涼瓜炆排骨

1. 排骨洗淨抹乾，用胡椒粉、生抽、糖、紹酒、雞粉少許和粟粉醃好備用。

2. 油鑊爆香剁碎的蒜頭豆豉適量，再放入排骨兜勻炒香。

3. 加水或上湯蓋至剛蓋著排骨，上鑊蓋炆約10分鐘至排骨腍。

4. 加入涼瓜片兜勻，再炆煮5至8分鐘，勾粟粉芡兜勻上碟即成。

P.S. 如果想減少涼瓜既苦味，可以先將涼瓜片放入滾水內略略灼一會~~~~ (不過我鍾意食苦既!  )