話哂今次返香港返得耐嘛，仲有好多餐香港美食未記低呀......
不過今篇唔講玩唔講食，而講吓喺香港有咩收穫!
衫褲鞋襪果d就唔講嘞，因為逐件攞來影相都幾係野......
講吓香港之行後，我個廚房多咗d乜野啦!
As usual - 行李超重! 雖然Mr.T 先返英國時幫我帶走咗好多野，不過就係因為我恃住佢幫我帶咗好多野返英國......所以之後我又大買特買!
Emirates 每人可以有30kg~ 結果老公37kg; 我自己35kg! (無罰錢啊~
)
回正題 - 廚房收穫!唔洗錢既收穫......
是咁的......我一直好想買一套類似咁既英式茶杯組~ 不過我唔係真係用來飲茶，只係想用來影相!
話明係英式，依度當然有得賣，不過一直揀唔啱我鍾意既花紋......
我記得之前返香港喺Sogo 見過好多好靚，2百零3百蚊一套既英式茶杯組，所以今次返香港前同老公提過返到香港搵日去Sogo 睇睇~
返到香港當晚我地返V家見V爸爸V媽媽，傾傾吓計V媽媽突然攞咗2套咁既茶杯出來問我要唔要......
老公一睇都即時"咦......"咗一聲!
我 (問V媽媽): 妳點知我想要一套依d杯架? 
V媽媽: 我唔知架! 我喺街邊檔見到幾靚覺得妳會鍾意咋，如果妳唔要我就送比人架嘞! 哈哈~~~~ 真係知女莫若母呀!
我根本從來都無同V媽媽提過我想要一套英式茶杯組~
雖然依套只係幾十蚊既街邊檔貨仔，但個花真係好靚我好鍾意!!
99知我鍾意整野食，佢行街時見到依個量羹覺得好得意，買咗送比我!
上海街戰利品.....
間中會整蛋糕比99或朋友，但英國好難搵到依種靚靚蛋糕盒! 今次一口氣買咗10個盒 + 10個蛋糕托，有排用!
大魚 + 細魚模因為太大，要剪走d角位先放得到入鑊蒸!
想買依套野好耐架嘞，英國既唧花咀套組下下要幾十鎊一套架!
啱啱去到上海街睇頭頭果幾間店已經見到依套野(一模一樣!)，但價錢全部要過百，當時老公催我快d買 - 佢費事我後悔遲吓要行返轉頭......
不過我最後証明咗 - 買廚具依家野始終都係女人叻!
因為行到尾尾幾間，比我搵到一間依套野只賣$95~ 成交!!
哇哈哈~~~~~~
Jusco 10蚊店戰利品......
一得閒我就走去行Jusco 10蚊店!
因為其實依個pan 都幾無聊!
我好鍾意
仔型既廚具架! 每次見到都一定唔會放過~
除咗廚房用品之外......
)
)
今次喺香港唔敢再狂買化妝護膚品，因為上次返香港買咗太多，有好多仲未開呢......
其實我本身都有一塊，不過果塊好鬼大......
咁點解今次買咗2塊細呢? 因為我第一次去心急買咗塊細綠色，後來再去時先見到塊粉紅色，我貪靚買埋佢~
想試吓玩日式插花好耐嘞!
不過英國買唔到劍山，上網買又好貴~深水埗意外收穫......
陪老公去深水埗黃金商場，經過一間裝修簡陋既廚具貨尾夜冷店......
想買一個燉盅好耐架嘞!
不過中式超市既燉盅一律係白色配死人藍花紋
，而且盅身太高 + 價錢又貴......
食得落肚既收穫......
基本上英國無低筋麵粉賣，所以之前返香港會買日清薄力粉帶返來~
今次試吓依隻台灣低粉，價錢比日清平一半啊!
除咗有2罐鮑魚之外，仲有......
Auntie 曬既菜乾，係我食過最好食最香既菜乾呢!
自家製真係零舍唔同!
另外仲有喺香港時blog 友們送我大咋正野美食 (網誌)，我個廚房幸福到爆哂棚啊~~~~
請問妳去邊間jusco 10 店呀, 我都想買古古力筆。thx
回覆刪除[版主回覆03/04/2011 02:21:00]旺角創興廣場分店~
依間係我去得最多既Jusco 10蚊店!
大有收獲喎! 有 D 我都 o岩我喎! Jusco 10 我有去 o架! 等我返到 HK 都去上海街行 o下先!
回覆刪除[版主回覆03/04/2011 02:20:00]我次次返完香港都係咁架! 所以每次都會過磅.......
上海街真係好多正廚具店架! 妳下次返去一定要去行吓!
waakkaaa...陣容鼎盛呀!
回覆刪除[版主回覆03/04/2011 02:18:00]所以我 + 老公都超哂磅囉!
唧花咀唧花咀我也有一套，我的是28个，9.90镑在T K Maxx 买的。
回覆刪除海味可以入境吗？？伦敦机场会不会比较严？？
你这个trip 真的是“大” 收穫。
[版主回覆03/04/2011 02:10:00]TK Maxx 係好多正野! 衰就衰在唔係妳想要既野佢就一定有......
無人叫妳大搖大擺手提帶海味入境架嘛! 我係入喼寄倉既，如果妳唔敢試一係就打箱郵寄~
我次次返親香港都係咁架! 所以每次都會過磅....
回覆刪除我見到有盒乳化劑wor~我成日都想做實驗比較下落唔落乳化劑有無分別.....但一盒好似有排用，所以我每次見到都想買無買。試過好用的話，麻煩界紹下
[版主回覆03/04/2011 01:54:00]依隻係膏狀既乳化劑，我未用過，因為依度無得賣~
不過我之前用過另一隻英國買得到既粉狀乳化劑來整紙包蛋糕，質感真係好似街買紙包蛋糕! 後來介紹咗比另一位英國網友，佢都話好用! 兩隻都係乳化劑，我唸都係大同小異既啫~
嘩．．．大掃貨！好似掃o左成間shop返屋企咁～ 不過jusco 10蚊店真係好好行！好多平又令o野買！
回覆刪除[版主回覆03/04/2011 01:51:00]嘻嘻~~~~ 我次次返完香港都係咁架，仲未計我喺香港買既衫褲鞋襪、書呀...同埋其他立雜玩具喎!! 有咩辦法唔過磅......
我超鍾意Jusco 10蚊店! 千色10蚊店都唔錯~ 如果依度都有間就好咯~~~~~
Wow, you bought and brought a lot of useful things. Also, a lot of excellent gifts .
回覆刪除[版主回覆03/04/2011 03:17:00]haahaa~~~~ that's why my luggage was over weight!
回覆刪除我第1次見咋, 真係幾好用咁喎 , 搵日我去睇下先得呀 .
[版主回覆03/04/2011 06:17:00]依個蓋有幾個款 + 顏色架!
回覆刪除今期中獎啦 按
[版主回覆03/04/2011 23:08:00]多謝蟻兄贈字啊! 好鬼鍾意呢~
哇...好多正野呀
回覆刪除果個蔥絲器我都有隻,而家蒸親魚用伴碟既蔥都係用佢
我本來都想寄兩包低粉過妳架,但都估到妳返香港會買,所以得妳用完先再寄
[版主回覆03/04/2011 23:07:00]個蔥絲器好唔好用呀? 我個仲未開光! 我都買咗個比V媽媽~
係喎~ 妳好似係用依隻低粉果喎!
收鑊好豐富呀
回覆刪除[版主回覆03/04/2011 23:05:00]哈哈~~~ 一年一次嘛!
我都有買果隻綠茶粉，同埋 台灣啲牌子的中筋，高筋粉，我唔係用佢地去學你的 v 女 pizza ，真係好好味！
回覆刪除[版主回覆03/04/2011 23:05:00]係呀? 依隻綠茶粉正唔正架? 我仲未開呀~ 不過我覺得依罐野好貴啊......
原來依隻台灣麵粉仲有中筋 + 高筋架? 我無留意只買咗低筋，因為中筋 + 高筋英國都好易買得到~
我記得妳整個pizza! 其實pizza 只要學識整個底就一定會整得好味架嘞~
我係百佳見到有很多外國返來的貸品,不過價錢就很貴,又要運費.相信英國的生活指數比香港高很多,是嗎?
回覆刪除我偶爾在一些家品店都看到一些用品很美,不過家中有太多雜物,要待油油後才買
[版主回覆03/04/2011 23:00:00]英國物價喺歐洲來講係數一數二貴架! 而且間間超市或店賣既野都差唔多，唔似香港咁多選擇，所以我返親去港都會買到行李超哂磅.....
我都成日係10蚊店掃貨架，不過我真係從未見過粉紅色墊枱墊呀，你係邊間10蚊店買架???thanks~~~
回覆刪除[版主回覆03/04/2011 22:59:00]粉紅色枱墊? 無枱墊喎......
個支馬油手霜，我覺得幾好用！
回覆刪除[版主回覆03/04/2011 22:55:00]其實馬油手霜我都用過架! 不過之前Jusco 10蚊店賣另一隻白色tube 既馬油手霜，即係依枝:
我都覺得幾好用啊~ 所以今次見到橙色依枝又買來試吓!
大收獲呀 !!!!!!!!!!!!!! 女人始終最愛shopping +買到平靚正既野
回覆刪除[版主回覆03/04/2011 22:52:00]我最鍾意平靚正既筍野! 所以我咁鬼鍾意去10蚊店~
好利害...大堆頭既禮物, 証明大家都好錫你...你要煮多D好送呀...
回覆刪除[版主回覆03/04/2011 22:51:00]唔係全部禮物來架! 有好多係我自己買架~
當然大家真係好鍚我啦!
我有排失控地係咁買杯,碟同碗...個櫃一下就俾我塞到爆左...而家因為無位擺...已經要control自己啦...哈哈哈~
回覆刪除個日我見到個Le Creuset煲on sale...超想買...不過最後都control到~即刻覺得自己好有自制能力!不過見到D首飾on sale就即刻買左~因為我個jewelry box仲未滿
[版主回覆03/04/2011 22:50:00]我唸我都要開始訓練自我控制能力!
手袋、鞋、化妝護膚品我已經開始控制得到; 但衫、廚具、書...暫時仍未戒到!
唸唸吓我好似未試過自己買首飾比自己~ 我d首飾全部係V媽媽 + Mr.T 送既，我個已經滿滿地，有d已經入咗保險箱咯~
我想講Mr.T畫d公仔真係好鬼正, 係喎,你剪咗頭髮駛唔駛叫佢改改你個blog 張動畫相呀! 衫褲鞋襪戰利品其實都好想睇, 不過要你太麻煩當然唔好啦, 我知仲有大把機會嘅!
回覆刪除[版主回覆03/04/2011 22:41:00]唔洗改啦! 果個煎魚公仔係我開blog 時Mr.T 特別為我而畫架嘛，我最鍾意依個公仔~ 而且我將來都會留返長頭髮既!
衫褲鞋襪我唔影嘞! 洗既洗咗，摺既摺好......而且我唔係大家想像中咁得閒!
收獲好豐富喎...........見倒好開心
回覆刪除[版主回覆03/04/2011 22:37:00]我每次返香港收穫都好豐富架!
所以每一次行李都超重.....
我好羨慕你的乾貨呀~
回覆刪除[版主回覆03/04/2011 22:36:00]寄乾貨去德國得唔得既呢??
我都好鍾意行＄10店， 朱古力筆好用不過要浸暖佢。
回覆刪除[版主回覆03/04/2011 22:30:00]我超鍾意Jusco 10蚊店! 如果我依度都有一間就好嘞~
係呀~ d朱古力筆係硬架嘛，唔浸軟佢根本唧唔到!
妳媽咪買o個tea set好掂呀又平, 佢咁好眼光既!
回覆刪除[版主回覆03/04/2011 22:29:00]套杯真係又靚又抵! 後來我都見到賣杯既街邊檔，有幾個款唔同花，不過V媽媽揀依套最靚~ 而且杯身好薄好輕，攞上手同Sogo 賣既骨瓷貴野無乜分別，呃到吓人架!!
個花花型淋花膠蓋真係好得意呀!! 同埋套唧嘴真係好抵呀~~ 仲有套茶杯真係好得! 睇唔出係幾十蚊貨仔呀!!
回覆刪除[版主回覆03/04/2011 21:07:00]個淋花膠蓋花灑果邊其實幾廢! 得個樣得意架咋，不過管果邊幾好用~ 用水樽無一般淋花花灑咁大隻!
套唧咀真係好正呀! 好開心買到咁平~
套杯真係又靚又抵! 後來我都見到賣杯既街邊檔，有幾款唔同花，不過V媽媽揀依套最靚~ 而且杯身好薄好輕，攞上手同Sogo 貴野無乜分別架!
蛋pan我都係睇左好多次,拎左起手好多次但最後都無買到! 次次返香港都諗好耐買唔買好 珮夫人
回覆刪除[版主回覆03/04/2011 22:26:00]哈哈~~~~ 係啦~ 其實唔洗依個蛋pan 都整到玉子既!
搵日我都要去$10店買個煲墊+豬仔木煲墊
回覆刪除[版主回覆03/04/2011 22:25:00]果塊豬仔木墊我買時本來有好多塊架，後來我想再買多幾塊，再去已經一塊都無嘞...... 希望妳會搵到啦!
其實英國有低筋麵粉賣架， 不過要去Japanese Centre. 佢有日清薄力粉賣， 但係就要去LONDON 同埋貴少少。你可以上佢個網買， 佢有DELIVERY。
回覆刪除[版主回覆03/04/2011 22:24:00]我知倫敦Japan Centre 有得賣，(Japan Centre~ not Japanese Centre!) 我話英國無低筋麵粉賣，係指一般超市無得賣~
嘩!收獲好豐富呀!
回覆刪除[版主回覆03/05/2011 00:07:00]係呀~ 所以我同老公行李都超哂磅!
嘩～ 真係大豐收喎 我都係每次返去都超重！ 有次本來得30KG， 但係我個LUGGAGE 43KG 佢都照比我過呀 但其實我個時都唔覺得自己買左咁多野架！其實我次次都係超起碼5KG！ 上年12月個次搭FINNAIR， 個地勤同我講由於HK機場既安全理由， 每個LUGGAGE 唔可以超過35KG～ 係都要我執番D野出黎呀！ 我依家先知原來我被呃啦！
回覆刪除[版主回覆03/05/2011 02:54:00]依咋只係我廚房野既收穫，另外我仲有大咋書、衫褲鞋襪 + 其他玩具呢...... 點會唔超吖?
比人呃? 比邊個呃呀?
被CHECK IN 個個STAFF 呃我每件LUGGAGE 唔可以重過35KG（基於安全理由喎） 而呃我拎番D野出黎～ （不過我點都唔ARM， 因為我得30KG但帶37KG 野） 我講件好瘀既野比您知吖～ 我上次番HK竟然係HK機場蕩失路！ 因為佢D指示牌太唔清楚（同埋我白痴！）， 指示牌係叫我行左去拎LUGGAGE， 但係我見所有人都行右， 因為跟人群心態我咪跟住行右。。行到一半時， 我見到個指示牌話右邊係轉機！ 跟住我就好迷茫唔知點算好就問D地勤。。。原來係行左或者右都OK， 不過行右（路牌係講轉機）係快D。。。我真係勁爆lol~
回覆刪除[版主回覆03/05/2011 03:27:00]點解妳覺得佢呃妳呀? 我仍然唔係好明......
唔好意思呀～ 我諗我講野講得實在好唔清楚。。。 因為MR T 可以帶37KG 野 再加上係個次之前都帶過43KG野，咁如果真係基於HK機場安全理由的話， 應該係個個人都唔可以架！ 所以我咪係到諗上次個FINNAIR STAFF係咪睇人而定！我被呃左無得帶埋個D野黎UK～
回覆刪除[版主回覆03/05/2011 20:23:00]哦~ 佢地唔係呃妳! 每間航空公司規矩未必一樣嘛，而且佢地比唔比妳超重係好睇check in 果個人架!
好似我咁多年來返親英國每次都係超重，大部份check in 哥哥都會放我一馬，不過都試過幾次比人罰錢 - 但check in 果個全部都係女人!
間間airline 都係睇check in 時妳好唔好彩! 如果下次check in 果個人一磅都唔比妳超，妳唔好同人拗添呀!
"割膠墊板"，我地通常買呢啲墊板放係office用黎墊枱
回覆刪除[版主回覆03/05/2011 20:15:00]哦~ 果塊! 我喺旺角創興廣場分店買架!
依間分店我去咗好多次，但我只見過粉紅色一次，綠色就大把，另外好似仲有一隻粉藍色架~
如果唔係你介紹啲用具,有啲我都唔知點用 : P
回覆刪除原來有咁多得意既用具.等我得閒都去行下十蚊店先^^
[版主回覆03/05/2011 20:08:00]10蚊店真係好好行! 每次去都好有尋寶感覺~
嘩，真係好多野ＢＯＲ～咁味會超重囉？！
回覆刪除高跟鞋羹～幾得意ＷＯＯ！買左咁多野，要等閒整下啦ＷＯＯ～
係味＄１０個？？?
[版主回覆03/05/2011 20:07:00]依度只係廚房既收穫來咋! 我另外仲有好多書、衫褲鞋襪 + 其他立雜玩具......我 + 老公都超哂重!
其實我每次返完香港行李都係超重，有時好彩check in 哥哥好人就放我一馬; 不過check in 係女人我就無咁好彩嘞，所以都比人罰過幾次錢~
高跟鞋量閉羹我都係第一次見咋! 我都唔知99喺邊度買~
係呀~ 心型碗喺Jusco 10蚊店買，10蚊個咋!
您知嘛, 睇完您BLOG, 我都走去買左包乾螺頭返來呀
回覆刪除[版主回覆03/05/2011 20:01:00]乾螺頭煲湯好鮮甜架!
煲完飲湯時沾豉油來食仲好好味呢~
但十元店有很多東西eg食物是$12，都不是十元的。有時感覺不太抵!
回覆刪除[版主回覆03/05/2011 21:29:00]係呀~ 十蚊店所有食物都係賣$12架! 而且 其實有部份非食物其他貨品都唔係$10架~
不過我唔會覺得唔抵~ 好似朱古力筆咁，我見有d烘焙店賣$10一枝，不過質素無10蚊店果d咁好，我寧願買$12一枝!
隻綠茶粉幾香而且你有機，我會用嚟整紅豆緣茶蛋卷，而台灣果隻麵粉有中，高筋，我已MARK低係個SHOPPING LIST，等你下次返香港時送俾你作見面禮。
回覆刪除[版主回覆03/06/2011 00:47:00]係呀~ 等我搵日沖來飲吓先! (我好鍾意飲用綠茶粉沖既綠茶架! 即係好似元氣食壽司咁飲法~ )
先多謝choi yee~ 不過其實係因為英國無低筋麵粉賣，我先會返香港買低筋麵粉帶過來架咋! (英國人整蛋糕用自發粉!) 不過中筋 + 高筋麵粉英國周圍都買得到，而且好多質素都好好!
係呢?我想請教您?您煲乾螺頭係咪唔駛出水(老闆娘咁教)?
回覆刪除[版主回覆03/07/2011 17:56:00]我好似焗花膠筒咁焗水 - 即煲滾水後熄火，放乾螺頭入去，然後蓋蓋焗過夜~ (唔洗加薑蔥!)
不過我之前有另一隻螺頭就咁用熱水浸2、3粒鐘就煲得，不過果隻螺頭無咁好食! 我唔知妳係邊種螺，所以妳最好跟老闆娘教妳方法~
Where is the 街邊檔 your mom bought the 英式茶杯組? I want to buy one set too!
回覆刪除好佩服你地，你地2個人點帶晒返英國？請問++埋埋幾重？
回覆刪除[版主回覆04/02/2011 22:22:00]我地今次搭Emirates，每人有30kg~ 我老公先返英國，佢個喼37kg; 我個35kg，2個都過到骨無罰錢! (其實上面第一段都講咗!)