1. 羅馬生菜兩棵洗淨瀝乾水份，用手撕成塊。(其他生菜均可!
)P.S. 生菜用手撕比用刀切脆口，減少維生素流失，亦可避免菜既切口容易變黃!
2. 急凍素鮑魚一隻解凍，切薄片備用。
3. 燒熱油鑊爆香薑片，下生菜炒熟，以海鹽或菇粉調味後先上碟。
4. 芡汁: 素蠔油2湯匙、糖1/2茶匙、海鹽和麻油各少許、粟粉2茶匙和適量拌勻。
5. 原鑊再下油燒熱，下素鮑片爆炒一會，再加入芡汁煮滾至稠。
6. 將(5)淋在生菜上即成。
我用依隻台灣入口既即食素鮑魚，
包裝裡面有汁，不過我嫌個汁太甜所以唔要~
解凍後切片，用來沾日本豉油 + wasabi 當刺身咁食都好正架!
呢個正wor,簡單又惹味!等我睇下我呢到有冇呢種即食素鮑魚先
回覆刪除[版主回覆07/24/2013 12:08:19]佐敦果間係咪裕華國貨? 佢地有賣台灣食品, 返香港時喺果度買過
想請問係咪所有菜同豆都最好用手拻呀 ? 唔該 ~
回覆刪除因為我媽咪話用手拻先好 同用刀切係唔同喎 但又講唔出咩唔同 哈 ~
[babymama回覆07/25/2013 09:19:50]阿V 唔該哂妳呀
[版主回覆07/24/2013 12:03:09]一般可以搣到既菜我都會用手搣, 一來方便過用刀切, 二來金屬接觸菜既切口會令維他命C流失, 用手搣可減少流失~
不過唔係所有菜都搣到, 搣唔到既我會用陶瓷刀來切, 可減少氧化變黄
我在香港都訂了"素刺身", 跟我在街外新興齋舖吃的"刺身"一樣, 但價錢卻平一半!! 一包兩條, 自己切薄片又得, 厚片亦得!!
回覆刪除另外齋鮑魚我訂"龍味奇鮑魚", 同灣仔果間"小祗園"齋舖那款齋鮑一樣味道!! 不知你冇否吃過?
[版主回覆07/24/2013 20:56:53]訂一定平過出街食!
我無試過灣仔"小祗園"，我返香港時齋期多數係V媽媽煮，出街食齋多數喺洗衣街既"素食一家"，佢地d野都好好食架! 第一次食素鮑魚刺身都係喺素食一家~