二人世界的三餸一湯 - 6月12日 (附食譜)

粉葛紅蘿蔔排骨湯; 香茅豬扒; 魚香茄子 & 炒菜芯苗

一向都好鍾意飲粉葛湯，不過好怕整粉葛，因為好難切! 但而家成日都見到泗和行有得賣粉葛，仲好鬼靚!! 所以成日心思思煲來飲.......

 真係忍唔住要再讚依把刀多一次!!!! 我成間屋冇一把刀切 / 劈得開個大粉葛，但用佢就可以輕易咁切開!!! 以後唔洗再怕買粉葛!!!

我仲加咗幾粒99上星期比我既無花果喺湯度~ 佢喺香港買返來既 - 真係同依度買到既無花果乾好唔同! 依度買果d又乾又冇味，個樣仲黑忟忟好衰咁!

香茅豬扒第一次整! 味道好似，不過個樣就唔夠乾身~ 冇火煮食成日都係咁!!!!! 唸緊下次點可以整到佢乾身d........

魚香茄子都係第一次整~ 老公話好食過出街食果d!

 我搵過好多網上 + 書上食譜，都唔見人地整魚香茄子時加鹹魚...不過我自己就加咗少少，因為我肯定喺China Blue 叫魚香茄子時，佢地係有加鹹魚既........

粉葛紅蘿蔔排骨湯食譜click here~

香茅豬扒食譜click here~

魚香茄子食譜click here~