V媽媽靚正餸系列 - 蜜糖豆唐芹炒雞柳

其實V媽媽果個係荷蘭豆......

1. 雞胸肉洗淨抹乾切片，用胡椒粉、糖、生抽、鮮露、麻油，少許雞粉和粟粉醃好。

2. 蜜糖豆/荷蘭豆洗淨瀝乾備用。(蜜糖豆需摘去頭尾和撕去粗筋!)

3. 唐芹(中國芹菜)摘去葉洗淨瀝乾，切成段備用。

4. 燒熱油鑊下雞柳炒至八成熟灒酒，盛起備用。

5. 再燒熱油鑊爆香蒜蓉，下蜜糖豆/荷蘭豆和唐芹炒2至3分鐘。

6. 雞柳回鑊兜勻炒至熟透，下少許蠔油調味兜勻即成。