2012年11月14日星期三

二人世界三餸一湯 - 11月上旬 (附食譜)

11月已過咗一半,但我只煮得3餐飯!
一來懶; 二來忙到氹氹轉,
連blog 都無乜時間update......
廢話少講,追blog~~~~~~~~


2012年11月8日: 海星紅蘿蔔排骨湯; 蒜蜜雞翼; 清蒸水蛋 & 炒菜心

是晚本來又想偷懶唔煮飯.......



不過是日晏晝收到阿四從香港寄比我既禮物
裡面有2隻海星,為食又心急想即時煲個海星湯來試吓.......



即時出街買料煲湯!
第一次煲海星湯,聞落有陣類似蝦蟹既香味,
飲落又有海鮮既鮮甜味,連老公都話好好飲呢~


99舊年送比我既康寧煲一直都未開光......
今次就用佢來煲海星湯幫佢開光~

之前一直只係聽V媽媽讚康寧煲點好用 + 點襟用,
今次自己親身體驗......
用後感係佢傳熱快又保熱耐,熄咗火仍然滾緊,
果然真係好正!

開光前一直只愛佢既櫻花外表;
開光後我連佢既內在美都愛上埋!


雖然想偷懶,但既然已煲開湯,無理由唔煮埋飯架......
臨時決定煮飯,於是決定煮快手多花款又好味既雞翼!



早排見泗和行入咗好多李錦記既包裝方便調味汁,
買咗幾包來守門口應付依d臨時先決定煮飯既緊急關頭,
今次試咗依包蒜蜜醃醬......


雖然係方便醃醬,
不過我另外加埋胡椒粉、生抽、少少糖 + 蒜蓉去醃,
醃佢2粒鐘後炒熟佢......攪掂~ (味道都唔錯架!
)

炒雞翼時簡簡單單蒸個水蛋,再快手炒碟菜心,
雖然臨時先決定煮飯,不過三餸一湯都好豐富呢!


海星紅蘿蔔排骨湯食譜click here~


清蒸水蛋(參考食譜)click here~






2012年11月9日: 海星紅蘿蔔排骨湯; 蒜蜜雞翼; 素菜腐皮卷 & 炒菜心

雖然依餐湯 + 雞翼都係隔夜翻熱就攪掂......

但依個腐皮卷都幾花時間架!

上次我整依個時老公仲喺南下出緊差,
今次見菜心得果幾條,於是整依個比佢試吓~
雖然功夫多少少,不過係值得既!
一來可以令老公食少d肉;
二來老公竟然話依個全齋既餸好好食!!


素菜腐皮卷食譜click here~





2012年11月13日: 龍蝦黑松露扁意粉


上星期買咗依包黑松露扁意粉,一直唸緊點去炮製佢好.......



雖然見到意粉裡頭混和咗點點碎松露,
不過我志在買來試吓,並唔抱有大期望.......
殊不知一打開包裝袋,一陣濃烈既松露香氣衝出來!
好驚喜啊~~~~~



重手d再加埋剁碎黑松露........


同埋松露香味橄欖油........


2隻龍蝦拆肉........


快手攪掂香噴噴又好味~~~~~~

回味無窮........
如果今日唔係初一食齋,我真係想今晚再煮多次呢!


龍蝦黑松露扁意粉食譜click here~






Photobucket

4 則留言:

  1. 言語治療師加英文教師Carley2012年11月14日 下午6:45

    我都有見過電視介紹用海星煲湯,都好想試下呀
    [版主回覆11/16/2012 01:20:38]妳都買來煲吓啦~ 海星湯好有益架!

    回覆刪除
  2. 松露真係好香, 我都好鍾意^^
    海星湯細個時飲過, 完全唔記得咩味la, 見你煲到咁正, 都想買黎試下^^
    [版主回覆11/16/2012 01:20:17]買來煲吓啦~ 海星湯好有益架!

    回覆刪除
  3. 如果見到海星我都買黎煲!
    [版主回覆11/16/2012 21:29:43]去海味店睇吓有無得賣!

    回覆刪除
  4. yummy !!
    [版主回覆11/16/2012 21:29:05]Thanks Mag!

    回覆刪除

Related Posts Plugin for WordPress, Blogger...