羊年發財樹花開富貴

有句俗語有云: "鐵樹千年難開花，玉樹萬年不開花"~
上星期無意中發現62多年前送比我地，種咗未夠10年既玉樹竟然開咗花喎!
(玉樹又名發財樹、翡翠木、吸財樹或燕子掌)

根據網上資料所講...玉樹雖然極容易打理好粗生，
就算單一片落葉都有可能再生繁殖成另一棵玉樹，但開花情況就好少有!
網上見大部份玉樹開花既例子都係種植二、三十年既大玉樹，
雖然我棵玉樹開花不多，但種咗唔夠10年就有花開，好難得呢!! ^^

好多人認為玉樹開花係吉祥之兆，雖然唔知真定假，
但新年期間可以睇得到難得既開花現象，好開心啊! ❤
趁今日大年初一，同大家分享發財樹開既靚花花~

我 + Mr.T 結婚後無耐，62就送咗依棵玉樹比我地，
當年只係細細棵，葉不多既小玉樹越生越高......

直至2年多前先換咗個大花盆比佢，當時葉仲係疏疏落落，唔及而家咁茂密......

換盆後標高標葉生到"吧吧聲"，而家仲開埋花呢! ^^
(話時話...又係時候再換新花盆咯.......)

玉樹既花細細朵，偏白色帶淡淡粉紅，花形好靚啊~ ❤

上星期每個開花處都花蕾，今日花蕾已陸續開花開得七七八八~

除咗發財樹開花之外，今日大年初一雖然陰天好厚黑雲，但無落雨之餘，
仲好幸運比我地見到羊年第一條彩虹呢! ❤

喺度祝大家羊年身體健康，

心想事成，萬事如意! ^^