2013年7月16日星期二

夏日環保驅蠅法

今個夏天蘇格蘭天氣勁好~
好到整整一星期日日
30C兼大太陽,
雖然蘇格蘭夏天好可愛,無香港果種潮濕翳焗,
不過因為無冷氣,好多時喺室內齋坐喺度唔郁都會標到一身汗,
所以一定要開窗!

但問題來嘞..........
任你屋企幾乾淨都好,英國夏天只要你開窗,
就一定會有討厭既烏蠅飛入來抖涼!
就算你好刻制咁只打開一條罅仔,
佢地都會搵到位爬入來......尤其廚房更加係重災區!!

不過唔開窗真係無可能!
(冬天唔
開窗都唔得啦! 莫講話30C既夏天......)
唯有唸d方法趕走d烏蠅!!
網上搵到2個方法同大家分享一下..........


檸檬 + 丁香........
將檸檬切半後插滿丁香(cloves),放喺窗前,
大概烏蠅唔鍾意依種味道,所以唔敢飛近~


我放咗2隻喺廚房窗前,兼開到廚房窗大一大,足足5粒鐘都無一隻烏蠅飛入來,
整整一日只有一隻比較勇敢既衝破咗防線~
效果雖非百份百,不過我認為依個丁香檸檬係有效既!

若喺室外進餐、郊外野餐或燒野食,
放一個丁香檸檬來驅趕烏蠅效果應該唔錯~


第二個方法更加簡單,而且
更加適合室內使用........

用透明膠袋入滿一包清水札緊,
掛喺
烏蠅必經入口e.g. 窗口,
由於
烏蠅係複眼,水袋加上光線產生折射效果,
可以嚇走烏蠅,令
烏蠅唔敢飛近,有效達到驅蠅作用~

另外我見有人話喺清水裡面加入撕碎既鍚紙碎片加強
光線折射效果;
又或者將清水染成紫色,可以進一步加強
蠅效果!
過去3日我喺客廳掛咗2袋清水,
結果so far一隻
烏蠅都無飛過入來!
依個方法非常有效呢!!


大家不妨試一試依2個方法吖~








Photobucket

27 則留言:

  1. 我要試下先。飛行昆虫實在什麼討厭,晚間因光線更吸引牠們,不過我唔想用化學劑。
    [版主回覆07/17/2013 18:36:25]英國d屋矮係咁架嘞! 至少夏天唔長,最多都只係兩三個月既問題~
    [Ka回覆07/17/2013 18:28:33]我地住3樓, 客廳房間打開窗門就係大樹, 所以特別多飛虫, 好困擾。
    [版主回覆07/17/2013 18:03:48]我屋企煮親野食就有烏蒼; 插親花就有蜜蜂......間中又有ladybird飛入來,不過除咗烏蠅之外,其他兩樣我都無問題~
    [Ka回覆07/17/2013 17:37:37]我家主要都係飛虫,總之討厭指數係100。。。
    [版主回覆07/17/2013 00:05:02]我就係唔想用化學野殺蟲水! 我覺得水袋好有效! (不過防蠅之喎,其他昆蟲唔知水袋有無效架~)

    回覆刪除
  2. 我個到就無烏蠅,反而有種長腳飛飛(我唔知佢點稱呼)
    [版主回覆07/17/2013 00:03:49]果d係長腳蚊,英文係crane fly~ 英國好多人誤會叫佢做Daddy Long Legs,其實Daddy Long Legs係一種蜘蛛來......

    回覆刪除
  3. 《Ka MaN 日記》2013年7月16日 下午6:18

    我都要學定 summer 用...
    我地summer 都有勁多烏蠅...
    仲要好好好大隻..
    仲要唔驚人...
    有啲仲死到企向人個口...
    真係驚講講下嘢比佢入埋口..!!
    [版主回覆07/17/2013 17:09:44]依2個方法都幾有效架,希望妳果度都用得著啦!

    回覆刪除
  4. 嚇死呀~未開篇blog睇到個檸檬插住晒D唔知咩~我以為個檸檬生野定D烏蠅黏晒上去~毛骨悚然, 好彩入黎睇清楚又係另一回事!!
    [版主回覆07/17/2013 17:08:14]

    回覆刪除
  5. 用天然嘢最好啦 同埋對自己又無害嘛
    [版主回覆07/17/2013 17:06:42]係呀~ 我就係唔想用化學野殺蟲水!

    回覆刪除
  6. 呢個環保方法真係幾好喎! 喺戶外BBQ唔駛猛咁趕烏蠅
    [版主回覆07/17/2013 17:06:15]依2個方法都唔錯! 自從用咗依2個方法,只用過2次個烏蠅拍!

    回覆刪除
  7. 無冷氣?咁慘?不過香港就係因為人人都開冷氣,先會焗成咁呢..焗到氣都無,又點會有烏蠅啦,不過你啲方法幾特別呢...諗起窗口掛個水袋,好似好攪笑咁
    [版主回覆07/17/2013 17:05:21]我又唔覺得喺蘇格蘭無冷氣好慘喎! 依度30幾度既日子唔長,有風扇已經好夠,但一定要開窗~
    掛水袋既方法,好多歐洲國家都會用,連餐廳都會用架! 天然環保唔用化學野,幾好吖~

    回覆刪除
  8. we have bees!
    [版主回覆07/17/2013 17:01:41]bees are not pests, no need to keep them away.

    回覆刪除
  9. 多謝你的分享,對我好有用!
    [版主回覆07/17/2013 16:58:09]唔洗客氣! 試吓啦,水袋特別有效~

    回覆刪除
  10. 學到野! 我都要啟動驅蠅行動先得@.@!!! 腥橋V!
    [版主回覆07/17/2013 18:30:13]歐洲既夏天好快過啫,忍耐啊!

    回覆刪除

  11. [版主回覆07/19/2013 18:21:52]

    回覆刪除
  12. Oh it is useful! Thanks a lot.

    Peggy
    [版主回覆07/19/2013 18:20:17]you're welcome Peggy!

    回覆刪除
  13. 早d 俾我見到你lee 個方法就好la !!! 聽日真係要掛包水出去先得....聽天氣report 話仲有排熱ar!!! lee 個week 熱到我以為自己返左香港
    [版主回覆07/19/2013 18:19:59]我用咗依個方法幾日,覺得好有效! 有位住喺比利時既扑友用咗都話有效~

    回覆刪除
  14. 睇黎呢兩個方法都唔錯喎原來丁香十檸檬可以驅烏蠅,真係唔講唔知吖!
    咦〜 但係點解唔安裝冷氣既?
    [joey回覆07/22/2013 23:53:31]哇〜溫差原來相差咁大架,31度。。第二朝起身已經好似變左冬天咁,咁真係冇咩需要安冷氣喎〜唔怪之得啦
    [版主回覆07/22/2013 22:23:27]水袋方法比丁香檸檬更有效~
    歐洲既夏天唔長,勁熱既天氣唔算多,而且就算起過30度,果種熱法同香港熱到身水身汗好有分別!
    一般多數廿零度,而且日溫夜溫相差好大,好似我依度前日31度,不過尋日朝早起身得14度,所以歐洲好少地方有冷氣,好多店舖餐廳都係無冷氣,民居我更加未見過有冷氣,想安都唔知去邊度安! 就好似香港唔係每家人有暖氣/暖爐一樣~

    回覆刪除
  15. 謝謝分享
    [版主回覆07/22/2013 22:17:00]唔洗客氣!

    回覆刪除
  16. 緊張大師-小女人2013年7月22日 上午12:22

    Mrs.T你們家有好多烏蠅嗎?我只有蚊無烏蠅,咬到我死下死下,乜都試過都無用既
    [緊張大師-小女人回覆07/25/2013 11:45:27]哦,知道,我想你家咁乾淨那來這東西呢?搞錯了.
    [版主回覆07/22/2013 22:17:07]唔係我屋企好多烏蠅,而係歐洲既夏天周圍都好多烏蠅!

    回覆刪除
  17. 多謝你個方法呀, 我要即刻試下先!
    [版主回覆07/24/2013 12:10:34]唔洗客氣! 希望妳都會覺得有效啦~

    回覆刪除
  18. 依個方法真係好特別!不過我離遠睇檸檬果張圖我以為係d烏蠅扒哂係d檸檬到..OMG嚇親自己~HAHA
    [版主回覆07/24/2013 21:02:42]講方便 + 有效都係水袋勝一籌!

    回覆刪除
  19. 多謝Mrs T. 依個方法真係掂,可以借分享給住村屋的朋友嗎?
    [版主回覆07/25/2013 21:36:22]當然可以啦!

    回覆刪除
  20. 可否軀蚊呢?
    [版主回覆07/25/2013 21:35:55]我唔知驅唔驅蚊喎,不過妳自己試吓無妨!
    我用來驅蠅都係自己試過得先分享出來~

    回覆刪除
  21. 多謝妳提供呢2個方法, D烏蠅真係好討厭. 不過我要找D透明膠袋先.
    [版主回覆07/26/2013 20:58:24]Asda有一隻好平既密實三文治袋,我用佢打孖入水扎住~

    回覆刪除
  22. 謝謝你的回覆
    [版主回覆07/26/2013 20:56:19]唔洗客氣!

    回覆刪除
  23. 多謝提供。最近我都俾呢家嘢搞到好煩。睇下搵唔搵到丁香先。
    [版主回覆07/28/2013 06:43:13]水袋效果明顯過丁香檸檬喎! 水袋應該仲加方便~

    回覆刪除
  24. 請問有否環保滅蚊法呀?
    [版主回覆07/28/2013 06:40:37]我唔洗驅蚊,所以無搵過喎.....

    回覆刪除
  25. 如果烏蠅對反射光線敏感,不如試下掛光碟,因為輕d,而且跌落嚟都唔會弄濕地方吖嘛!
    [版主回覆07/28/2013 13:43:44]要係水袋當然有原因, 水袋有弧度, 會產生類似魚眼鏡既折射效果, 咁先嚇得走烏蠅~ 再講吊得水袋都會綁實d唔會預佢跌落來吓哇?

    回覆刪除
  26. 明白有關建議未必可行,但都是想你方便d啫!
    [版主回覆07/28/2013 16:55:26]多謝你既建議, 水袋已經好方便~

    回覆刪除
  27. 我有好多CD DVD 唔要,如果吊一串CD你認為可行嗎
    [版主回覆08/09/2013 22:49:50]我無多餘CD DVD,我吊咗水袋後都搵唔到烏蠅,我自己又唔係烏蠅......所以我唔知吊CD可唔可行
    [wingki回覆08/09/2013 22:44:56]我揾唔到烏蠅
    [版主回覆08/09/2013 22:14:12]其實你想知可唔可行既話,你可以自己試吓架~
    我只試過吊水袋 + 覺得吊水袋方法可行,所以先分享方法出來!

    回覆刪除

Related Posts Plugin for WordPress, Blogger...