6月下旬二人世界晚餐 (附食譜)

話咁快6月過埋，7月又過咗兩日~
最近天氣太好掛住躝街有點偷懶少咗煮飯，
煮都煮得比較簡單..........

6月18日(一人午餐): 秋葵叉燒炒飯 
好鍾意秋葵滑滑既口感! 尤其鍾意用來炒飯!! yummy~

6月19日三餸一湯: 西洋菜無花果煲瘦肉; 鹹魚蒸肉片; 紅燒舌片; 蒲瓜炒蝦乾
早幾日返99度食飯，
食咗鹹魚蒸肉片但唔多夠喉念念不忘.......我又整!
咁整鹹魚蒸肉片就緊係要煮煲飯架啦，唔爭在煲埋湯~
唔想滾湯想煲湯，但又想簡單........
見超市西洋菜幾靚，就煲西洋菜湯啦!西洋菜無花果煲瘦肉(參考食譜)click here~

鹹魚蒸肉片食譜click here~

Mr.T由好驚變成好鍾意既豬脷，
廿蚊港紙3條炆埋一大碟，又好食又抵食~
紅燒舌片食譜click here~

爭緊碟纖維素........
屋企有條蒲瓜，雖然清炒會好清甜，
不過嫉菜如仇既Mr.T實嫌太寡!
加幾隻鮮味靚蝦乾去炒等佢無得狡辯!!
蒲瓜炒蝦乾(參考食譜)click here~

6月20日: 99請食lunch@Guidis

最近幫99整理緊篤篤撐歌詞曲譜，
是日中午99來電約我食lunch，
近近地去咗屋企附近既Guidis~

海鮮意大利飯，勁足料勁好味!

唔係英式既炸魚塊 + 薯條~ 味道OK但份量太少........

6月24日: 牛扒煎蛋碟頭飯

完全無菜(唔記得買......)非常唔健康但非常快手又好味既一餐!

6月25日: 煎豬扒茄汁意粉

依份原本係豬扒怪Mr.T第二日既packed lunch，
不過Mr.T苦苦哀求我是晚煮比佢食.........

6月28日: 生滾肉丸粥; 銀芽豉油皇炒麵

最近想食粥.........

食粥，一定要"二多" - 多蔥花 + 多胡椒粉;

 
胡椒粉一定要用依隻泰國曼谷源順號!

食粥，一定要配個炒麵，否則我去多兩次洗手間又會肚餓返!!

炒麵，一定要用"二豬/珠" - 豬油 + 珠油;


我至愛依隻西班牙黑毛豬油，炒起麵上來香噴噴~



滴珠油/珠油令炒麵香甜 + 上色!
無色既炒麵，唔應該叫做豉油皇!! (我認為.........)

講究少少既食材.......變身成完美既組合! 美味既一餐~

生滾肉丸粥食譜click here~

銀芽豉油皇炒麵食譜click here~

6月29日: 雞肉大蝦沙律

是日同Mr.T睇完James Franco新戲"This is the End"，
唸唔到食乜，見時間尚早........於是決定買料返屋企整沙律!
雞肉大蝦沙律食譜click here~


6月30日..........
6月最後一日，晨早屹起身同Mr.T出去搵吓邊處有car boot sale!
最近大掃除執咗好多野出來，
打算搵日租個位玩吓car boot sale賣走唔要既野~

搵咗兩處都無料到.........有d肚餓，
去麥麥食個大早餐再去搵過!

終於搵到兩個大型少少........可惜去到已經開始收檔無得逛!
打道回府之際，99來電問我地喺邊..........

原來99燉咗燕窩比我 + Mr.T，唸住攞過去比我地，
問我地幾點返到屋企........
不過其實當時我地都唔知自己喺邊!
最後我地過去99屋企食，好味~~~~