要過一段時間，等身體稍為康復，到時再慢慢補都未遲~
手術後至今已經個幾月，上星期五傷口又終於開始甩線，
應該係時候可以補返吓嘞......星期五晚(3月11日)99打電話過來，佢煲咗燕窩煲老雞，叫老公過去攞返屋企比我食!
仲有剩一碗我就唸住同外賣佬Mr.T一齊分甘同味啦......
點知有人好串咁話: 我都唔鍾意燕窩!
咁留返第二朝早我做早餐囉!
之前比護士抽咗咁鬼多血......
今次係我第二次整當歸紅棗燉牛腱......
我終於整到100%V媽媽整既味道嘞!
不過今次大意唔記得將牛腱先汆水
，所以今次燉出來湯好濁唔夠清啊......
反正老公唔食依個，一盅for 我自己一個人啱啱好!
依個燉盅好洗好用，20蚊真係抵到爛!!
當歸紅棗燉牛腱食譜click here~
女人唔補好易老架...雖然我都唔食燕窩...但紅棗燉牛腱唔錯哦...
回覆刪除[版主回覆03/14/2011 22:33:00]個燉牛腱有當歸架! 如果就咁用紅棗燉我唸可能無咩味.....
好浪漫咁想到MR T個句: 我都唔鍾意燕窩! 係想留番俾你..哈哈哈哈
回覆刪除[版主回覆03/16/2011 01:21:00]哈哈~~~ 佢都會留比我而唔食既，不過佢真係唔鍾意燕窩......
試下鮮奶煲雞吖,都好夠味架!仲好補tim 呀!
回覆刪除[版主回覆03/16/2011 01:20:00]好呀~ 搵次試吓煲依個先!
傷口開始脫線太好了
回覆刪除真的要好好補一下
那燉盅真的蠻不錯
除了便宜以外比傳統那些漂亮多了
gd taste
[版主回覆03/16/2011 01:19:00]尋晚沖涼連最後條線都甩埋咯! 手術後我足足輕咗10磅，而家慢慢補返吓養返好身子~
燉牛腱 真係好多年都冇食過 因為冇亞媽煲 自己又唔識
回覆刪除[版主回覆03/16/2011 01:13:00]燉野仲易過煲喎! 塞哂d野入去隔水燉之嘛~
人家唔鍾意燕窩! 係想你食多 D 咋! 仲話人家串! 都唔明人家心意!
回覆刪除[版主回覆03/16/2011 01:12:00]哈哈~~~ 第二樣我唔敢講，不過Mr.T 真係唔鍾意燕窩呢!
剛剛才發現了mr. t的blog呀
回覆刪除他畫的圖畫都很有風格很漂亮耶
support
[版主回覆03/16/2011 01:11:00]哈哈~~~~ 我幫佢賣咗廣告好2、3個星期架嘞，妳而家先發現到?
代Mr.T 多謝妳! 佢幫好多佢既網友畫FB大頭相架~
原來有多一碗燕窩剩呀?早知果朝早話食一碗啦
回覆刪除睇黎個燉盅會出現一段時間,20蚊真係值回票價啦
[版主回覆03/16/2011 01:10:00]係呀~ 老公攞咗一大兜返來嘛!
真係好鬼鍾意依個燉盅! 又平又好用，顏色花紋又OK~
燕窩燉老雞我都鍾意食喎，我又燉下先
回覆刪除[版主回覆03/16/2011 01:08:00]個燕窩老雞我99好似係煲唔係燉架......
I like both .
回覆刪除[版主回覆03/16/2011 01:07:00]me too~ gimme5!
妳好呀! 看妳Blog已一段日子了 , 但因我對開Blog寫Blog都好陌生 , 所以一直都未能留意給妳呢! 希望我可以好好學習, 快些可以跟妳分享生活的點滴!也很喜歡妳的Blog.
回覆刪除[版主回覆03/16/2011 01:04:00]妳好呀SzeWan~ 歡迎妳啊!
其實Yahoo Blog 唔難用，只要妳試咗第一步，keep 住寫，好快就會上手架嘞~ 雖然我寫blog 唔係好叻，不過已經寫咗3年，好多function 都略知一二，如果妳問題隨時都可以留言，睇吓我幫唔幫到妳~
哈哈...咁啱我都有呢套燉盅呀! 我用佢來燉燕窩, 真係幾好用 !
回覆刪除[版主回覆03/16/2011 01:00:00]係? 一模一樣架? 我喺深水涉貨尾舖仔買架咋~ 我貪佢矮身 + 個花清清地，仲有就係好鬼平!
D人話進補係早餐時段好D WOR, 會吸收得好D架!
回覆刪除祝你傷口快快復完 !
[版主回覆03/16/2011 00:39:00]係呀~ V媽媽都係咁講! 所以佢成日半夜先燉燕窩for 第二朝食~ 不過我習慣唔食早餐架!
thanks Au C9~ 表面傷口已經好返哂! 不過仲要等多2個月裡面傷口先完全好返!
當歸紅棗燉牛腱睇個名都知好補血
回覆刪除[版主回覆03/16/2011 00:37:00]除咗補血之外，仲好香好好味架!
其實,MR.T特登唔食，留返俾你食咋？！
回覆刪除[版主回覆03/16/2011 00:35:00]雖然平時我鍾意食既野，佢會特登唔食留返比我食......不過我知道佢真係唔鍾意食燕窩! 因為我叫佢考一啖佢都唔肯!!
真係要好好補番啦 唔係 MR T 同 V媽 V爸(仲有你d Fans) 都唔放過你架 ..
回覆刪除[版主回覆03/16/2011 00:28:00]係呀~ 而家逐步慢慢補返吓!
哈哈~~~ 我依度無fans 架，blog 友就有好多~
大家減少去日本的網頁, 因海底電纜斷了, 日本部分網絡變得很慢 請把頻寬留給日本市民使用! 他們需要收到自己國家的最新資訊!! 拜託各位傳下去, 多一秒的時間, 可以救出一更多生命 !
回覆刪除[版主回覆03/16/2011 00:26:00]支持! (最衰依度唔係FB，如果唔係比個"讚好"妳呢~)
2煲都係補野喎~~正呀 最衰自己d 感冒唔清, 我見你個當歸燉牛腱都好想飲呀
回覆刪除[版主回覆03/16/2011 22:24:00]當歸燉牛腱真係好正! 不過我都只係間唔中先食吓，一年2、3次左右啦~
係? 一模一樣架?
回覆刪除係呀一模一樣架 !
不過我係幾年前買落架, 果時好似賣十零蚊咋
[版主回覆03/16/2011 22:22:00]幾年間只漲價咗幾蚊雞，仍然抵到爛啊!
阿 V , 真係要補好身體先靚女架 !
回覆刪除[版主回覆03/16/2011 22:21:00]唔係只為咗靚既! 身體唔好都唔慌靚得去邊啦~ 身體緊要過靚樣!!
提子乾唔知點解咁重酒味，濃郁到不得了，甚至有點蓋過了蘋果的味道。 麥穀好有咬口，加上鬆餅的麥味，鬆軟，有甜甜酸酸果味。
回覆刪除[版主回覆03/16/2011 22:19:00]請問妳係咪搞錯咗回應錯咗blog 友?
咦？你呢個燉盅，我都有個一模一樣喎！我仲係一大一細添！
回覆刪除大嘅就燉兩三個人嘅湯，細嘅就燉一人湯，好似你呢款湯，老公唔啱飲，咁我就用個細嘅燉俾自己飲囉！
好使好用，我記得買時都係好平，不過太耐喇，已經唔記得幾錢了！
[版主回覆03/16/2011 23:07:00]咦....原來咁多人有依個燉盅架! 我個係今次返香港時喺深水埗既意外收穫來: http://hk.myblog.yahoo.com/veronicams_tsim/article?mid=61184
20蚊真係好抵! 我個應該係細size，因為啱啱好夠我一個人飲! 我只見到依個size，無見到有大d啊~