好到整整一星期日日30C兼大太陽，
雖然蘇格蘭夏天好可愛，無香港果種潮濕翳焗，
不過因為無冷氣，好多時喺室內齋坐喺度唔郁都會標到一身汗，
所以一定要開窗!
但問題來嘞..........
任你屋企幾乾淨都好，英國夏天只要你開窗，
就一定會有討厭既烏蠅飛入來抖涼!
就算你好刻制咁只打開一條罅仔，
佢地都會搵到位爬入來......尤其廚房更加係重災區!!
不過唔開窗真係無可能!
(冬天唔開窗都唔得啦! 莫講話30C既夏天......)
唯有唸d方法趕走d烏蠅!!
網上搵到2個方法同大家分享一下..........
檸檬 + 丁香........
將檸檬切半後插滿丁香(cloves)，放喺窗前，
大概烏蠅唔鍾意依種味道，所以唔敢飛近~
我放咗2隻喺廚房窗前，兼開到廚房窗大一大，足足5粒鐘都無一隻烏蠅飛入來，
整整一日只有一隻比較勇敢既衝破咗防線~
效果雖非百份百，不過我認為依個丁香檸檬係有效既!
若喺室外進餐、郊外野餐或燒野食，放一個丁香檸檬來驅趕烏蠅效果應該唔錯~
第二個方法更加簡單，而且更加適合室內使用........
掛喺烏蠅必經入口e.g. 窗口，
由於烏蠅係複眼，水袋加上光線產生折射效果，
可以嚇走烏蠅，令烏蠅唔敢飛近，有效達到驅蠅作用~
另外我見有人話喺清水裡面加入撕碎既鍚紙碎片加強光線折射效果;
又或者將清水染成紫色，可以進一步加強驅蠅效果!
過去3日我喺客廳掛咗2袋清水，
結果so far一隻烏蠅都無飛過入來!
依個方法非常有效呢!!
大家不妨試一試依2個方法吖~
我要試下先。飛行昆虫實在什麼討厭，晚間因光線更吸引牠們，不過我唔想用化學劑。
回覆刪除[版主回覆07/17/2013 18:36:25]英國d屋矮係咁架嘞! 至少夏天唔長，最多都只係兩三個月既問題~
[Ka回覆07/17/2013 18:28:33]我地住3樓， 客廳房間打開窗門就係大樹， 所以特別多飛虫， 好困擾。
[版主回覆07/17/2013 18:03:48]我屋企煮親野食就有烏蒼; 插親花就有蜜蜂......間中又有ladybird飛入來，不過除咗烏蠅之外，其他兩樣我都無問題~
[Ka回覆07/17/2013 17:37:37]我家主要都係飛虫，總之討厭指數係100。。。
[版主回覆07/17/2013 00:05:02]我就係唔想用化學野殺蟲水! 我覺得水袋好有效! (不過防蠅之喎，其他昆蟲唔知水袋有無效架~)
我個到就無烏蠅，反而有種長腳飛飛（我唔知佢點稱呼）
回覆刪除[版主回覆07/17/2013 00:03:49]果d係長腳蚊，英文係crane fly~ 英國好多人誤會叫佢做Daddy Long Legs，其實Daddy Long Legs係一種蜘蛛來......
我都要學定 summer 用...
回覆刪除我地summer 都有勁多烏蠅...
仲要好好好大隻..
仲要唔驚人...
有啲仲死到企向人個口...
真係驚講講下嘢比佢入埋口..!!
[版主回覆07/17/2013 17:09:44]依2個方法都幾有效架，希望妳果度都用得著啦!
嚇死呀~未開篇blog睇到個檸檬插住晒D唔知咩~我以為個檸檬生野定D烏蠅黏晒上去~毛骨悚然, 好彩入黎睇清楚又係另一回事!!
回覆刪除[版主回覆07/17/2013 17:08:14]
用天然嘢最好啦 同埋對自己又無害嘛
回覆刪除[版主回覆07/17/2013 17:06:42]係呀~ 我就係唔想用化學野殺蟲水!
呢個環保方法真係幾好喎! 喺戶外BBQ唔駛猛咁趕烏蠅
回覆刪除[版主回覆07/17/2013 17:06:15]依2個方法都唔錯! 自從用咗依2個方法，只用過2次個烏蠅拍!
無冷氣?咁慘?不過香港就係因為人人都開冷氣,先會焗成咁呢..焗到氣都無,又點會有烏蠅啦,不過你啲方法幾特別呢...諗起窗口掛個水袋,好似好攪笑咁
回覆刪除[版主回覆07/17/2013 17:05:21]我又唔覺得喺蘇格蘭無冷氣好慘喎! 依度30幾度既日子唔長，有風扇已經好夠，但一定要開窗~
掛水袋既方法，好多歐洲國家都會用，連餐廳都會用架! 天然環保唔用化學野，幾好吖~
we have bees!
回覆刪除[版主回覆07/17/2013 17:01:41]bees are not pests, no need to keep them away.
多謝你的分享，對我好有用！
回覆刪除[版主回覆07/17/2013 16:58:09]唔洗客氣! 試吓啦，水袋特別有效~
學到野! 我都要啟動驅蠅行動先得@.@!!! 腥橋V!
回覆刪除[版主回覆07/17/2013 18:30:13]歐洲既夏天好快過啫，忍耐啊!
回覆刪除[版主回覆07/19/2013 18:21:52]
Oh it is useful! Thanks a lot.
回覆刪除Peggy
[版主回覆07/19/2013 18:20:17]you're welcome Peggy!
早d 俾我見到你lee 個方法就好la !!! 聽日真係要掛包水出去先得....聽天氣report 話仲有排熱ar!!! lee 個week 熱到我以為自己返左香港
回覆刪除[版主回覆07/19/2013 18:19:59]我用咗依個方法幾日，覺得好有效! 有位住喺比利時既扑友用咗都話有效~
睇黎呢兩個方法都唔錯喎原來丁香十檸檬可以驅烏蠅，真係唔講唔知吖！
回覆刪除咦〜 但係點解唔安裝冷氣既？
[joey回覆07/22/2013 23:53:31]哇〜溫差原來相差咁大架，31度。。第二朝起身已經好似變左冬天咁，咁真係冇咩需要安冷氣喎〜唔怪之得啦
[版主回覆07/22/2013 22:23:27]水袋方法比丁香檸檬更有效~
歐洲既夏天唔長，勁熱既天氣唔算多，而且就算起過30度，果種熱法同香港熱到身水身汗好有分別!
一般多數廿零度，而且日溫夜溫相差好大，好似我依度前日31度，不過尋日朝早起身得14度，所以歐洲好少地方有冷氣，好多店舖餐廳都係無冷氣，民居我更加未見過有冷氣，想安都唔知去邊度安! 就好似香港唔係每家人有暖氣/暖爐一樣~
謝謝分享
回覆刪除[版主回覆07/22/2013 22:17:00]唔洗客氣!
Mrs.T你們家有好多烏蠅嗎?我只有蚊無烏蠅,咬到我死下死下,乜都試過都無用既
回覆刪除[緊張大師-小女人回覆07/25/2013 11:45:27]哦,知道,我想你家咁乾淨那來這東西呢?搞錯了.
[版主回覆07/22/2013 22:17:07]唔係我屋企好多烏蠅，而係歐洲既夏天周圍都好多烏蠅!
多謝你個方法呀, 我要即刻試下先!
回覆刪除[版主回覆07/24/2013 12:10:34]唔洗客氣! 希望妳都會覺得有效啦~
依個方法真係好特別!不過我離遠睇檸檬果張圖我以為係d烏蠅扒哂係d檸檬到..OMG嚇親自己~HAHA
回覆刪除[版主回覆07/24/2013 21:02:42]講方便 + 有效都係水袋勝一籌!
多謝Mrs T. 依個方法真係掂，可以借分享給住村屋的朋友嗎？
回覆刪除[版主回覆07/25/2013 21:36:22]當然可以啦!
可否軀蚊呢?
回覆刪除[版主回覆07/25/2013 21:35:55]我唔知驅唔驅蚊喎，不過妳自己試吓無妨!
我用來驅蠅都係自己試過得先分享出來~
多謝妳提供呢2個方法, D烏蠅真係好討厭. 不過我要找D透明膠袋先.
回覆刪除[版主回覆07/26/2013 20:58:24]Asda有一隻好平既密實三文治袋，我用佢打孖入水扎住~
謝謝你的回覆
回覆刪除[版主回覆07/26/2013 20:56:19]唔洗客氣!
多謝提供。最近我都俾呢家嘢搞到好煩。睇下搵唔搵到丁香先。
回覆刪除[版主回覆07/28/2013 06:43:13]水袋效果明顯過丁香檸檬喎! 水袋應該仲加方便~
請問有否環保滅蚊法呀?
回覆刪除[版主回覆07/28/2013 06:40:37]我唔洗驅蚊，所以無搵過喎.....
如果烏蠅對反射光線敏感，不如試下掛光碟，因為輕d，而且跌落嚟都唔會弄濕地方吖嘛!
回覆刪除[版主回覆07/28/2013 13:43:44]要係水袋當然有原因, 水袋有弧度, 會產生類似魚眼鏡既折射效果, 咁先嚇得走烏蠅~ 再講吊得水袋都會綁實d唔會預佢跌落來吓哇?
明白有關建議未必可行，但都是想你方便d啫!
回覆刪除[版主回覆07/28/2013 16:55:26]多謝你既建議, 水袋已經好方便~
我有好多CD DVD 唔要，如果吊一串CD你認為可行嗎
回覆刪除[版主回覆08/09/2013 22:49:50]我無多餘CD DVD，我吊咗水袋後都搵唔到烏蠅，我自己又唔係烏蠅......所以我唔知吊CD可唔可行
[wingki回覆08/09/2013 22:44:56]我揾唔到烏蠅
[版主回覆08/09/2013 22:14:12]其實你想知可唔可行既話，你可以自己試吓架~
我只試過吊水袋 + 覺得吊水袋方法可行，所以先分享方法出來!