早幾日有網友話我個V女廚房blog 好"多元化"! 我估其實佢既意思應該係立立雜雜~ 乜鬼都有d......(咁係咪即係不倫不類??!?!?) 事實上，我亦發覺自己好鬼心野 or 八，乜鬼都想試吓~~~~ 學V媽媽話齋(話我~) - 正一係周身刀...但冇把利!!!
我都覺得自己好似太多嗜好~ 但又好似唔係好夠時間喎!! 我已經好鬼耐冇掂過個鋼琴......老公送咗部衣車比我，但我一次都未用過......屋企有成箱書仲未睇 (咁仲買??? 仲去圖書館??????).......買咗成2年既模型屋仔未砌 (好鬼多盒~).......買咗既新Wii game 又未玩過 (而家應該變咗舊game!).........開咗少少頭好鬼耐想整既公仔屋餅店..............
除此之外，我仲好鬼鍾意影相! 包括我自己影人 / 物 / 景 + 比人影~~~ 影人呢，就大部份都係柴娃娃果隻，毫無技巧可言! (其實我影乜都係冇技巧......!) 但係我好鍾意影風景~ 尤其晨曦 + 黃昏時既天空! 大自然既風景變化好大，同一個天空日日都唔一樣~ 好想留住咁靚既風景，所以我去邊度都會袋定相機! (不過大部份"作品"都唔係好見得人...)
我唸緊好唔好將我依個攝影興趣認真地發展落去 - 唸緊買唔買個SLR 相機! 我買咗幾本有關風景攝影既書，等我睇完先再作決定啦~~~
老板娘-----你好!!!!!!
回覆刪除[版主回覆05/02/2008 17:02:00]據我所知 - Mr T 係賣印度咖喱既! 咁妳估吓Mr T 真人係乜野人來.......
嘩~~ 你老公幾時開左間食店比你做老闆娘呀!! ^^ oh~ 我好鐘意第一張日落既相, 好有feel, 尤其是個尖塔~~
回覆刪除[版主回覆05/02/2008 17:05:00]我都好鍾意果張呀! 我早幾日影架咋~ 喺我屋企客廳望出去......幾靚呀!!! (真實仲靚!!!)
唔記得左, 我係黎留底腳毛既~~ ^+++++^
回覆刪除[版主回覆05/02/2008 17:06:00]我尋日去妳度了咗隻龜!
恭喜大展鴻圖. I like this one
回覆刪除[版主回覆05/02/2008 17:07:00]係我老公開就好嘞!!! 依度d人咁鬼鍾意食咖喱，我地一定好發..........
你都影得好靚喎, 用SLR肯定仲靚啲, 我老公都好鐘意影相架, 得閒既話你上去佢個相簿度睇下呀
回覆刪除http://www.fotop.net/brianlam
[版主回覆05/03/2008 05:07:00]哇!!!! 唔該哂呀~~~~~ 等我學吓野先! 搞到我心大心細真係想要個SLR.......
岩岩睇完 d 結婚相, 超靚奧!!!!!!! 哩個 blog 應該叫做-----靚女料理, 正到飛起, 餐餐幾味, 飽到放屁!!!!!!!
回覆刪除[版主回覆05/03/2008 22:34:00]超汗顏!
影得好靚呀 !
回覆刪除[版主回覆05/03/2008 22:37:00]thank you~ thank you~
D花好靚, 係咩花呀...
回覆刪除我都好中意風景相...特別係夕陽時分,令人陶醉...但卻份外傷感...
[版主回覆05/03/2008 22:43:00]係白色既櫻花來架! 同日本果d一樣會好似落雪咁落落來架~ 所以唔洗去日本我地都有櫻花睇!!
可能依度比較少高樓大廈遮住，所以黃昏時既天空特別靚! 不過一定要果日日頭係天氣好先得!! 連我冇乜攝影技巧 + 用傻瓜相機都可以影到咁靚~ 咁妳唸吓實景會幾靚?
影得好靚喎...我都想學影相架..但我知道影相要花好多錢錢架...所以我都係得恨字咋...
回覆刪除[版主回覆05/04/2008 02:21:00]我冇學過影相~ 只係用傻瓜機影低我覺得靚既風景! 亦冇打算要比錢去學......一來冇咁既時間，二來學攝影係無底深潭! 所以只唸住當係興趣 + 考慮吓買部靚少少既相機~~~
傻瓜機你都影得咁靚...咁你真係有D天份咁喎
回覆刪除[版主回覆05/04/2008 22:07:00]咁係我部傻瓜機靚啫! 話時話我部係Panasonic TZ3~ 我覺得傻瓜機來講真係幾正! 佢地既防震做得超好!!!! 我不停大力搖住個相機來"禁"制，影出來都係超清!!! 勁~~~~
結果你諗唔諗住買SLR呀? 最近我老公都買多一部呀, 佢話新依部影得會再靚啲喎, 同埋舊嗰部short short地, 買野始終都要有藉口既, 不論男或女都係
回覆刪除[版主回覆05/20/2008 18:30:00]我係唸住買個SLR 架! 不過等我今年遲d返香港時先買~ 香港買平好多架!!!! 我舊年喺英國買個Panasonic 普通數碼相機要5000HKD，香港都係賣3000咋!!! 香港買仲送好多野~ 英國乜鬼都冇送! 不過我唔唸住買好pro 囉~ 只求好少少...因為我都唔會正式去學影相~唸住玩吓呃吓人咁! 比個靚野我盞嘥!
一部機差咁遠, 梗係返黎先買啦
回覆刪除[版主回覆05/20/2008 19:21:00]係呀~ 抽稅重麻!
don't worry i still can see all of your PRETTY photos and interesting posts wor..Which browser are you using now? I'm using firefox..Sometimes it's the browser's problem. Cos there'll be some pages that i can't load, but when i switch to interenet explorer, i can load them. Maybe you can try that? Btw, welcome to fb!! my email: kanyu_fishie@yahoo.co.uk
回覆刪除[版主回覆05/04/2009 09:18:00]ah~~~~~~ my computer's hard drive is broken! ive lost all the pics ive taken this year!!!!!!
im using IE8 at the moment~ however i dont think it's the browser's problem! cos lots of my blogmates have the same problems as well! must be YBlog!!!!!
will add you on my FB tomorrow~ cos im going to bed la!