2011年3月7日星期一

新移民 VS 6千蚊

星空奇遇鐵達尼 (2011年3月3日)




麥Sir 講得實在太好嘞!

其實唔好話係香港啦,就算好似我咁喺香港來咗英國攞咗居留權, 

但我無申請full British passport - 即好似香港身份証未有3粒星咁既情況! 

我咪一樣唔可以claim 依度既benefits......

>>>>>>>>>>>>>>>>>>>>>>>>>>>>>>>>>>>>>>>>>

"派罐頭! 想食死我地咩? 幾多防腐劑呀!!"

派,妳可以唔去攞既啫......_1282.gif image by veronica_tsim


有免費罐頭派比妳都話防腐劑食死妳!
_1284.gif image by veronica_tsim
 我早幾日真金白銀買咗罐"天津冬菜",今日打開罐冬菜裡面竟然有大大條陰毛! _1651.gif image by veronica_tsim

嚇到我揼到揼唔切,想食都無得食呀......

我唔歧視大陸人,我知道有好多大陸新移民去到香港真係好努力,

會靠自己雙手唔肯搵綜援!

不過好似以上2位女士咁既唸法,係咪即係尋日啱啱先批咗落香港既新移民都應該人人派$6000呢!!?!

既然覺得去到香港咁辛苦,又對香港政府諸多不滿,點解又唔返返上去呢?

何必呢.........




42 則留言:

  1. 絕對同意! 真係好唔明,換着大陸派錢,住係大陸的香港人會點? 住公屋已經係福利...係英國如果唔係公民,連公屋都冇。 對住班刁民,跟本唔明白是非,講多都徙氣。
    haha加料冬菜都俾你中,你有運行!
    [版主回覆03/09/2011 01:17:00]咪係~ 麥Sir 都有話大陸好多福利香港人都無份啦,咁又點計?
     
    唔敢話佢地無讀過書,不過佢地唸法真係好野蠻,好似全香港欠咗佢地咁.......
     
    樽冬菜係新架! 好彩尋日我嫌個陶罐污糟又阻訂,所以倒出來換另一個樽,先發現到條毛,如果唔係食到一半先知就慘嘞.......
     
     

    回覆刪除
  2. 絕對萬分同意呀
    仲話我地歧視, 我擺明就係 
    淨係識落嚟香港攞著數, 稅又無交, 唔做野, 生成班小朋友攞綜緩
    嗰d幫佢地班議員就仲衰, 食塞米, 根本就拖累香港經濟,民生 ......
    (阿V,唔好意思, 我一講起D新移民就好嬲) 
    [版主回覆03/09/2011 01:14:00]咁又唔好一竹蒿打沉一船人! 新移民當中真係有d靠自己雙手唔肯攞綜援架~
     
    我只係覺得 - 係佢地自己申請要落香港,落到來就怪香港政府唔公平,好似全香港欠咗佢地,咁點解唔選擇返返上大陸?
     
     

    回覆刪除
  3. 鐵達尼 個DJ真係好心機同這位太太分析, 唉!她怎會明這個道理, 公平, 這兩個字很深奧, 我完全贊成妳講: 既然覺得去到香港咁辛苦,又對香港政府諸多不滿,點解又唔返返上去呢?
    [版主回覆03/09/2011 01:09:00]雖然麥Sir 好有耐性同果位太太分析,不過我唸太太應該唔會明白.......
     
    事實的確係當初係佢地自己既選擇要申請落去香港,點解落到香港反而怪責香港政府香港人? 好似全香港欠咗佢地咁......
     
     

    回覆刪除
  4. Gaileは林家歐巴桑2011年3月7日 下午4:33

    冇錢派比佢地又話歧視,食飽冇野做靠攞綜援就係理所當然~
     
    佢地未落香港之前食既野都唔方好得去邊啦,香港派罐頭有防腐劑,佢又係咪歧視我地d罐頭呢?
     
    我初黎台灣未有居留咪一樣,睇個醫生都貴過人,又冇保障,唔通咁樣我就發爛咋咩...
     
     
    [版主回覆03/09/2011 01:06:00]真係難怪香港人咁激憤架!
     
    果日睇另一個YouTube 有個新移民家庭落到香港住公屋,唔做野 / 搵唔到野做攞綜援,嫌間公屋細又嫌遠又嫌無配套,話自己無得選擇下迫住要住! 哇~ 真係睇到我噴火!!
     
    最不知廉恥係個男人話搵唔到野做,之前搭車出過市區見工見唔成,所以而家日日去釣魚打發時間! 幾有閒情逸緻呀.......
     
     

    回覆刪除
  5. very interesting!!! 我淨係諗...佢地既中國籍、夠有香港永久性居民冇既benifits啦!! 又唔見我地上到去遊行示威?? i mean...just suck it up!! 食得咸魚抵得渴、當年佢地決定落黎香港時就要預左可能發生既情況 出左事就黎呻唔公平、 咁對我地呢d土生土長、真係對社會有貢獻既人又公平咩 真搞笑~ 我明白佢地真係好辛苦、但學麥sir個句~問題係~要點做先公平呢~ 人人又唔同既觀點、根本就係impossible to please everyone 所以...唉~ 而且最簡單個句牙~ 預算案都未通過就個個喊住要錢錢錢、 因住到頭來一場歡喜一場空就真!!!
    [版主回覆03/09/2011 01:00:00]其實佢地就算無6000蚊,但佢地一落到香港已經享有好多香港既福利啦! 佢地住既公屋點來架?
     
    我唔明佢地生活有幾辛苦~ 只係唔明點解佢地覺得辛苦又唔返返上去大陸,反而喺度怨喺度怪香港政府,好似全香港人欠咗佢地咁款啫?
     
     

    回覆刪除
  6. 我同你一樣吾係岐視...但我係討厭佢哋....澳門都比佢哋搞到都吾知似乜...個個星期就有一班人遊行...要"家團"...(意思係一家人團聚)....係要同啲超齡子女團聚...因為以前既政策...未夠十八歲可以申請落黎澳門同家人團聚..但超過十八歲果d就無批....佢哋現在就日日係到嘈....要團聚...
     
    其實澳門返大陸好方便...點解佢哋吾可以係大陸團聚....而要係澳門才可以團聚....根本就係找籍口.....
    [版主回覆03/09/2011 00:53:00]係囉~ 要團咪返去大陸團囉! 佢地自己本身都係大陸過去澳門 / 香港架啦......當初係佢地自己要申請落去既,就算講得衰d都係佢地自己拆散自己頭家啦!
     
    好似香港班新移民成日話落到香港好辛苦,咁返上大陸咪無咁辛苦囉! 但佢地又唔返喎,反而日日喺度怨香港政府,好似香港人欠咗佢地咁......自招!
     
     

    回覆刪除
  7. 我同你都係PERMANENT STAY,英國既VAT 20﹪,1個月有1個WEEK 人工係俾TAX NI。我地都係咪要俾!英國有BENEFIT, 我地都係無份!
    [版主回覆03/09/2011 00:40:00]喺每個國家每個唔同身份既人享有既福利都唔同,根本無一例外!
     
    如果好似上面果兩位新移民女士既唸法,咁唔需要分開唔同身份啦! 唔敢話佢地未讀過書,不過佢地既唸法真係好野蠻......
     
     

    回覆刪除
  8. 絕對同意你所講,啲兩位女士真係不知足,一味嫌三嫌四,換轉佢地係大陸,一定唔敢出聲。
    先幾代由大陸移居到香港的新移民,日子比起依家仲辛苦,佢地又唔係咬實牙根去捱,根本無咁多時間去示威抗議,人一定要靠自己,成日都諗住一定會有政府幫咩!
    聽完你講'加料冬菜"後,相信我之後唔敢食啦!
     
    [版主回覆03/09/2011 00:37:00]上面收音機果位女士可能因為自己差少少就夠資格,人地有佢無難免會有酸溜溜感覺,雖然佢睇法都係唔啱,但我有少少體諒佢既心情~
     
    不過下面大大聲話派罐頭食死佢果位大姑就厚顏無恥嘞! 好似全香港人欠咗佢成家咁款! 怕罐頭食死佢,咪爭氣比心機唔好攞綜援,唔好靠香港政府囉!
     
    尋日我心血來潮嫌個冬菜陶罐又污糟又"阻訂",罐冬菜係新仲未開,所以唸住放落第二個樽度keep,點知倒到一半就見到條毛,嚇到我彈起揼都揼唔切!
     
     

    回覆刪除
  9. 陰毛? OMG ! I remember I had Chinese take away in UK long time ago, half way eating I also found 陰毛 .........I threw up right away.......very bad experience......
    [版主回覆03/09/2011 00:30:00]yes there was a pubic hair in the chinese pickle, it was disgusting. luckily it was new, i just opened the can and havent had any yet.
     
     

    回覆刪除
  10. 絕對同意! 我地呢d做到隻狗咁既先得6000蚊.佢地落到黎就申手問政府攞$$..佢地一家人分分鐘拎既綜緩...分分鐘仲多過我地既人工...
    成日係到講到自己有幾慘...慘既咪返返大陸囉...
    都唔明佢地點解係到要黎hk..黎到hk 就係咁話自己有幾慘....
    [版主回覆03/09/2011 00:26:00]就算當佢地靠自己雙手無攞綜援,佢地住緊既公屋,咪又係香港人既錢來! 基本上佢地一落到香港已經享有咗好多香港人多年來努力既成果,佢地有無感恩過? 分配到公屋又嫌細又嫌遠,又話自己無得選擇又盛......
     
    公屋無得自己選擇啫,但佢地可以選擇唔去香港 / 選擇返返上去大陸架嘛! 申請去香港係佢地; 落到香港生活唔如意就賴香港人,咩道理??
     
     

    回覆刪除
  11. 我想問當這兩位女士講呢啲說話嘅時候,有冇諗吓自己國家仍有好多人捱餓,真係身士在福中不知福!
    [版主回覆03/09/2011 00:21:00]收音機果位女士,我覺得佢可能因為爭幾個月先夠7年,見人地有得派但佢無,難免會有酸溜溜既感覺~
     
    不過新聞大大聲話罐頭食死佢果位女士就厚顏無恥嘞! 好似全香港欠咗佢咁款.......
     
     

    回覆刪除
  12. D新移民點解唔返上去? 因為佢地就係為左張身份證 所以就懶死係香港 有左張身份證佢地去外國就易好多 來香港都係一個踏腳石 其實有錢有文化個D都唔會來香港... 一係留係大6享福, 一係就走左去外國 珮夫人
    [版主回覆03/09/2011 00:18:00]講真~ 香港有幾多個攞咗身份証又搞得掂遲吓仲去埋外國既新移民吖? 好似妳話齋 - 有錢有文化果d又唔會去香港啦.....
     
    根本一開始佢地對香港太多幻想,想像得太完美,唸住落到來靠老公又好,靠香港政府又好就可以印印腳唔洗做 - 依類人先會事後諸多不滿!
     
    無論大陸、香港或外國,世界任何一個地方都唔係絕對既樂土,係咪樂土係睇自己既心態~
     
     

    回覆刪除
  13. 其實無論點派錢,都總有人會覺得唔公平架啦...
     
     
     
    [版主回覆03/09/2011 17:50:00]當然啦~ 納多稅既又係派6000; 納得少既都係派6000; 部份甚至完全無納過既都派6000 - 咁樣當然係唔公平! 不過依個係只要身份証有3粒星都有既權利!
     
     
     

    回覆刪除
  14. 一句話: "人心不足!" 明知每一個地方都有佢 o地 o既規舉! 依人家 o既例去做好啦! 如果唔係就唔好申請去人 o地度居留啦! 每個地方都有窮人o架啦! 唔通政府每日就要派米咩! 派 o左米, 又想派肉, 派 o左肉, 又想要$$ 冇止景咁有需索!! 唉!!!!!!! 讚同 麥Sir 講法!! P.S. 講真要我專登搭飛機返香港去取 $6,000.00, 我就唔會囉! 因機票$$都唔夠!! (並唔係大囗氣!!)
    [版主回覆03/09/2011 00:10:00]咪係~ 尋日我睇下面果段新聞見到果位女士咁講,我真係打咗個凸! 好似全香港爭佢錢咁款......
     
    罐頭唔洗錢買架? 唔洗錢派罐頭比妳仲講d咁厚顏無恥說話,洗唔洗派鮑參翅肚佢先滿意?
     
     

    回覆刪除
  15. 真係唔係岐視佢地! 當然有見過好努打工, 慳住過活既新移民! 但絕對唔係佢地! 既然有永久同非永久之分! 那當然福利都有分別啦! 佢地既發言令到好多土生土長既香港人都好憤怒! 唔係話分化! 係佢地做既野實在得唔到人既認同! 講真,好多機構都提議拎6000出黎再先行分配過,幫助一些可能係財政上得唔到幫助既人(包括新移民) ! 聽到咁, 真係變左唔想捐出去! 寧願捐去第三世界國家!
    [版主回覆03/08/2011 23:22:00]既然有永久同非永久之分,當然福利都有分別! <//// 100%同意~ 如果唔係要張分幾星既身份証來做乜??
     
     
     

    回覆刪除
  16. 有冇錢派都有人不滿, 今次派$6000 , 如果嚟緊經濟好, 冇咩問題, 如果又因一D事 ( 金融風暴, 疫症爆發, 世界性經濟衰退) , 政府沒收入沒盈餘 ,  最後最慘的只會是班納稅人囉....
    有部份的新移民真係好努力工作, 但亦有很多真係怨天怨人, 怨香港政府忽略佢地, 埋怨在香港攞唔到咩著數,  今時今日有罐頭派比你食, 都已經好到不得了啦, 選擇香港人結婚, 來香港/國內生小朋友, 再要來香港生活, 是她們自己選擇 , 不是比人迫的.
    [版主回覆03/08/2011 23:12:00]咪係囉~ 係佢地自己揀要落來既,既然覺得辛苦唔公平咪返歸囉! 唔明點解係都要賴死唔走,又怨香港政府又怨香港人,仲慘過香港人欠咗佢地咁款!
     
     

    回覆刪除
  17. 政府點樣做都一定有人開心有人唔開心 講真新移民點講都係未係香港住夠7年如果gum 樣都俾既話真係對係香港住夠7年個d內地移民唔公平lor....  加上好多新移民都係個d 之前係香港生bb 然後話要來take care 個細路然後唔走我個人就覺得政府已經俾在好多野幫佢地la 仲洗唔洗要埋個6千蚊先所以我好認同你講ga 係香港如果gum 辛苦仲咩唔返大陸
    [版主回覆03/08/2011 23:09:00]打上電台果個女人真係好搞笑~ 佢2個仔無份唔公平?
     
    喺香港出世但未夠18歲既都無份分啦! 好似佢咁講人人都應該分d既話,咁身份証要來做乜? 分幾粒星做乜呀??
     

    回覆刪除
  18. 我公司好多人已經講定點洗果$6000~~
    [版主回覆03/08/2011 23:13:00]仲未有耐派啫~
     
     

    回覆刪除
  19. 係啦,有得食都好過無得食啦,班友真係人心不足,佢地在香港又有公屋又有綜媛.又有一大班為佢地呈命既人.我地班原居既香港中產公民,又點呀.所有嘢都要靠自己.我深信有好多60後的人,細時家中環境差的大有人在.到今時今日我們所有的都是靠自己努力.邊有好似佢地咁好像香港欠咗佢地咁.好像我自己細時一家八口住百多呎的公屋.呀媽星期一做到星期日,我和我的兄姐小時候全由祖母照顧,我們在家真的有取一些外發工回家做.最多都只是申請車船優惠,我地未去過補習,還會幫人補習搵零用錢.大哥讀大學時都有申請loan,但係畢業用了兩年還返比政府.我地重未話過政府唔好.玩樂全是不用錢,上山跑步又得,由自住嗰座公屋由一樓到十三樓玩兵捉賊又得,不知幾開心. 罐頭都唔知幾久先有得食.總之真係一講起嗰啲唔工作,一味攞jetso,重話政府對佢地唔好啲新移民就真好好鬼嬲.重要有班職工民呀,李卓人呀,黃?民呀,長毛呢班人係到攪攪陣,真係好鬼討厭.
    [版主回覆03/09/2011 00:05:00]咪係囉~ 公屋綜援依d係點來架? 咪又係香港人d錢!
     
    永遠只會要求更多,但從不感恩而得到 + 擁有既野,只會怨天尤人,咁佢地喺香港又點會生活得開心呢?
     
     

    回覆刪除
  20. 比條片係睇下 真係佢老母都唔知係乜野人黎
    http://www.youtube.com/watch?v=uRynEW0rnh0
    [版主回覆03/09/2011 02:54:00]今朝我已經睇咗依條高太既新聞訪問,我第一個反應就係小到佢飛起!
     
    8歲對自己點解要去遊行究竟知道幾多呀? 和平示威? 公民教育?? 係公民教育就唔會拉埋個仔齊齊犯法坐馬路阻住哂交通啦! 折咩返同朋友講拜拜吖~ 多餘! 人多既地方尤其有名比妳叫做示威,係人都知隨時有機會演變衝突事件啦,根本就唔應該帶小朋友去!
     
    仲好意思上哂電視話差佬噴胡椒噴霧前唔比warning! 喺英國 遊行示威搞事,兜頭就一棍吽落去嘞,仲比warning 你呀?
     
    我唔認為差人做法有錯喎! 佢個仔之所以比胡椒噴霧噴到,完全係依位做阿媽既責任,根本依d場面唔適合小朋友! 佢仲白痴到話咩"香港而家好多人一家大細去遊行,係家常便飯既事......."有無病呀? 嘉年華會呀??
     
     

    回覆刪除
  21. 老實講, 邊有絕對既公平先 ?????? 你黎得 hk, 就應該知道個 game 係點玩發 點解要有 永久居民 同 非永久居民 先 咁當然會有唔同啦, 呢個世界邊度會有 free lunch 架 有的話同我講, 我都想要 xdd 雖然我有份攞六千, but 我都覺得自己未夠格攞, 何況 d 新移民 我覺得我地真係唔係歧視囉, 而係講事實 其實個個 antie 有得住公屋已經好過其他人好多啦 仲想點呀 中產個 d 都未出聲, 你地又唔洗交 tax 又唔洗供樓 !! 正一食飽飯冇野做 !!!!!! 其實睇 newspaper 都知道有d mainland people 黎 hk 生完個 B 之後 就係靠個 B 黎攞綜援, 有 d 仲好笑 !!! http://hk.kpost.yahoo.com/messageBoard/topicPageDisplay?selfURIEncoded=v1/mb/board/3045355c-ae0c-45f9-8765-e1da71b98bd7/thread/1299155275972-992c69e1-6bdc-4c45-965a-e8fc403d3702 一家四口唔做野攞綜援都有萬二蚊 !!! 仲要係咁 complain 喎 係你自己話要黎 hk, 冇人迫你囉 !!!!! 個個 antie 話自己點慘點慘, 一聽到 mak sir 話以前住大屋點油燈都即刻冇聲出 "zuck" 晒雞 !!! 真係身在福中不知福, 如果佢地慘, 咁佢地係甘肅廣西個 d 同胞又點呀 !!!! 第二個 antie 仲好笑, 乜佢日日食罐頭咁富貴既, 罐頭都唔平架啵 咁黎到 hk 當然要捱啦, 唔通好似天堂咁唔使做有錢收咩 !!! 其實個 d 議員都唔好得去邊, 佢地睇落似係為基層, 其實咪又係為左自己個六萬人工 !!!
    [版主回覆03/09/2011 06:32:00]妳依條link 真係睇到我好火滾! 真係虧佢地仲夠膽上哂鏡!! 2個都無野做每月攞成萬三蚊綜援仲嫌唔夠? 個女人先不知所謂,瞓到肩周炎!!?!? 真係難為哂佢......  P佢K香港幾多人捱更抵夜開工想瞓都無得瞓!! 講到香港咁多人歧視佢仲留喺度做乜春? 返鄉下耕田咪有飯開 + 無人歧視佢囉!
     
     

    回覆刪除
  22. 佢地只係見到香港繁榮既一面.... 以為香港係天堂.... 香港人好多做到冇停手, 我0係街見到d婆婆幾十歲都響度執紙皮...佢地好多人就唔駛做...攞綜緩....有 罐頭派仲嚴呢嚴撈, 一d都唔知足....呢d就叫唔公平!!
    [版主回覆03/09/2011 06:23:00]佢地除咗只睇到香港繁華既一面之外,仲將香港想像得太完美太理想化; 落到去香港唔係果回事,就遷怒港人埋怨港政府,完全唔合邏輯! 好似全香港夾埋昆佢地申請落來咁款.......
     
    佢地落到香港攞綜援住公屋,依d野點來架? 佢地有無感恩過?? 只係識得埋怨綜援太少、公屋太細太遠....
     
    樓下Elaine 果條link 好好笑! 一家四口兩公婆都唔洗做,每月攞差不多萬三綜援仲要呻好苦,個老婆仲"慘"到瞓到肩周炎!!  神州大地無奇不有......
     
     

    回覆刪除
  23. Mrs.T
    有冇睇過依個
    http://www.youtube.com/watch?v=7AmLXJEGWvA
    [版主回覆03/09/2011 06:10:00]
    喺依段片中我完全睇唔到示威者口中所謂和平示威,只係見到大班行為幼稚既人阻塞交通 (累地仲唔係幼稚行為?) 我亦見唔到記者口中差人打記者,反而見到記者衝撞差人 + 有差人跌倒賴野! 在場咁多記者,若差人真係有打佢地,我唔信無人影到囉~ 明星走光幾秒鐘佢地反應又咁快?
     
    香港傳媒真係越來越不知所謂,尤其至衰係果份生果! 佢地唔知比咗幾多錢果條傳說中被胡椒噴霧噴到既0靚仔,叫佢講話見到有差人扯示威者頭髮! well~ 咁多記者在場竟然無一個記者影到差人扯示威者頭髮? 竟然只得一個對眼比胡椒噴霧噴到既0靚仔睇到??
     
    我喺英國睇好似"Cops" 依類真差人捉賊既reality TV shows 都不知睇幾多! 比胡椒噴霧噴到既人對眼應該紅哂 + 腫到好似鵪鶉蛋咁,就算唔喊都會不停流眼水.....仲得個0靚仔咁精靈企定定比記者影大特寫? 佢老母就仲搞笑 - 企喺隔離拿住枝水,等記者影飽先幫佢洗眼!
     
    我唔係話條0靚仔無比噴霧噴到,只係就算係噴到我覺得唔係嚴重囉! 佢老母唔洗咁小題大造囉~ 你喺得現場,就要遇咗有機會中招啦! 
     
    好彩香港都仲有d好似阿雷生咁真係為咗求真 + 有職業操守既記者存在,最少有人肯挺身揭發真相!
     
     

    回覆刪除
  24. 冬菜有蟲........ .我要睇清楚下先下次.........
    [版主回覆03/09/2011 06:34:00]我無話冬菜有蟲呀! 我話冬菜裡面有條陰毛......
     
     

    回覆刪除
  25. Usually only full citizenship could be entitled to fringe benefits of a country.  e.g. in US, Green Card holders have no social security benefits, and some oldies even could not have the retirement benefits if they have no tax-paying record.  So, there were always a line to identify the beneficiaries. the were no absolute "even".  BTW, I do recognise such "pay cash policy" is not a good policy, though I am qualified to have the money.  I think there were better way to use the money, e.g. the Government pay MPF contribution for those who earn less than HK$6,500/per month for one year, etc. (I have no personal interest as my pay is far higher.)  It could thus help those who really need help.
    I believe there were new imigrants from china working hard, but those appeared in the attached video were having disgusting words.  It's a blow to those deligent new comers.
    [版主回覆03/10/2011 02:40:00]Usually only full citizenship could be entitled to fringe benefits of a country </// exactly~  even jobs have probationary! otherwise why need the distinction between 3 stars or otherwise?
     

    回覆刪除
  26. 我絕對贊成以上網友言論,今時今日香港都係中國一部份,那麼在中國的福利是否亦算上香港人的福利??????真係以為香港有金執,而家仲有年滿18歲子女合資格來港人士,真係千絲萬縷數不清呀,唔通要香港一鋪清袋之後等國內接管,那時候看大家怎麼辦.
    [版主回覆03/10/2011 02:27:00]果咋成日話要一視同仁盲目幫新移民爭取福利既議員 / 團體,好撐大雙眼佢地幫兇咗一個咩社會問題啦!
     
     

    回覆刪除
  27. 為了錢,很多醜惡會浮現!
    [版主回覆03/10/2011 02:16:00]貪得無厭應該係醜惡之中最醜惡!
     
     

    回覆刪除
  28. 嘩... 真係辛苦哂嗰班又要食得招積又要住得舒適嘅人喎... 我都好想好似佢地咁, 唔洗返工有綜緩攞, 咁我就可以自己湊仔有返啲親子時間, 唔洗好似而家咁做 2 份工, 連個仔都係得 weekend 先可以返我度住一日半日, 我都想團聚囉唔該... 雖然我都係住緊公屋, 但我唔會好似我住嗰條邨啲人咁, 冇嘢做日日喺度 hea 囉.... 有免費罐頭仲要嫌有防腐劑, 咁就麻煩你地唔好要喇, 留返俾我地呢啲永久居民啦!!!! 條 rule 就係咁, 差一日未夠 7 年就係未夠, 落得嚟就要遵守遊戲規則, 玩唔起就返去囉, 唔好阻住, 香港好寸金尺土, 冇咁多地方俾你地阻塞交通.... 而嗰個高太真係低 Q 能, 公咩民教咩育, 要教就留返喺屋企教啦, 下下要親自去感受下現場氣氛, 有事又瀨政府瀨警察, 正常人見唔對路都走啦, 你仲要拖住個細路呀, 打聲招呼講 bye bye, 有朋友又點呀, 有錢執都唔要掉頭走啦, 如果真係為個仔好, 係應該教佢遠離危險, 自身安全比任何一樣嘢都重要, 連呢啲咁基本嘅嘢都做唔到佢唔配做人亞媽, 我話嘅!!!!!!
    [版主回覆03/10/2011 02:14:00]係架~ 佢地老奉得來自覺好委屈架! 分配公屋比佢嫌細又嫌遠,埋怨無選擇無得揀......妳睇吓依段片,真係無言: http://www.youtube.com/watch?v=nM-oL1qZiZY&feature=channel_video_title
     
    阿高太都係算吧啦~ 佢根本就係搏出位,個仔中椒大班記者、相機、電視鏡頭圍住,做人阿媽既點會一邊攬住個仔,一邊射喱眼描住個電視鏡頭架?
     
    妳知唔知原來上次菜園村單野佢都有帶個仔去示威,期間仲搞笑到唔見咗個仔! 做人阿媽......
     
     

    回覆刪除
  29. Gaileは林家歐巴桑2011年3月8日 下午9:16

    其實我媽咪同阿姨以前都係移民黎香港架,但係佢地就冇而家d新移民咁好彩嘞,唔駛做有政府養...佢地果時都係咁樣捱出頭黎架咋!!好肯定從學歷/家庭環境我媽咪差佢地好多,但係今日我媽咪成功係佢依幾十年打拼出黎架!!唔係好似佢地咁喺屋企怨天怨地怨政府幫佢唔夠多!!
     
    而家果d新移民真係好不知所謂,有手有腳都要屈喺屋企等政府養,學我媽咪話齋真係丟假,咁樣對佢地小朋友成長都唔好啦,小朋友註定會比人排擠~~真係影衰哂佢地d大陸人...
     
    果位師奶為咗6000蚊帶個仔去遊行,完全將細路當做工具,依d老母叫佢個仔以後點樣面對社會,又話差人向佢個仔噴胡椒噴霧,又話差人打記者...佢就係想教育佢個仔冇論做咗d咩錯事,企出黎話比差路蝦就可以冇事嘞...咁呀?!
    [版主回覆03/10/2011 02:03:00]比依段妳睇吓,前晚睇到我噴火! http://www.youtube.com/watch?v=nM-oL1qZiZY&feature=channel_video_title
     
    我完全感覺唔到佢地有幾慘! 電腦無咗幾粒制都要繼續用,咁有幾慘? 食剩餸留返第二日食又有幾慘?? (我都係咁果喎! 不過我唔覺得食隔夜餸好慘喎~) 一家3口分配到200呎單位好慘?? 無得去迪士尼海洋公園好慘??? 匪夷所思!
     
    果位高師奶根本可以不理! 妳淨係睇佢話"萬萬唸唔到會發生咁既事!",已經知道佢無common sense! 最好笑原來之前佢都有帶個仔去菜園村示威,示威期間竟然唔見咗個仔!
     
     

    回覆刪除
  30. 對住這班大陸香港人,真係無言.............. 都係嗰句,一日到黑找福利攞着數,最好唔駛你做,養埋你! 銀行夠大把錢啦,你唔去問佢比D你,最低限度你都要有入$入去,你就可以提款啫.你又無交稅,仲有公屋,仲想點呀?! 成日話唔公平,最唔公平o既就係香港政府比你o地來香港,仲同我爭$6OOO呀!!!!!!!
    [版主回覆03/09/2011 19:01:00]仲有果班手指咬出唔咬入既搞屎棍議員,婦人之仁盲目為班不停苛索既新移民爭取福利! 香港有幾多人要好似等換腎咁排隊辛辛苦苦先上到樓; 點解新移民一去到香港喊苦喊忽跑去社處轉個頭就獲安排入住公屋,仲大言不慚彈三彈四嫌細嫌遠??
     
    點解要香港人去負責新移民既生活? 果班每月發吓言鬧吓政府就收6皮野既民選議員 為新移民請命既時候,有無顧及過香港人既意願?
     
     

    回覆刪除
  31. Mee ...... MeeMoreMore2011年3月8日 下午10:55

    我都有感而發啊!!! 哩幾日 d 新聞 , 真係睇到人火滾啊!!!!  我真係唔明點解 d 人咁咖 ... !!!
    我無 "歧視" 咖!!!    只不過 , 我個人認為 無3粒星同永久居民無得派 , 係好正常啫~~~~ 有權利亦有義務啫~~~  
    仲有單係有個女仕帶埋個仔去示威 , 個仔比胡椒噴霧噴倒 , 開記招大大聲鬧政府傷害佢個仔 ....... 仲掛字開記招連個仔放學都唔接!!!
    真係 .... 唉~~~~ 唔識點講!!!
    [版主回覆03/09/2011 18:42:00]如果有無3粒星都有錢派,咁仲分幾粒星來做乜? 不如好似麥Sir 話齋旅港同胞都派埋一份吖笨!
     
    至於果位小朋友既媽咪阿高太,既然佢話一家大細去遊行已經係家常便飯既事,咁就 應該要有常識去得示威遊行就會有機會演變暴力衝突,有暴力衝突政府就會鎮壓! 佢自己話要個仔親身感受一下嘛,公民教育嘛!!
     
     

    回覆刪除
  32. Mrs T, 我真真好感受到妳人雖在異鄉, 心在香港......
    麥Sir 個節目我都經常聽, 好欣賞佢, 佢好有心去聆聽, 關懷和與聽眾分享, 層面由小學低班到老老人家, ........
    似乎我們認識的香港真的不再一樣了, 過往努力奮鬥創造自己前路的精神現轉變為等待救濟, 不斷坐係到投訴, 話不滿, 話唔公平......睇到自己的家變成這樣子, 真無奈又難過
    [版主回覆03/10/2011 01:36:00]我喺異鄉生活但唔代表我係異鄉人嘛~ 我係一個 喺異鄉生活既香港人,當然關心香港啦!
     
     

    回覆刪除
  33. 老實講句,我對於新移民係冇好感,佢地對於香港又冇貢獻,點解仲要俾福利佢地呀?我喺係公屋度做ge,好記得有一次有個大陸婆黎做入伙手續,佢係嗰d嫁左黎香港然後又離婚ge case,照常理佢未夠7年係唔可以申請公屋,但佢有社署轉介,所以黎左3年都有得上樓。(又一證明社記濫做好人)
    依個死8婆睇完屋後返黎office就已經喺counter度大大聲嘈話比間咁ge屋佢,又話間屋細到轉身都轉唔到身,又話佢大陸間屋裡ge廚房都大過依間屋,老實講,我地依一隻單人屋已經係全邨最好,而且面積係單人屋中最大ge一種,咁都唔滿意我地都冇野講la。
    但佢係特別調遷,所以只有依一次配房機會,如果唔要就冇下次,結果佢都係要左依間屋,我同事問佢有冇帶齊所有文件同埋錢黎,佢竟然答我同事,文件佢有帶黎,但錢佢叫我同事問社署攞。我同事都呆左一呆,問佢點解我地要問社署攞錢,佢好老"馮"咁話佢有攞綜援,所以d屋租呀、按金呀都係社署幫佢交,唔關佢事咁話喎。我嗰刻真係想問佢,咁你間屋又係唔係社署住呀,死8婆?
    我同事呆完後都冇咁好氣同佢講落去,淨係同佢講d按金同埋租金錢係要佢自己俾ge,之後佢可以同社署claim返錢,如果佢真係冇錢ge話都係佢自己去社署講而唔係我地同社署講。結果依個8婆即時發脾氣咁講話我同事"蝦"佢係新移民,唔俾間屋佢,最後仲要報埋警,警察都係叫佢冇錢去搵社署,同我地講都冇用,搞左成個朝早,淨係服侍佢一個,仲要俾佢打去房署投訴,我同事仲要搵時間寫薯仔文去回覆房署,咁你地話「教我如何可以不恨他」呢?
    [版主回覆03/10/2011 01:29:00]我仍然相信並唔係所有新移民都唔識感恩 + 貪得無厭,我真係認識幾位努力工作賺錢生活唔依賴政府唔攞綜援既auntie~ 但事實上唔感恩 + 貪得無厭既新移民的確存在,而且已經造成咗社會問題!
     
    呢~ 果班好做唔做盲目去為新移民爭取福利既議員,唔該撐大雙眼睇清楚,的而且確係有一班落到來奉旨印印洗香港納稅人錢且貪得無厭既人渣,咪只係一面倒盲目地大叫一視同仁只掛住出風頭做人民英雄!
     
     

    回覆刪除
  34. Gaileは林家歐巴桑2011年3月9日 下午4:04

    簡直痴X線啦....食隔夜餸有幾委屈呀?我差唔多日日都食隔夜餸架!仲有踩單車又係辛苦佢?我成日踩單車去街市買餸,踩既路程一定遠過佢啦(台灣政府一早提倡市民踩單車,一黎環保,二黎可能做運動)我真係唔認為有幾咁委屈痛苦囉...佢有得落樓下買餸,落雨唔駛擔遮,好過以前d木屋區多多聲啦下話~~~
     
    未去過迪士尼,未搭過昂平360...佢講既我都未去過+坐過!!唔通要政府安排埋個導遊比你香港一日遊呀?戇狗
    [版主回覆03/10/2011 21:52:00]幾好笑呀 - 佢話踩單車為咗慳6蚊車錢,可以買到半斤菜乜乜物物.....但妳見唔見到條麻甩佬訪問時飲可樂? 些粉一罐可樂都差唔多價錢啦! 仲有佢食煙架,有錢食煙無錢食飯?
     
    根本依條麻甩佬就係一條廢柴! 有手有腳都唔去搵野做,香港政府養佢嘛,咪 每日去釣魚捉蟹幾他條呀! 就係依d仆街拖累其他辛辛苦苦工作生活既新移民!!
     
    P佢個K依兩公婆 - 尤其隻無恥男完全唔知醜,真係服咗佢地仲夠膽上電視話比人知佢地有幾慘!!!
     
     

    回覆刪除
  35. 6000 元 呢個數字 , 睇見都把幾火 , 個D幫新移民攞着數的人 , 一定唔記得戴眼鏡和腦袋生唔齊 , 啲新移民大部份都攞盡香港所有着數喇 ! 現在竟然重有人話自己來了六年幾 , 都冇得分唔公道 , 如果成功有得分 , 又輪到五年幾話唔公道 , 咁不如一到埗就係人都比 6000 元喇 , 不知所謂 .
    D新移民重話我地啲香港人岐視佢地 , 佢地又唔諗下好多香港人日捱夜捱為兩餐 , 唔講話迪士尼喇連同個仔見下面 , 都成問題通常放工回家已很夜 , 小朋友都瞓咗咯 ! 佢地日日都話要睇住 D 細路 , 唔出去揾工做 , 每日都游手好閒 , 有個女人話唔出街費事比人岐視 , 情願日日瞓係床到 , 呢 D 係乜道理 , 好多人都未去過迪士尼喇 ! ( 唔通呢啲就所謂窮風流餓快活呀 ! ) 自己都唔自重点可以叫人尊重呢 ? 成日發爛渣 .
    [版主回覆03/12/2011 06:13:00]果咋垃圾議員根本就係盲目幫果班唔做野齋攞福利又貪得無厭既新移民爭取福利,佢地用把口之嘛,又唔 洗佢地自己上身既,個個月鬧吓政府,總之政府話咩都反反反,等人地覺得佢地有做野,咁就現兜兜每個月袋6皮野,何樂而不為? 根本就係助紂為虐!! 果咋大嗌唔公平既新移民見有人撐佢地,咪更加理直氣壯囉!!
     
    果個女人我都真係服佢好緊要! 比人歧視喺屋企瞓覺瞓到肩周炎都唔去搵野做......真係無野好講! 我當真係香港人歧視妳唔肯請妳做野,去做吓義工都好啩? 我唔敢話所有香港人都係理智唔歧視,不過我相信大部份香港人絕對有人情味 + 黑白分明,對於人窮但志不窮既新移民又好香港人又好,我相信香港人都一定唔會歧視,而且會好尊敬!
     
     

    回覆刪除
  36. 今日打開罐冬菜裡面竟然有大大條陰毛!  <======好對唔住,我見到呢句野真係笑左,哈哈哈哈,你打得好攪笑呀!!
    [版主回覆03/12/2011 05:50:00]真係攞膽! 第一次買食野裡面有d咁既野........
     
     

    回覆刪除
  37. '今日打開罐冬菜裡面竟然有大大條陰毛' <----- 我都爆笑左出來,哈哈!好鬼鐘意你講野的口吻呀!
    [版主回覆03/12/2011 05:49:00]咁真係有條陰毛我先咁講啫......
     
    罐冬菜係新架! 我都完全無食過,而且開罐時好鬼香,成罐要揼我都覺得好浪費.....
     
     

    回覆刪除
  38. 有個橫額寫住 ' 政府見字速還錢',痴線架,宜家上世欠你架?!
     
     
    [版主回覆03/12/2011 05:48:00]唉~ 荒謬既人,荒謬既歪理、荒謬既行為!
     
     

    回覆刪除
  39. 呢度好多大陸人都好衰...
    喂你個罐頭個條唔係陰毛呀 無奶油會入到落個罐架, 手毛黎者
    [版主回覆03/12/2011 05:47:00]其實每個地方都有好人有衰人既~ 大陸人都一樣,並非所有大陸人都係衰,我自己都認識幾位新移民auntie 唔攞綜援唔搵香港人著數,有d仲打兩份工努力賺取生活~
     
    我果罐天津冬菜係陶罐來~ 如果無奶油會入到個罐,就連手毛都無奶油落到個罐啦! 手毛陰毛分別好大喎,點會搞錯吖.......(我本來想影低,不過礙於太核突,所以都係作罷!)
     
     

    回覆刪除
  40. 咁又係, 陰毛同手毛唔會搞錯既
    [版主回覆03/12/2011 21:42:00]咪就係唔會搞錯囉......
     
     

    回覆刪除
  41. 麥SIR真係講得好好,個新移民真係一D辯駁能力....越來越感受到香港的「亂」,所謂的議員根本就沒有為香港巿民利益著想,前幾日係到玩,搞到通過到立法會臨時撥款的草案,影響的真係不計其數......班細路又比社民連的搞到變成他們的「政治工具」他們的行為真係好紅衛兵,成日講財富要重新分配,係咪要「共產」,他們口中的民主其實並不是真正的民主,而是獨裁‧...一些無謂謂的事又走去嘈政府,咩一畢業買唔到樓,冇錢結婚,都入政府數,係咪離晒大譜!
    [版主回覆03/14/2011 22:25:00]班新移民一落到香港唔洗做都要屋有屋,要錢有錢,仲不停嗌苦真係服得佢地好緊要! 好多人會歸疚因為新移民普遍教育水平低,但其實只係好簡單既人性道理 - 人心不足蛇吞象~ 只要稍為有d人性,唔需要受高等教育都應該明白! 真係唔明佢地憑咩一副老奉咁既口吻阿之阿左要求咁多?
     
    社民連係一班咩人,我相信全香港人都有眼睇到! 掟蕉搶咪手指指肆意人身攻擊侮辱對手,完全係流氓所為,不知所謂!
     
     

    回覆刪除
  42. 真係有條陰毛ar??? more scare to see a spider for me~~ 陰毛ar~~E..........!
    [版主回覆03/14/2011 22:12:00]緊係真啦! 唔係真我寫出來做乜? 搞到我而家唔係好敢食冬菜......
     
     

    回覆刪除

Related Posts Plugin for WordPress, Blogger...