2013年7月12日星期五

Bye bye lump! 2013年7月10日 (慎入!)



上次返香港,好記得果日係舊年既年初三,
我同V媽媽去一位auntie屋企拜完年,
返到屋企後
V媽媽突然問我.........
"阿妹~
點解妳頸後面有舊野凸出來?"


如果唔係V媽媽發現,我都根本完全唔知道依舊野既存在!
唔知都由自可........一知道咗就覺得佢好礙眼!!


尤其喺側跟望勁覺眼!
(難怪V媽媽成日誤會我寒背.......)


上去軟軟地有彈性,一整塊喺皮肉下面但完全唔痛,
總覺得
舊野唔屬於自己身體一部份,
就好似隆胸隆錯左膊咁既感覺!



返到英國後,唔知係心理作用定係點,
硬係覺得舊野越來越大!

我成日會不自覺地用手"拎"吓佢,
下意識企圖"拎"返細佢.......反正拎幾大力都唔痛既~


Mr.T的咗我去睇醫生........
睇過幾個GP個個一望都話係fatty lump,醫學上叫lipoma,
即係脂肪瘤(唔係癌症!
)
脂肪瘤情況好普遍,成因不明兼無法預防,
全世界大約有1%既成年人會有唔同程度既
脂肪瘤~
脂肪瘤唔會防礙健康,所以可以不理,
不過.........個瘤絕對唔會縮返細,只會有機會越生越大舊!

我去照過超聲波,發現個瘤已經有6cm x 7cm咁大,
於是我決定要割咗佢出來!!


手術定咗星期三(7月10日)朝早10am,
到咗醫院等到成10.30am先到我,
只需局部麻醉,醫生先圍住個瘤打麻醉藥,
大約打咗10針左右,都唔算好痛~
我初時以為打完麻醉藥要等一陣藥效發揮先開始,
殊不知依頭佢打完最後一針,
果頭就聽到佢用手術電燒刀吱吱聲咁切開我!
雖然完全唔痛,但感覺好奇怪.......


因為局部麻醉,所以我整個
手術過程完全係清醒既!
個醫生一路剪我,仲一路同我吹水~

雖然麻醉咗,但其實開刀既位置仍然有感覺,
而且感覺仍然好
敏感,只係完全唔覺得痛,
一時感覺到醫生塞咗咋手指入去,好似掘金咁挖
;
一時又感覺到佢用手術剪剪吓我........
醫生話我個瘤生得
好貼皮好緊
而且仲有好多蜘蛛網狀既纖維索掹緊肌肉,

要剪斷哂
纖維索先攞到個瘤出來~當佢用剪斷纖維索時,我聽到一種好似我喺廚房切緊豬潤,
用廚剪剪斷
豬潤白筋果種"chop chop"聲!

成個手術過程大約45分鐘左右~
其實一般脂肪瘤手術只需20至30分鐘,
(當然係要視乎瘤既大小啦!)
不過因為我個瘤生得好鬼緊特別麻煩過人,
所以時間比較長!



45分鐘後得出依pat個個都話似雞油或免治雞肉既"V油"!



而我左膊就多咗大舊紗布.......好鬼熱呀!!!!!!!
藍色紗布24小時後可以拆,不過裡面仲有塊膠布,
一星期唔可以濕水亦唔可以掂個傷口........
依兩晚沖涼都要Mr.T幫手~

做完手術返到屋企打電話比V媽媽報平安,
V媽媽問我: 妳尋日去燒野食有無食牛肉?
係喎! 之前果日去燒野食,完全忘記咗唔好食牛肉依回事!!
食咗2塊西冷.......希望傷口乖乖地唔好發炎啦!
Bye bye lump~~~~~
You're not welcome so don't come back!






Photobucket

45 則留言:

  1. take care 呀 沒有事就好啦
    [版主回覆07/12/2013 18:40:14]Thank you Rachel! 無事~ 無事~ 只係個小手術來,今日已經完全唔覺自己做完手術~

    回覆刪除
  2. Hi Veronica,
    祝您早日康復!
    最好戒口, 暫不要吃, 蝦,蟹, 牛,鵝,鴨,筍等食物..

    Take Care!!!
    [版主回覆07/15/2013 18:09:57]Thank you Oi Ling!
    其實脂肪瘤手術好小意思,傷口不大又唔痛亦復完得好快,所以我無刻意戒口或休息,野照食(只戒咗口3日...) 家務照做街照出,都係好似平時咁啦~

    回覆刪除
  3. 我都有粒響隻手好多年,原來得1%人有!不過都費事理!祝早日康復,唔好比傷口發炎!
    [版主回覆07/15/2013 18:08:13]Thank you Mary!
    係全世界1%成年人會有脂肪瘤,所以比例都唔算少架~
    大部份情況下脂肪瘤都唔會防礙健康,所以唔需要處理,不過醫生建議瘤超過5cm就最好割咗佢~

    回覆刪除
  4. 哈囉,v! 你呢件事令我諗起以前細個果陣生過一粒血管瘤,生喺太陽穴,一開始係一粒紅色點,慢慢變大成一粒紅色墨,有日食食下飯d血沿住塊面流落來,嚇死我d屋企人。之後我爸爸帶我去醫院,個醫生話要我入院趁我瞓著就割左佢,我當時咁細個,聽到即刻走,最後用激光整走左佢。
    舊脂肪瘤真係幾大舊wor,好在脂肪瘤無咩殺傷力,我身邊有朋友生左好多粒都無理到佢地,手術後要注意飲食同多d休息啊,希望佢永遠遠離你!
    [版主回覆07/15/2013 18:09:24]Thank you Alice!
    其實脂肪瘤手術好小意思,傷口不大又唔痛亦復完得好快,所以我無刻意戒口或休息,野照食(只戒咗口3日...) 家務照做街照出,都係好似平時咁啦~

    回覆刪除
  5. 《Ka MaN 日記》2013年7月12日 下午4:16

    Take care my dear...
    Hope you feel better
    [版主回覆07/15/2013 18:04:42]Thank you Ka Man!
    im feeling absolutely awesome~

    回覆刪除
  6. 祝早日康復,好好take care.小心D唔係太大動作影響傷口.
    [版主回覆07/15/2013 18:03:27]Thank you B媽!
    因為一早知道係局部麻醉,所以做之前有d驚麻醉藥唔夠...又怕麻醉藥過後傷口會好痛......做完先知原來脂肪瘤手術真係好小意思,傷口不大又唔痛亦復完得好快,所以我無刻意戒口或休息,野照食家務照做街照出,只要唔太大動作,幾乎完全感覺唔到傷口存在,都係好似平時咁啦~

    回覆刪除
  7. Get well soon! Take care! Don't eat egg, beef, hot spices, etc within this period.
    [版主回覆07/15/2013 17:59:44]Thank you Happy!
    it was a minor operation and the wound's healing fine!

    回覆刪除
  8. 小心處理傷口就無事呢 ! 祝早日康復
    [版主回覆07/15/2013 17:55:16]Thank you Katie!

    回覆刪除
  9. Take care, get well soon!
    [版主回覆07/15/2013 17:53:34]Thank you Sydney!

    回覆刪除
  10. 仲有唔好食豉油呀!
    [版主回覆07/15/2013 17:53:35]Thank you ciaochow!

    回覆刪除
  11. Heaven's Delight2013年7月13日 上午8:36

    你好勇敢啊,我睇到都戥你痛!
    祝你早日康復!
    [版主回覆07/15/2013 17:52:49]Thank you Heaven's Delight!
    其實做之前我都怕麻醉藥過後會好痛.....不過而家做完真係唔覺得痛! (當然禁落去就會痛啦!) 但只要唔掂到,幾乎完全感覺唔到傷口存在~

    回覆刪除
  12. 做咗會好D, 通常呢種位置的脂肪瘤會大得快D,如果覺得痕可以用火酒抹吓週邊.....
    祝早日康復!
    [版主回覆07/15/2013 17:50:50]Thank you 小白!

    回覆刪除
  13. 好在無事小心身體吖
    [版主回覆07/15/2013 17:37:50]Thank you LING!
    脂肪瘤手術好小意思啫~

    回覆刪除
  14. Take care
    [版主回覆07/15/2013 17:37:20]Thank you Fun Fun Sala!
    傷口唔痛亦不大,復原得好快~

    回覆刪除
  15. 有個大傷口真係應該要戒下口啦,攪不好發炎就慘架啦
    我以前試過做完一個小手術,因為太為食,冇咩點戒口,結果傷口發炎,爆左,又要再入急症室,所以你一定要好好護理傷口吖,知道麻?
    見到你果 pat 脂肪瘤。。真係令我觸目驚心,你真係好鬼大膽〜 哈哈
    你個傷口痕唔痕架?我果時個傷口差不多好番時會痕痕地架!
    希望你個傷口早日康復啦!!
    [joey回覆07/20/2013 02:59:42]無事就好啦!復元得真係好快呢
    [版主回覆07/15/2013 17:36:13]Thank you Joey!
    其實做之前都有d驚麻醉藥過後會好痛......不過做後就知其實脂肪瘤手術好小意思,傷口不大又唔痛亦復完得好快,所以我無刻意戒口或休息,野照食(只戒咗口3日...) 家務照做街照出,完全好似平時咁,幾乎感覺唔到傷口存在!
    傷口比我想像中細好多! 其實個醫生都有同我講會盡量幫我keep個傷口細,不過我無咩所謂,我寧願要條疤好過個瘤,拆咗紗布先知原來傷口好細,都唔知佢點攞咁大舊野出來?

    回覆刪除
  16. Is the wound really big??Take care ar!!!
    [版主回覆07/15/2013 17:32:20]Thank you Alice!

    no~ the wound is actually a lot smaller than i expected! however i dont really care abt the scar as long as the lump is gone!

    回覆刪除
  17. Veronica, Take good care ar ~
    [版主回覆07/15/2013 17:30:38]Thank you Zita!

    回覆刪除
  18. 休息多些,好好保重自己, 忍下口啊.
    [版主回覆07/15/2013 17:30:25]Thank you suwan!
    其實脂肪瘤手術好小意思,傷口不大又唔痛亦復完得好快,所以我無刻意戒口或休息,野照食(只戒咗口3日...) 家務照做街照出,都係好似平時咁啦~

    回覆刪除
  19. Take care
    [版主回覆07/15/2013 17:29:30]Thank you SC!

    回覆刪除
  20. 好好休息,帶埋Mr T又敗喇,費事拎重嘢
    [版主回覆07/16/2013 06:34:36]我認為"慎入"已經足夠
    [wingki回覆07/15/2013 17:55:42]你個post 註明慎入,我以為乜事,你應該寫明「有驚嚇場面,需家長指引」
    Anyway all the best
    [版主回覆07/15/2013 17:29:17]Thank you wingki! [(smile)]
    其實脂肪瘤手術好小意思,傷口不大又唔痛亦復完得好快,所以我無刻意戒口或休息,野照食家務照做街照出,都係好似平時咁啦~

    回覆刪除
  21. 呢幾日乖乖係屋企休息喇,唔好去街住呀~~~take care V~~~
    [版主回覆07/19/2013 18:25:47]會嘞~ 傷口已經好得七七八八,埋咗口,等緊d線自己甩!
    [林林回覆07/15/2013 17:39:10]始終都要小心傷口呀~~~
    [版主回覆07/15/2013 17:28:20]Thank you Jessica!
    其實脂肪瘤手術好小意思,傷口不大又唔痛亦復完得好快,所以我無刻意戒口或休息,野照食家務照做街照出,都係好似平時咁啦~

    回覆刪除

  22. 之前試過剝智慧牙時, 又係feel到醫生又鑿又撬, 雖然唔痛, 但都唔好受呀...
    Take care ar!! 要乖乖戒口唔好食蝦蟹, 鵝, 牛...
    [版主回覆07/15/2013 17:25:52]Thank you 貓小玲!
    我都做過智慧牙手術,不過果次一次過剥2隻,而且我情況比較複雜(顎骨唔夠位,要鋸緊少少骨,所以果次要全身麻醉~
    其實脂肪瘤手術好小意思,傷口不大又唔痛亦復完得好快,所以我無刻意戒口或休息,所以都係好似平時咁啦~ [(big grin)]

    回覆刪除
  23. 唔係手術後先唔食得牛咩?
    [版主回覆07/15/2013 17:23:07]其實只係中國人先有戒口依回事,洋人會話咩都食得唔洗戒口添!
    V媽媽應該係怕我之前果日食咗牛肉會影響傷口
    [靚芒回覆07/15/2013 11:09:14]見到個pat嘢,好似減肥記錄片d膏。

    回覆刪除
  24. 好勇, 45min....我一定唔敢局陪麻醉!

    take good care on the wound
    [版主回覆07/15/2013 17:21:33]Thank you yee ting!
    以我所知脂肪瘤手術都係局部麻醉果喎~ 我唸除非係好特殊既情況,否則唔會全部麻醉.....

    回覆刪除
  25. 哇...你寫住慎入,我又驚驚地,但又八八卦....睇到個pet野..係好似平時啲雞脂肪咁..但...一諗起係人既...想嘔添...真係,我真係想嘔呀.......>_<..下次都係唔好咁八卦了...
    [版主回覆07/15/2013 17:19:45]well......我一早warn咗妳架嘞!

    回覆刪除
  26. Take Care Ar, 記住要介口
    [版主回覆07/15/2013 17:18:45]Thank you Karen!
    其實脂肪瘤好小意思,傷口不大又唔痛亦復完得好快,所以我無刻意戒口或休息,所以都係好似平時咁啦~

    回覆刪除
  27. 無事嘅,好快好番兼靚番!休息一下啦~~
    [版主回覆07/15/2013 17:17:24]Thank you Yan and Ning!
    其實脂肪瘤好小意思,傷口不大又唔痛亦復完得好快,所以我無刻意戒口或休息,所以都係好似平時咁啦~

    回覆刪除
  28. 你post後面張相,真係睇唔到發生什麼事,但一睇到側面那張,就真係好覺眼...好彩無事咋!要乖乖介口,好好休息啦!
    [版主回覆07/15/2013 17:12:25]Thank you J Li!
    唔係呀...我覺得後面d相都睇得好清楚係凸啊! 尤其個瘤壓到表面微絲血管爆,有點紅紅瘀瘀.......

    回覆刪除
  29. 吃得肉太多變 脂肪瘤 是不是呀 祝早日康復
    [版主回覆07/15/2013 17:07:08]多謝嘉麗!
    唔係~ 我睇個幾位醫生 + 上網做過好多research,而家醫學上脂肪瘤係成因不明,總之身體上有脂肪既部位就會有機會生脂肪瘤,而且無預防方法~ 從未聽過食肉太多變脂肪瘤既講法!

    回覆刪除
  30. My husband had the same lump on his back, actually just around the same area like u. It became bigger over the years and so he had decided to get it removed. After the surgery, he rested a little bit and drove home! The scar isnt noticeable! Hope u have a speedy recovery.
    [版主回覆07/24/2013 21:12:41]then your husband's surgery probably wasnt local! cos i was totally consicious before, during and after the whole thing!
    [Mrs Kwong回覆07/24/2013 14:28:56]i couldnt remember whether its local or general. Probably not local because I think he was unconsicious when the surgery being performed. He felt dizzy bu insisted to drive home (to prove that he was a strong man :P)
    [版主回覆07/15/2013 17:03:51]Thank you Mrs Kwong!
    did your husband have local anaesthesia too? i didnt rest and Mr.T took me home straight after the surgery cos i feel absolutely fine, didnt feel any pain at all~
    actually i dont really care abt the scar as long as the lump is gone! i prefer a scar rather a lump on my shoulder~

    回覆刪除
  31. 緊張大師-小女人2013年7月15日 上午1:13

    見你無事就好啦,但係幸好你做了手術因為咁大pat肥膏我唔覺得有理由要背住佢一世,明智的決定,雖係小手術但都要小心傷口,Mrs.T祝你健康早日康復
    [版主回覆07/25/2013 22:39:32]Thank you 緊張大師!
    [緊張大師-小女人回覆07/25/2013 11:42:18]咁就好啦,保重呀Mrs.T
    [版主回覆07/22/2013 23:05:46]已經好返哂! 傷口已埋口,只係仲有少少紅紅地 + 等甩線~
    [緊張大師-小女人回覆07/21/2013 10:53:47]那做手術係最一了百了就好,你現在情況好嗎?
    [版主回覆07/15/2013 16:49:49]多謝緊張大師關心!
    脂肪瘤係好小問題來,情況好普遍~ 不過我個咁大好覺眼影響儀容,而且佢似乎開始壓住膊頭好易攰,再加上醫生建議瘤起過5cm就應該要處理,手術程好簡單,做咗當然安樂好多~

    回覆刪除
  32. 祝早日康復呀!!!!!
    [版主回覆07/15/2013 17:07:32]Thank you Selina!

    回覆刪除
  33. are you Ok now, take care.
    [版主回覆07/15/2013 18:17:37]yes im very OK~ i feel awesome! thank you mummy of two!

    回覆刪除
  34. Happy healing !!!
    [版主回覆07/16/2013 06:35:22]it's healing and im very happy! thank you Amy~

    回覆刪除
  35. 祝你早日康復! 我老公都有舊甘既野係背脊中間, 但未見佢發大. 我都怕佢第日要做手術,不過睇完你個手術過程後, 第日老公要做手術我都冇甘担心.
    [版主回覆07/16/2013 06:37:33]Thank you rotkäppchen!
    妳老公有無睇過醫生肯定舊野係脂肪瘤來? 如果無的話最好睇吓醫生確定一下啊~

    回覆刪除
  36. 你講到好簡單但我覺得好驚嚇......希望你傷口埋得靚.....又唔會再番黎.....唔洗再受皮肉之苦
    [版主回覆07/17/2013 00:26:02]多謝小車!
    其實真係唔做過都唔知.....我做手術前都好驚架! 一來打果10支針都幾痛(不過我忍受到),二來我怕佢見我細粒用得唔夠麻醉藥,佢切我時會痛; 三來我又怕麻醉藥過咗傷口會好痛......不過原來真係無料到架! 我依兩日仲喺屋企跳鄭多燕!
    條疤我唔理佢架嘞! 反正傷口又唔係好大,我寧願要條疤好過要舊野~ 有條疤痕都幾有型吖!

    回覆刪除
  37. 噢...做左手術有傷口記住戒口啊,最好少吃豉油,我grandma話會好易有深色scar架@@
    咁你而家係咪要趴係度訓囉?
    祝你早日康復~~
    [版主回覆07/17/2013 00:21:57]Thank you 雪人!
    其實脂肪瘤手術好小意思,除咗第一晚要食止痛藥之外,基本上傷口不大又唔痛亦復完得好快,所以我無刻意戒口(只戒咗口3日...
    唔洗趴喺度瞓,我第一晚打側瞓,瞓到半夜自己轉咗背脊向下都無感覺,反而係Mr.T責醒見我背脊向下,推醒我問我痛唔痛.......

    回覆刪除
  38. 你點呀? pat 嘢... 唔好食旦呀... 要介口呀....
    [版主回覆07/17/2013 17:10:50]Thanks~
    [小小小女人回覆07/17/2013 08:43:00]take care....
    [版主回覆07/17/2013 00:17:18]Thank you 小小小女人!
    我無事啊~ 除咗第一晚食咗止痛藥之外,第二日已經幾乎感覺唔到有個傷口,傷口細又唔痛,所以我都無刻意戒口(只係戒咗口3日.....) 而家回復正常嘞~

    回覆刪除
  39. 嘩~小心唔好整到個傷口呀,同埋唔好為食、要戒口啊!
    [版主回覆07/17/2013 00:10:03]Thank you Winky!
    我無事啊~ 除咗第一晚要食止痛藥之外,第二日傷口已經幾乎完全唔痛,都唔覺個傷口存在,依2日我仲做鄭多燕呢! )

    回覆刪除
  40. 切記介口呀V
    [版主回覆07/17/2013 00:07:31]Thank you 芝!
    其實脂肪瘤手術好小意思,傷口不大又唔痛亦復完得好快,所以我無刻意戒口或休息,野照食(只戒咗口3日...) 家務照做街照出,都係好似平時咁啦~

    回覆刪除
  41. 小心處理好個傷口,如果唔係就着唔到露背裝.









































































    [版主回覆07/17/2013 17:13:24]Thanks TAM!
    一條疤痕對我來講好小事,有疤無疤都可以照著露背裝...只要我想著的話!

    回覆刪除
  42. Oh take a good care, 唔好整到個傷口呀,同埋要戒口啊!

    Best regards,
    Peggy
    [版主回覆07/19/2013 18:30:54]Thank you Peggy!
    傷口埋咗口,已經好得七七八八嘞! 無唸過傷口咁細,我只戒咗3日口~

    回覆刪除
  43. 你好勇敢>< 做完手術後仲可以分享咁多,你個PAT 野真係嚇親我
    好好休息, 祝早日復原﹗
    [版主回覆07/22/2013 22:56:23]酒妹子有心,多謝妳啊!
    我已經好返哂嘞~ 傷口不大 + 已埋口,而家只係紅紅地,Mr.T話幾乎完全睇唔到有傷口!
    其實我去到醫院都有少少驚架! 不過做緊手術至做完都唔覺得痛.....做完先知好小兒科!

    回覆刪除
  44. 嘩, 真係好似D雞油.... 局部麻醉我會驚同緊張, 因為都感覺到醫生做緊嘢. 我前2年係Cambridge 既醫院一次過mock2隻智慧牙同埋旁邊2隻大牙, 要全身麻醉2個鐘.
    [版主回覆07/26/2013 20:50:22]未做前我都驚 + 緊張,不過做完之後先知道 - 原來一d都唔驚! 只係好似爬喺張床度同醫生吹水咁~ 依種一粒鐘都唔洗既小手術,的確無必要全身麻醉!
    剥智慧牙唔同,剥前照X光視乎情況決定局部定全身麻醉~ 我都試過一次過剥2隻智慧牙,都係全身麻醉~

    回覆刪除
  45. 淨係睇描述已經好恐怖...><"
    [版主回覆08/13/2013 20:59:10]都唔係好恐怖啫!

    回覆刪除

Related Posts Plugin for WordPress, Blogger...