2011年3月21日: 白酒鮮蜆大蝦意粉
自覺手術康復後都幾勤力煮飯~
不過唸唸吓 - 今年好似無乜煮過西式野喎!早前同99佢地去街食飯(網誌)，食咗一餐好把鬼既意大利野，心有不甘!!
既然出街食得唔過癮，咁就等我自己黎啦......
星期二晚有少少偷懶，唔想叫外賣但又唸唔到想食乜......
最後又去咗打邊爐!
搞到我又心思思想試吓整饅頭嘞~~~~~
發現原來昆仲軒打邊爐有兩種牛肉，當然2隻都要試吓啦!
一種係普通打邊爐既肥牛;
早排返香港同blog 友去打邊爐，Fian 介紹我食牛爽一食鍾情!
估唔到返到來Glasgow 都可以食到香港既好味道啊!! 呵呵~~~~
其實我每次同Mr.T 去食任食打邊爐都好頂佢唔順!因為食親打邊爐佢都會食到嗌"好飽"......
食完佢又一定會話: It wasn't really good!
之但係下一次再去既時候，佢依然會一路嗌飽一路食依咋七彩甜品!!
其實而家Glasgow 既中國超市一定買得到青蘿蔔......
依舊Swede 除咗比中國青蘿蔔平之外，味道同青蘿蔔完全無分別，而且煲出來既青紅蘿蔔湯更甜更好飲!!
食物櫃既汁醬調味料爆哂大棚! 要努力清吓貨嘞~
Tesco d茄子好平~ 單買1隻要8XP; 不過一包3隻脹卜卜好靚只賣鎊幾銀，於是買咗一包;
硬櫃有半pack 之前滾湯用剩既免治豬肉......
自從我唔再用現成魚香茄子醬，改用V媽媽方法去煮魚香茄子後，老公每次都話仲好食過出街叫既!!
其實......我自己都覺得好好好好食啊! 哈哈~~~~~~
>>>>>>>>>>>>>>>>>>>>>>>>>>>>>>>>>>>>>>>>>>
唔知由幾時開始，每次食完飯我都一定會問Mr.T......
我: Honhon~ 依餐比幾多分呀?
老公: 10 million out of 10! 
)
我: 你餐餐都係咁答! 咁鬼行貨......
老公: 咁餐餐都係咁正嘛! 妳唔覺得我餐餐都食得好開心咩??其實......
就係因為老公餐餐都食得好開心，
that's why I love to cook! 白酒鮮蜆大蝦意粉食譜click here~ 青紅蘿蔔煲鱆魚食譜click here~ 簡易泰式香茅醬豬扒食譜click here~ 魚香茄子(V媽媽做法酒樓味道版)click here~
SWEET 到爆 ，仲爆過你個醬料櫃 不過，都係因為另一半食得開心又滿足，至有推動力鞭策我去煮餸呢
回覆刪除[版主回覆03/24/2011 21:12:00]雖然話另一半唔食自己都要食......不過一路食飯一路有人讚自己來"送飯"，餐飯都特別好味架!
You and your honey are sweet couple.
回覆刪除[版主回覆03/24/2011 21:08:00]Thanks Dai Fa Tung! (but Mr.T is sweeter than me~ )
絕對認同, 食嗰個食得開心, 煮嗰個就最滿意!
回覆刪除我成日都想煮魚香茄子, 但怕油膩無煮過...要跟V媽學下嘢先得...
[版主回覆03/24/2011 21:08:00]間中我無乜胃口，煮完唔想食，但見老公食得津津有味，一路食一路讚，我都覺得煮完一大輪好值架!
V媽媽依個方法煮魚香茄子完全係出街食既味道! 不過因為茄子係油炸，所以煮出來係油膩果喎! (如果用水煮茄子，效果出來會好水架!!)
妳煲湯個煲影到蓋喎,勁
回覆刪除其實我喺食邊超市有見到好似swede咁架,不過我又唔肯定係咪同一樣野黎既,問d人完全雞同鴨講,佢地話好補 搞到我都唔敢買,買咗唔一樣又唔知點煮咪屎....
妳老公比好高分妳呀,對佢黎講係好make sense架...好過我問我老公啦,佢次次都唔會比滿分我架,最高得9分,果一份永遠係"有進步空間"
[版主回覆03/24/2011 20:53:00]妖~ 人地個煲蓋咁啱放喺隔離嘛!
妳果邊係咪無中國青蘿蔔賣架? 如果無的話，有依舊swede 就煲到青紅蘿蔔湯架嘞! 唔知中文叫做乜，不過google 話叫瑞典蕪菁喎~ 好補? 我又唔覺喎，飲完湯都無流鼻血! 當歸夠補啦，台灣人咪成日食!
哈哈~~~~ 妳老公口不對心! 佢可能怕妳囂呀!!
我好鍾意食魚香茄子, 我一定會試v媽媽教o既煮法整先得!!
回覆刪除[版主回覆03/24/2011 20:45:00]V媽媽依個煮法真係好正! 完全係出街食飯咁既味道!! 用魚香茄子醬煮出來完全係兩回事~
你煮的 香茅醬豬扒好像好“正”，是不是辣的呀！！
回覆刪除每餐吃完，我都会问我老 公“我这餐煮的什么是最好吃的？？”哈哈．．．．．ｍｍｍｍ我们都需要些奖励。
[版主回覆03/24/2011 20:43:00]個香茅豬扒醬唔辣架! 好香香茅味~ 不過英國無依隻醬賣，係一位香港blog 友寄比我既!
哈哈~~~~ 我問親Mr.T 邊味餸最好食，佢只會答我味味都咁好食! 其實唔問佢，我都見到佢食得津津有味，不過承機想佢開口讚我啫!
自己整 好過出去食好多啦 起碼都會岩自己口味呢 你個意粉睇相我都流晒口水啦 你餐餐都咁用心去煮 你老公緊係比滿分啦
回覆刪除[版主回覆03/24/2011 20:39:00]之前果間把鬼意大利野，唔關啱唔啱自己口味事，因為果間野根本就唔好食!
你 o個 邊有"任食 打邊爐"? 真係正呀! 我呢度乜都冇! 最近都要 30 分鐘車程呀! (來回就要個幾鐘!!)
回覆刪除[版主回覆03/24/2011 20:36:00]係呀~ 依邊任食打邊爐有咗好耐啦! 以我所知最少有3間，不過泗和行昆仲軒我地去得最多~
哈哈，我也剛剛食完饅頭，又炸又唔炸!
回覆刪除[版主回覆03/24/2011 22:50:00]我地唔係特登去食饅頭，只係依間任食打邊爐每枱都會送一籠饅頭啫~
可以煮野俾自己心愛既人食,而佢又食得開心係一件幸福既事
回覆刪除[版主回覆03/24/2011 22:49:00]其實只要煮出來有人欣賞 - 心愛既人又好，屋企人又好、朋友都好，我都會好開心架!
Hello Mrs. T, I quite often read your blog, and the foods that you cook are really nice. I would like to ask where can you get Swede from? is it from normal supermarket? P.S.: I'm studying in Nottingham now. Thanks! Queenie
回覆刪除[版主回覆03/25/2011 19:47:00]Hello Queenie welcome to my blog~
yes you can get swede from almost all supermarkets e.g. Asda, Tesco, Waitrose etc. they're a lot cheaper than chinese green turnips~
白酒鮮蜆大蝦意粉好味吖．．． 個樣仲靚過好多出去食嗰．．．
回覆刪除等我都試下煮先．．．不過可能會係無蜆．．．因為呢排都無咩大鮮蜆賣．．！！
我向 ｍｅｌｂ 都係見過幾次有中國青蘿蔔賣．．．不過就又貴又唔靚（好幼＋好唔新鮮）．．我係之前睇過你 ｐｏｓｔ 話 ｓｗｅｄｅ 係似地中國青蘿蔔．．我就買黎煲湯．．．試過之後真係好香同好甜架 ｄ 湯．．． 而家朋友仔成日都話要飲呢個湯．．！！
你見 Ｍｒ Ｔ 食得開心．．你煮得辛苦都會覺得開心同值得．．．同個心都會好甜啦．．．！！
[版主回覆03/25/2011 19:43:00]Thanks Ka Man! 蜆其實唔需要好大隻，普通炒蜆咁既size 就足架嘞~
我來咗蘇格蘭咁耐一直都有青蘿蔔賣(成日都有!)，不過有時都好唔新鮮! 而家轉用swede 來煲湯仲好，又平又新鮮又好味!
哈哈~~~ 其實我太鍾意煮野食，完全唔覺得辛苦!
出面 d 意大利野得個名 , 又點及得上阿 V 既手勢呢 ?
回覆刪除[版主回覆03/25/2011 19:33:00]哈哈~~~ Eddy 兄你又知?
唔係出面所有既意大利野都唔得既，係依間Paperino's 唔得啫!
V女多羨慕妳有個欣賞妳廚藝的老公呢! 我都會像妳一樣問身邊人這餐飯好食嗎? 但每次都只會聽到淡淡言的一句 "幾啦" ! 有時都會有挫敗感呢 ! 每餐飯我真的用心去煮嘛 ! 可是......!
回覆刪除[版主回覆03/25/2011 19:30:00]唔好有挫敗感， 每個人性格唔同嘛! 好多男人都係口硬心軟既 - 喺佢地口中"幾啦"，其實佢地可能已經覺得好好食，只係性格唔同唔鍾意讚人!
哈....好彩我今晚食飽晒先黎探你
回覆刪除[版主回覆03/26/2011 20:49:00]哈哈~~~ 咁睇完有無飽到想嘔既感覺呀?
跟你個食譜煮下意粉先
回覆刪除[版主回覆03/28/2011 01:05:00]依個煮法又快手又好食! 快d試吓啦~