7月下旬二人世界晚餐全紀錄 (附食譜)

今年夏天天氣非常好，
6月中開始至今朝先落第一場雨!不過今年亦係英國自2003年以來最熱既一年，天氣熱到我無心機煮兼無胃口食........

我食得最多既就係依個 - 燒雞凱撒沙律是也!

7月10日我做完割脂肪瘤小手術，
我當然大安旨意唔洗煮飯啦!
想食麥麥但啱啱做完手術唔食得牛肉，
於是試咗個佢地個燒雞沙律，覺得幾好食~
第二日7月11日食過返尋味，
不過8pm未夠佢地竟然話賣哂燒雞沙律! 有d過份喎......
唯有焗住改要2個魚柳包，
不過條氣唔係好順，因為真係好想食燒雞沙律!!

點知比錢時店員話依2個魚柳包唔收錢喎!
都算塞翁失馬......嘻嘻~~~~~

7月12日: 鹹酸菜炒肉片; 叮叮鱈魚柳

之前整"假牛歡喜"剩低半包鹹酸菜，
唔想留太耐，但仍然處於手術後戒口期，
剩低一半就用來炒豬肉啦! 一樣好好味啊~
鹹酸菜炒肉片(參考食譜)click here~


早幾日同朋友BBQ，有朋友買咗鱈魚柳就咁用鍚紙包住來煨熟，
加d檸檬汁 + 美極，不知幾滋味!
是日唸起又想食鱈魚，於是買咗2塊鱈魚柳.........
整時拆開包裝，見上面印住話可以用微波爐叮熟佢!
我又懶唔想預熱焗爐，咁就試吓叮啦.........

就係咁兩塊魚叮到碎鬼哂好樣衰!
(我都話咗我係微波爐白痴來架啦.......)
幸好魚非常新鮮，仍然好好味啊~~~~



我知戒緊口唔應該食辣野，
不過我見個傷口無咩料到，
所以上星期日(7月14日)忍唔住去食咖喱..........

依間印度咖喱餐廳星期日做Sunday brunch special offer，
£6一個人.........

2人份頭盆小食，有chicken chaat; chicken pakora;
mushroom pakora + vegetable pakora~

主菜唔知點解會有3個唔同咖喱.......
仲有一兜飯 + 一大塊naan bread，結果食唔哂d肉~

餐咖喱令Mr.T飽到晚餐都無胃口食，
不過我要整碗煙雞肶麵做晚餐先夠!

7月15日: 燒雞凱撒沙律; Mr.T拿手火腿芝士奄列

又想食麥麥燒雞沙律，不過我覺得咁細兜要£3幾有d唔抵，
自己整好過!

Mr.T想試吓用枝bamix來整奄列好耐，是晚決定一試.......
今次整出來既奄列勁軟綿綿!
Mr.T大讚無買錯枝bamix比我~



超市一pack雞胸有4隻; 一pack羅馬生菜有2棵.........

所以往後幾日我日日食燒雞凱撒沙律!
可能天氣真係太熱嘞，依個容易整又好味，
所以我食足4日仲未夠皮，越食越想食.........

加上我見手術傷口完全無料到，一向完全唔做運動既我，
上星期突然pat pat痕開始跳鄭多燕，日日跳足40分鐘，
(上為"Mr.T想像阿V做運動圖"! )
做完運動硬係覺得要食返沙律依類健康食物先正常嘛!



不過間中都會熱到連沙律都唔想整..........

所以會叫非常唔健康既外賣! (7月17日: Pizza Hut外賣)



雖然依排真係熱到唔想煮飯，
不過我係一個極度需要米氣既飯桶來，
太耐無沾過米氣我會手軟腳軟 + 成日想食野!
所以幾熱都好，久唔久都要煮飯一餐正常飯.........

7月18日: 蕃茄薯仔湯; 臘腸炒飯; 七味粉煎鯖魚

屋企有好多臘腸! 因為99每次返完香港都會整大包過我，
不過我由細到大都只愛潤腸或臘潤，
唔多食臘腸，所以我好少整臘腸.......久而久之冰箱臘腸為患!
係時候要唸辦法清清佢地!!
臘腸炒飯食譜click here~

超市原條新鮮閃令令鯖魚special offer £1一條........

用來焗或煎都好正! 好鍾意鯖魚既味道，皮又脆卜卜.........
七味煎鯖魚食譜click here~

雖然天氣好熱唔想煲湯，不過總要間中有湯水滋潤一下!
夏天最好就係飲依個，酸微微開胃d~
蕃茄薯仔湯食譜click here~

7月22日: 生菜素鮑片
是日農曆十五食齋，依碟係100%係齋來架!
咪可以以假亂真呢? 而且味道一d都唔輸蝕比真野啊~
生菜素鮑片食譜click here~