鹹酸菜炒牛肉

損友睇完某套戲，
同我講話想返香港，順道去大陸試試"牛歡喜".......
我同損友講: "牛歡喜"洗乜上大陸食? 香港都有得食!
仲有要預埋我.......因為我都想試!!
In the meantime，炒碟"假牛歡喜"來頂住檔先! 哈哈~~~~


1. 牛肉眼切薄片，用胡椒粉、生抽、糖、雞粉、麻油、少許清水和粟粉撈勻醃最少30分鐘。


2. 鹹酸菜用清水浸20分鐘，沖淨搾乾水份，切小塊備用。


3. 青紅椒切絲; 預備薑片、蒜蓉和蔥段。


4. 燒熱白鑊，下鹹酸菜炒至乾身，盛起備用。


5. 下油燒熱鑊，爆香薑片和蒜蓉，下牛肉炒至7成熟灒紹興酒。


6. 鹹酸菜回鑊，下糖調味炒勻，再下青紅椒絲和蔥段兜勻。


7. 勾粟粉芡，上碟即成。