孖T漫畫遊記

 我地有一本紅色真皮封面既日記簿  係我特別買來記錄我同老公去旅行!

我同老公都好鍾意去旅行，次次去親旅行都影好多好多相!

有一次我唸 - 只睇返相，但有時會忘記做過乜 or 相裡面地方既名稱......加上有時我地去玩既某d地方係禁止影相，要記得睇過乜 + 玩過乜就更難~~

於是我忽發奇想 - 不如畫本遊記啦!!!

只寫字記錄我覺得會好悶~~~~ 主要畫公仔，再加少少文字輔助...間中睇返覺得好開心! 而且真係記得返好多細節!!!

由於我畫公仔唔叻，所以遊記係由老公畫公仔後，我就接手上色........

遊記最主要記錄既係我地每一日去過既每一個地方、行程、食過乜野、買過乜野、發生過有趣既事........

 右頁畫公仔，左頁就用來貼上單據、車票、入場票、小冊子、餐廳店舖既咭片......

初頭幾次我地真係好有恒心keep 住依個習慣...但後來大家都懶~~ 所以越來越唔齊.....最近幾次去旅行已經冇再畫......

不過我地都唔會完全放棄既! 我地一定會再畫...最多唔齊啫!