1. 意粉適量，加海鹽用水煮熟; 水浸罐頭蟹肉2罐 (每罐約120克~)隔去水份備用。
2. 用橄欖油爆香蒜茸2粒，加入紅洋蔥1個切碎炒至軟身，加入1湯匙白蘭地，再加入罐頭龍蝦湯煮滾。
3. 待湯汁煮至剩下2/3，加入熟蕃茄切角2個 (可用罐頭蕃茄代替~)，再加入Double Cream 100毫升，不停搞拌。
4. 待蕃茄煮至稔，加入罐頭蟹肉和切碎紅辣椒1隻，用海鹽和黑胡椒調味，灑上新鮮切碎的parsley 後煮滾。
5. 將意大利粉加入煮好之龍蝦湯汁內拌勻即成。
P.S. 依個係好耐之前喺BBC website 搵既食譜~ 用既材料係罐頭，好方便又好味!
好好味呀........不過水浸罐頭蟹肉好似未見過.
回覆刪除[版主回覆06/06/2008 18:45:00]係咩? 香港冇水浸罐頭蟹肉???? 會唔會西式超市會有呀?? 我依度間間超市都有出自己既罐頭蟹肉架!
yummy~~yummy
回覆刪除[版主回覆06/06/2008 18:46:00]尋晚太鬼肚餓...張相影得太求其! 唔鬼靚!!!!
流哂口水添
回覆刪除[版主回覆06/06/2008 22:59:00]今次張相唔靚呀!
好好味呀!等我去次去sogo超級市場睇吓有無 水浸罐頭蟹肉先~
回覆刪除[版主回覆06/06/2008 23:00:00]好味架! 又快整~ 好鬼方便~~~~
罐頭蟹肉...我都要去問下有冇得賣先....
回覆刪除你碟意粉好鬼正喎....
[版主回覆06/07/2008 21:45:00]今次個樣唔得呢......不過真係幾好味!
hihi...你好呀...首先同你講聲"nice to meet u"先...我睇咗你D食譜,真係好正..
回覆刪除我住o係加拿大的..我想整依味意粉呀..但係加拿大冇double cream...仲可以用咩cream呢?謝謝你
[版主回覆06/11/2009 20:28:00]Hello~ 原來妳住喺加拿大既! 多謝妳既讚賞~
其實所謂double / single cream，係根據佢既milk fat 含量多少決定~ 如果妳真係搵唔到double cream，妳可以whipping cream 代替!
Hello..thanks for ur quick reply I went to supermarket yesterday looking for the lobster bisque..they dont carry Baxters lobster bisque >< 點算好??
回覆刪除[版主回覆06/12/2009 23:44:00]do they have other brands of lobster bisque? other brands can do as well, not just Baxters!
唉...我咗好多間超級市場...佢地冇lobster bisque...有冇搞錯
回覆刪除[版主回覆06/21/2009 09:45:00]乜加拿大咁架? 我讀大學時有位lecturer 講過 - 加拿大龍蝦好平，加拿大既麥當當仲有個包叫"MacLobster"!!!
咁妳不如試整我另一個蟹肉意粉食譜啦?
http://hk.myblog.yahoo.com/veronicams_tsim/article?mid=16733
我見到呀...i will gonna try it..唔該曬你呀~~~ by the way...加拿大D lobster係幾平嘅...but 唔識整...>< also 多倫多無得食Mclobster架....
回覆刪除[版主回覆06/22/2009 07:44:00]唔洗唔該!
我地依度龍蝦好貴! 妳果度龍蝦平，唔識整都可以買來打邊爐啦! (我試過呀~ 好鮮甜架! )