4人巴迫橋@Rowardennan Loch Lomond (2013年7月21日)

最近天氣實在太好，一定要好好盡情享受一下，
剛過去既星期日，我 + Mr.T同埋2位朋友又去咗巴迫橋!
今次地點都係上次既Rowardennan Loch Lomond，
皆因果度風景實在太太太靚 + 依2位朋友無去過~
今次由我負責醃食物........

雞翼25隻;

牛扒8塊;

豬扒8塊 (原本想買梅頭肉，不過可能一早比其他人買哂去BBQ!)

今次3種肉用咗3個唔同方法去醃:
薑蔥蒜蓉豬扒; 黑椒牛扒 + 香茅魚露雞翼~

我 + Mr.T瞓過龍大遲到! 比原定時間遲咗足足1粒鐘.......
好彩到咗Rowardennan時霸得返上次同一個樹蔭位!


好肚餓.......霸到位後即時起爐開工燒野食!

好開心朋友大讚我醃既雞翼豬扒牛扒全部都好好味!

除咗燒雞翼豬扒牛扒魚蛋之外，
仲有煨茄子、翠玉瓜 + 蕃薯........

今次來個新嘗試 - 原條正宗燒魚!

整條trout(鱒魚)要用2枝叉先叉得起........

熟後灑少少檸檬汁 + 美極醬油.......yummy~~~~


燒咗一輪係時候活動一下.........

朋友帶咗吹波波........

我 + Mr.T就緊係放紙鳶啦!

不過是日風向不定兼時有風時無風.........飛唔起!!

渣住來影張相算嘞...........


早一日星期六氣溫31C，完全唔郁額角都不停冒汗，
執定泳衣去浸湖水;
殊不知星期日一早起身.......竟然得返14C!
心想咁涼無得浸水咯......不過燒野食會舒服d，
但既然執咗泳衣，即管帶埋去啦，反正都係放喺車~

結果晏晝都係熱到要換泳衣落水!


又玩足一日，帶住成身泥沙臭汗.......8.30pm先返到屋企~

雖然坐喺樹蔭，而且是日太陽無上次咁猛.......

不過我對腳都曬成咁既樣!

沖完涼拿拿淋敷返個淨白媽屎.........

敷完mask後又有少少肚餓.........宵夜時間! 嘻嘻~~~~