立雜敗

正當我大掃除暫時已執咗2箱野出來準備car boot sale時，
我發現我左手一邊執舊野出來賣，
但右手同時會靜雞雞買返d新野返來..........

上次返香港見到依種財源滾滾流水台已經好想買!
不過香港果d太大隻又太重，最後都係放棄無買到......

依個細細隻的的式式好可愛!

好似咁樣擺靚d~
聽住微微流水聲，感覺好舒服好relaxed!

靚靚新相機袋!


之前喺香港買咗依個仿皮相機袋，雖然好好用又襟"掟"，
不過佢實在太太太重!!!

兩個袋款式大細其實都差唔多(幾乎一樣!)，
不過點點袋放咗部大機 + 一枝長鏡後，
重量先相等於空既仿皮袋! 點點袋真係輕巧好多呢~

最鍾意係佢有條拉鍊!

佢雖非名牌 - 唔係CK啊!
(Well~ 你可以話佢抄款，但佢唔係冒牌貨! )
但佢外表靚靚，手工質地又好好，價錢只係CK 1/3，
真正係平靚正，why not?

唧咀...其實我已經有好多; 不過依set 好鬼平，所以.........

調色盆 - 特別買來準備試整糖花上色用!

無厘頭純粹貪得意既"黑板油漆"~
用佢來髹任何野，乾咗後都可以當黑板咁用!

黑白大碗2隻
心血來潮今晚整拉麵食~
用豬骨煲6粒鐘熬成大骨湯底; 材料準備就緒.........
我先記起 - 我其實無湯麵碗!
好彩比我喺超市搵到依款碗，大小 + 顏色都適合~
最正仲要平到無朋友!! 嘻嘻~~~~


明明買埋大咋玩具排哂隊都未攞出來玩，
偏偏仲要咁心野.........

尋日晏晝上網買咗42呎腸衣用來玩自家製香腸~
尋日晏晝order，今日中午已經送到來，依d咪叫做效率囉!