黑洞夫妻之Endless Slab Mondays任食燒排骨@Tony Roma's (2013年7月29日)

真係好耐好耐好耐無去過Tony Roma's既Endless Slab Mondays嘞~
突然唸起，令到食肉獸Mr.T非常掛住，
早個零兩個月已經話要去勁擦返餐!

愉快weekend繼續敗! - 2013年7月27 + 28日 (特長)

因為最近天氣好，所以成日躝街，
躝街就難免會巡舖，巡舖當然難免會買野，
尤其一d比較少去既店，耐唔耐先去一次實會有新貨到，
實在難免會有收穫!

二人世界三餸一湯 - 2013年7月28日 (附食譜)

西湖牛肉羹; 香茅魚露烤豬肉; 蕃茄免治牛肉炒蛋 & 清炒菜心

上星期開始間歇性行吓雷閃吓電兼落場大雨，
不過轉個頭太陽又出返來~
雖然唔知點解落雨後天氣仲係咁翳焗，
但總算無先前咁熱，開始有返意欲煮飯!

Sweet Sundays - Monsters University 怪獸大學 (2013年7月28日)

英國M&M、Maltesers等各大朱古力品牌，
現正做緊Sweet Sundays免費戲飛promotion!
只要喺各大超市買包裝上印有Sweet Sundays既朱古力:
特大promotional
pack x 2 (£2 each)，
或普通裝 x 4 (£1 each)，
儲夠4個code，上官方網站輸入code，
就可以得到免費戲飛一張 (網上訂票! )

香茅魚露烤豬肉

蕃茄免治牛肉炒蛋

£1店尋寶

依篇其實應該唔係敗家，而係慳家至真!
最近屋企附近開咗間Poundland，
實在太方便，所以得閒無事我就去巡吓舖~
睇吓我最近喺Poundland有乜筍野收穫........

4人巴迫橋@Rowardennan Loch Lomond (2013年7月21日)

最近天氣實在太好，一定要好好盡情享受一下，
剛過去既星期日，我 + Mr.T同埋2位朋友又去咗巴迫橋!
今次地點都係上次既Rowardennan Loch Lomond，
皆因果度風景實在太太太靚 + 依2位朋友無去過~

Teatanic 茶達尼號

Everyday in the morning
I make you, I drink you...........

幾個月前Mr.T送咗個Mr.Tea比我，我日日都用~
上次Mr. Tea浸茶溫泉.........

今次依個叫做"Teatanic"玩沉船!
同樣係Fred & Friends既鬼馬出品~

連續2餐唔好味既出街食 (2013年7月19 + 20日)

上星期五(7月19日)Mr.T喺Glasgow見客，
見完客早收工一齊去食lunch~

早前渣車經過City Centre開咗間叫做Nippon Kitchen既日本餐廳，
於是我suggest去試吓!
星期五下午剛過食晏時間，但又未到晚飯時間，
全間餐廳係空既，有另一枱3大2小同我地同一時間入座~

Mr.T只點咗個辣既鴨肉拉麵;
我就點咗照燒雞定食 + 辣三文手卷，
個定食包味噌湯 + 3件炸雞卷壽司，
唔知因為天氣熱定點，依餐真係食到我忟忟地!

我食過咁多間日本餐廳，定食都係一次過成套餐上既，
不過依間.........

先同我上碗味噌湯......只係得碗味噌湯!

7月下旬二人世界晚餐全紀錄 (附食譜)

今年夏天天氣非常好，
6月中開始至今朝先落第一場雨!不過今年亦係英國自2003年以來最熱既一年，天氣熱到我無心機煮兼無胃口食........

我食得最多既就係依個 - 燒雞凱撒沙律是也!

生菜素鮑片

臘腸炒飯

七味煎鯖魚

深嫲敗

盛夏既蘇格蘭天氣好到令人唔想留喺屋企~
咁我依d躝街精當然更加不安於室啦.......

夏日環保驅蠅法

今個夏天蘇格蘭天氣勁好~
好到整整一星期日日30C兼大太陽，
雖然蘇格蘭夏天好可愛，無香港果種潮濕翳焗，
不過因為無冷氣，好多時喺室內齋坐喺度唔郁都會標到一身汗，
所以一定要開窗!

但問題來嘞..........
任你屋企幾乾淨都好，英國夏天只要你開窗，
就一定會有討厭既烏蠅飛入來抖涼!
就算你好刻制咁只打開一條罅仔，
佢地都會搵到位爬入來......尤其廚房更加係重災區!!

不過唔開窗真係無可能!
(冬天唔開窗都唔得啦! 莫講話30C既夏天......)
唯有唸d方法趕走d烏蠅!!
網上搵到2個方法同大家分享一下..........

檸檬 + 丁香........
將檸檬切半後插滿丁香(cloves)，放喺窗前，
大概烏蠅唔鍾意依種味道，所以唔敢飛近~

Bye bye lump! 2013年7月10日 (慎入!)

上次返香港，好記得果日係舊年既年初三，
我同V媽媽去一位auntie屋企拜完年，
返到屋企後V媽媽突然問我.........
"阿妹~ 點解妳頸後面有舊野凸出來?"

BBQ Reunion@Rowardennan Loch Lomond (2013年7月9日)

一年一度既"中國人佔領Loch Lomond 巴迫橋"又來嘞!

蘇格蘭好天氣! Lunch@Angels Hotel (2013年7月7日)

星期日營救花花後，咁鬼早就緊係瞓返覺先啦!
瞓醒後打電話比99，我地先過去99度將花花種喺花園，
之後同99近近地去咗附近既Angels Hotel一齊食lunch~

Mr.T既頭盆"泰式麵湯"
份量好大，不過味道似即食麵..........

拉麵與牛歡喜 (附食譜)

7月3日: 照燒雞扒蒜香豬骨湯底拉麵

第一次自煮日式拉麵..........

一枝獨秀

我好鍾意花!
除咗白菊花之外，我幾乎咩花都鍾意~

Share a Coke with Andy & Veronica (2013年7月6日)

上一篇網誌提過可口可樂有個叫做"Share a Coke"既project..........
今個夏天喺英國推出咗150個英國最受歡迎既名字，
後來又額外再加多100個名，但係仍然無Andy + Veronica!

不過7月 + 8月，可口可樂會喺全英各大城市，
舉行室外及室內既"Share a Coke"宣傳活動，
讓榜上無名既人都可以免費攞到/買到印有自己名字既樽裝可口可樂!

Girls's Day Out with 99@Costco (2013年7月5日)

Costco係美國一間開放比零售顧客既批發warehouse店，
除美國本土外，分店遍佈英國、加拿大、澳洲、墨西哥、台灣、南韓 + 日本~
聽聞香港曾經都有分店，不過好似已經執咗笠.........
喺Costco購物需要membership~ 會籍分個人 + 商戶兩種;
幾年前Mr.T曾經買過會籍 + 整咗個附屬會籍比我，
不過雖然Costco會開放比我地依種零售顧客，
不過佢地始終主要係做批發客，所以大部份貨品都好大份，
去Costco買一次野有排都用唔哂，所以我地果時好耐先去一次，
會籍到期後就無續期~

鹹酸菜炒牛肉

損友睇完某套戲，
同我講話想返香港，順道去大陸試試"牛歡喜".......
我同損友講: "牛歡喜"洗乜上大陸食? 香港都有得食!
仲有要預埋我.......因為我都想試!!
In the meantime，炒碟"假牛歡喜"來頂住檔先! 哈哈~~~~

沙茶醬炒蜆

豉椒炒蜆以外另一個惹味炒蜆方法!
我用既係連殼急凍蜆~
若用生猛活蜆既話，
買返來既蜆要用鹽水養數小時讓蜆吐沙;
另外喺水中放入金屬物品，亦會幫助蜆吐出沙粒!

日本 - 照燒雞扒蒜香豬骨湯底拉麵

心血來潮想整..........

立雜敗

正當我大掃除暫時已執咗2箱野出來準備car boot sale時，
我發現我左手一邊執舊野出來賣，
但右手同時會靜雞雞買返d新野返來..........

上次返香港見到依種財源滾滾流水台已經好想買!
不過香港果d太大隻又太重，最後都係放棄無買到......