2014年4月15日星期二

Sumo Noodle Cafe@Falkirk (2014年4月12日)


剛過去星期六Mr.T 休息,
我地去咗Falkirk 搵一間而家買少見少既dollhouse miniature shop~
本身買完野就唸住走去第二度食野,
因為印象中Falkirk 好少餐廳選擇,無乜野好食,
不過其中一件我要既貨,miniature shop 無現貨,
店主好好人話可以即時幫我造,但要等一粒鐘!

反正要等一粒鐘,我又真係好肚餓,索性食住lunch 打發時間,
大街都係麥、酒吧之類既店,
醒目Mr.T 轉向一條唔多起眼既橫街.......


發現一間日式小店,雖然一睇門面格局就知道係中國人開.....
不過是日強勁大風兜頭吹,令我好想食一碗熱辣辣湯麵,
Sumo 既出現如同救星!


一打開餐牌,價錢好平,食物有日式又有中式,
不出我所料 - 係中國人開既店~
但依種平價小店正宗與否對我來講無乜所謂,只要食物好味就得嘞!
我 + Mr.T 都係點2 course set lunch.......

我既頭盆Chicken Yakitori~
兩條無切開既雞胸肉,感覺係炸出來而唔係燒出來,
不過唔會乾爭爭味道唔錯!


Mr.T 既頭盆...唔知咩Garlic Chicken Wings
依個好明顯唔係日式,根本就係中式外賣店食到既椒鹽雞翼!
不過整得好好食! 炸皮好脆,雞翼junicy~~


又一次眼大過肚...除頭盆 + 主菜外,我另點咗個加州手卷做side order~


有史以來食過最多料既手卷! 每咬一啖都會跌料...好messy~
咁足料應該好好食先係,不過.......
佢地用果隻蟹柳太cheap 唔好食;
料雖足但欠缺咗加州卷既靈魂 - 蛋黃醬!


Mr.T 就點咗叉燒春卷.......(滴汗......)
我只食咗半條,因為我覺得唔好食! 淡茂茂完全無味道,
更莫講叉燒味,唯一可取只係得個脆字~


我既主菜 -牛肉辣湯拉麵~ 依個...真係好食到不得了!
湯底濃且辣味剛剛好; 拉麵煮得剛剛好唔會太淋; 牛扒雖薄但唔會乾硬,
好大碗又勁足料,牛扒 + 拉麵食極都有! 
係我出街食過最足料抵食既拉麵~


Mr.T 繼續中式! 依個完全係中式蘑菇雞配炒飯......
不過依個無論雞 + 炒飯都好好味!


值得一提 - 佢地用既綠茶葉好好飲!
而且茶葉份量好慷慨,我唔需要點雙份茶葉比double 價錢 (抽水哇哈哈!)

依餐絕對係一餐唔正宗呃洋人既"日本野"! 雖然食物有好味亦有唔好味,
但喺無乜啱我口味餐廳既Falkirk,橫街小店價錢又咁平,
淨係食果2個頭盆 + 2個主菜都抵返!
下次再去Falkirk,一樣會去幫襯~

Facebook: https://www.facebook.com/pages/Sumo-Noodle-Cafe/125977800786344





4 則留言:

  1. 咁遠都咁 UPDATE 香港既事, 你係得既 HEE HEE

    回覆刪除
    回覆
    1. 乜野香港既事?
      我兩年無返過香港,依間餐廳係我剛剛星期六去既

      刪除
  2. 呢間野不如改名做"蘭州拉麵",哈哈
    澳洲都有好多,唔好再扮日本嘢啦

    回覆刪除
    回覆
    1. 中國人開既日式餐廳歐洲好多地方都大把啦! (Mr.T 阿叔喺Glasgow 都開咗間,有2間分店)
      扮唔扮日本野我又覺得無所謂喎~ 對我來講最緊要好食就得嘞! 咁事實上佢亦有壽司日式咖喱之類既食物,只係我地無點~ 咁既價錢真正日本餐廳做唔到啦!

      刪除

Related Posts Plugin for WordPress, Blogger...