrs.T/articles/74075


到主菜嘞! 先講我果份......


我既Linguine Frutti Di Mare (海鮮扁意粉)
裡面有藍青口、大蝦 + 魷魚圈，
雖然賣相唔多吸引，不過依個意粉係好食既~
我一向都唔鍾意食藍青口，
但佢地既藍青口好大隻好肥美好鮮甜!
美中不足就係果幾個煮得太熟既死人魷魚圈，
韌到成條粗橡筋!!



裝意粉既碟好鬼深，意粉食極都有似永遠食唔完......
仲有裡面果幾隻加大碼既大蝦...
結果連我咁大食都食剩2啖意粉食唔落!


咁Mr.T 食咗咩呢?
之唔係又係pizza 囉!
不過老公今次食依個pizza 有少少特別......


依個叫做Margherita Con Scommessa 既pizza，
材料有蕃茄、芝士、雞肉、意大利香腸 + 紅綠辣椒~
餐牌上表明係勁辣!
如果食得到依個勁辣pizza，
就可以得到一張voucher - 下次再光顧餐廳時可獲免費酒1杯~
(查實我同Mr.T 都唔飲wine，Mr.T 志在挑戰!)

侍應見老公點咗依個pizza，
露出誇張既表情: 話定比你知滅火筒喺果邊! 如果你有需要~


就咁睇個pizza 好普通之喎......



開始挑戰嘞!


15分鐘後......


Mr.T 一臉不屑: 唓~ 都唔係super spicy 既!



成功地攞到張酒券!



其實依張酒券未必有機會用，
因為雖然依餐都叫做好味，不過其實都只係不過不失!
Glasgow 有太多意大利餐廳，當中好多水準都高過Amore~

Amore Ristorante Website:
http://www.amoreglasgow.co.uk/HTML/Home.html