西湖牛肉羹; 香茅魚露烤豬肉; 蕃茄免治牛肉炒蛋 & 清炒菜心
上星期開始間歇性行吓雷閃吓電兼落場大雨，
不過轉個頭太陽又出返來~
雖然唔知點解落雨後天氣仲係咁翳焗，
但總算無先前咁熱，開始有返意欲煮飯!
依餐本來係上星期五煮既，
不過Mr.T突然早放工有點工事要去Glasgow，
佢話返屋企接埋我先一齊出去辦事，
叫我唔好煮飯出街食.........
Mr.T辦完工事後本想去Glasgow新開既Harvester試吓，
殊不知walk in 要等45分鐘!
我從來唔鍾意浪費多過15分鐘喺"等食飯"之上，
因為我覺得好戇居! 除非等果段時間我有第二d野要做，
否則東家唔食食西家，對我來講無一間餐廳係非食不可~
佢一見我擰頭話唔等，即時攞咗張免費新地贈券比我地!
唔係送一杯喎，而係一人一杯啊~
嗱~ 依d咪叫做good customer service囉!
雖然果日做唔到我生意，但留到客喎!!
講遠咗添......講返餐自家煮........
星期五預備哂餸菜無煮到，星期六躝街食埋飯先返屋企，
再留d餸就唔新鮮嘞!
所以一向星期日唔煮飯既我，尋日睇完Monsters University返屋企煮飯~
上星期日同朋友BBQ，醃雞翼用剩d香茅，
本來打算再醃雞翼用埋d香茅，點知Asda竟然一盒雞翼都無!
可能又比人買哂來BBQ!!
咁就改整梅頭肉啦，反正依個醃法好好味~
Mr.T勁鍾意: 好彩妳買唔到雞翼!
(佢鍾意豬多過雞~)
香茅魚露烤豬肉食譜click here~
頭先都講過 - 唔知點解落過雨仍然咁翳焗?
雖然煮既意欲回歸，不過煮都要煮d開胃口既餸菜!
平時我煮蕃茄炒蛋多數加罐茄汁沙甸魚，
今次因為滾開牛肉羹，一盒免治牛肉太多用唔哂........
用一半來炒蕃茄蛋啱啱好!
又好快手容易滾呢~
外國既customer service真係好窩心啊... 唔去都送coupon, 買唔到沙律又送魚柳包...香港真係彩你都傻, 一副唔憂做咁樣...
回覆刪除[版主回覆07/30/2013 20:24:50]佢地新開張唔想比唔好印象顧客嘛!
不過我覺得因為依間店新開張，所以有依個優惠，我估應該幫襯完既客人都會比~
不過點都好，有免費新地食好開心!
呢個西湖牛肉羹我都好耐冇飲過啦！我都好鐘意飮，不過自己未煮過，只係以前響酒樓飮過
回覆刪除[版主回覆08/01/2013 19:27:41]依個非常快手又好容易滾! 我鍾意落勁多荽茜~
生活中在菜式上搞搞心思的確不錯~~ =]
回覆刪除[版主回覆08/06/2013 06:27:07]都係家常小菜來啊~