今次日本大地震 + 大海嘯引發核危機，生活喺日本本土既人帶住沉重國殤臨危不亂，有系統守秩序地堅強面對;
反而鄰近無任何証實受到核危機影響既中國大陸 + 香港就有好多人無知地"盲搶鹽"，搞到全港超市雜貨店食鹽缺貨，連帶椒鹽、淮鹽、雞粉、甚至豉油都比人搶購一空; 亦有人囤積日本奶粉、尿片承機謀利.......
行為無知自私且荒謬得過份!
我自己身為香港人都真係覺得好丟架!! 日本好多文化及生活習慣都係源於自稱"禮義之邦"既中國 (我相信今日"禮義之邦"依個稱號令好多中國人都汗顏!
)，但點解中(包括香港)日兩地人民水準差異咁大? 令我不禁又聯想到早排好興既"公民教育"......
我好認同中國人智慧"三歲定八十"，所以我亦好認同公民教育應該從小做起!
不過公民教育應該以咩形式去進行?
喺香港有家長選擇帶天真且理念唔多清晰既小朋友去參加場面混亂且暴力既示威遊行......(以小朋友既認知，從依種所謂公民教育所得著既，會否潛移默化認為應該"以暴逆暴" + "以亂制亂"呢?)
反之喺大天災影響之下，好多身處暫時未受波及地區既日本家長照常生活帶小朋友返學，明言希望喺受到今次天災任何影響之前，小朋友可以照常生活得開心，從中學習及成長......
中國 + 香港只隔岸觀火，但核危機恐慌反應大到令人滴汗
; 人家身處發生天災本土尚且可以保持冷靜理智，團結堅強......或者從依段日本向小朋友解釋核危機係咩一回事既卡通短片中可以有所啟發!
澳門都係呀....包括澳門人同d大陸自由行係咁搶呀.....我昨日去超市...米呀...鹽呀...豉油....雞粉...個架空空如也....今日看報紙話d鹽炒到$50一斤都有人買呀....真係人都癲......
回覆刪除[版主回覆03/19/2011 23:46:00]唉......真係太誇張嘞! 所有人都好應該冷靜落來，世界已經夠哂亂嘞!!
大陆人真是的，明明没事都被他们搞到有“事”。
回覆刪除真不明白那些盐买哪么多回去怎么吃？？？。
[版主回覆03/19/2011 23:44:00]搶鹽既並唔止大陸人，香港既食鹽一樣被搶購一空......
我睇你個blog 都一段日子, 不過今次係第一次留言. 其實, 我住係美國, 我今朝返工, 聽到 National Public Radio都有報導有關中國人大量購買鹽, 我真好覺得 ... 唉!
回覆刪除[版主回覆03/19/2011 23:43:00]妳好小小以斯帖~
我喺英國都睇到有關大陸 + 香港人搶購鹽既報導......中國地大脈博，突發情況難控制都情有可原; 但香港小小彈丸之地都竟然可以失控至此.......好無奈~
so cute!! 我衷心希望個180位英雄可以健康地平安返家!!! 我聽到中港澳既人都搶野 我同媽咪傾電話時第一個問題就係問佢有冇跟埋一齊搶 有既話我會當唔識佢!!!XDDDD
回覆刪除[版主回覆03/19/2011 23:37:00]cute 係因為公民教育都要循序漸進配合返接受教育既人既認知level~ 如果大家有細心留意短片既話，除咗cute 之外，當中仲不忘向小朋友教育要向正努阻止災程惡化既英雄致意，要有感謝既心!
我睇到真係眼都突哂....講真,台灣離日本仲近啦,未聽過搶成咁!我地只係多人買咗海帶同海藻,但都未去到搶既地步,因為食得多都唔好!!
回覆刪除我咪話囉,人地喺當地都未驚,其他只係隔岸觀火就驚青成咁,無言...
[版主回覆03/19/2011 23:34:00]真係好無奈唔知講咩好! 學妳話齋台灣近日本咁多都無發生搶鹽事件，再遠d既香港洗唔洗咁搞法呀?
我是一個不折不扣的香港人, 但感好羞恥 , 多可悲見到港人們的無知行為 !
回覆刪除[版主回覆03/19/2011 23:32:00]我相信香港人當中都有好多係理智既! 但不幸既係佢地會被唔理智既一群無知行為所牽連......
我曾經身為香港人而感到驕傲及自豪，但今天我感到羞恥 究竟一眾肓搶鹽搶豉油搶雞粉的人，他們的教育水平去到邊? 今天，終於無人搶了，屋企囤積的鹽變成蟹貨，希望佢地好好保存啲鹽，唔好放得太耐變成水，尤其香港咁潮濕的天氣
回覆刪除[版主回覆03/19/2011 23:31:00]我相信香港人當中都有好多係理智既! 但不幸既係佢地會被唔理智既一群牽連......
呢次真係醜死呀 變左國際大笑話 ............ 真丟架
回覆刪除[版主回覆03/19/2011 22:30:00]丟架都係其次，再係咁搞法落去除咗人心繼續惶惶之外，影響哂社會正常運作!
加拿大同美國一樣出現搶購潮,碘片搶購一空,
回覆刪除台灣一樣出現搶購潮,可恨兩間電視台只着重播放
地震消息,新聞側重一方！
其實全世界的人都是一樣的,大多數民衆都是聾的盲的！
[版主回覆03/19/2011 21:58:00]我喺英國電視新聞有報導美加有搶購碘片潮呀~ 不過都並非重點報導，只係輕輕帶過!
首先碘片唔係日常生活必需品，有或無都對日常生活影響不大; 不過食鹽、奶粉 + 尿片...依d就唔同講法嘞~ 香港人盲目搶購鹽，的確已經影響咗社會正常運作!
我反而認為電視台著重播放地震消息既做法係正確喎! 市民搶鹽搶碘片搶咩都好既無知行為，只需要令市民知道有個咁既情況就足夠，並唔需要好深入去報導! 講真報得多再喧染多幾下，咪盞引埋越來越多聽d唔聽d既無知人搶埋一份......
Ｄ 人真係只會盲目跟人去搶。。。
回覆刪除咩都搶一餐。。。
真係癲架。。。
[版主回覆03/19/2011 21:47:00]最令人啼笑皆非就係好多去搶鹽既人話自己都唔知點解要去搶鹽，只係見到人地買佢又買埋一份!
亦有人話"聽講"海水會受核污染遲吓會無鹽賣.....咁點解佢地又聽唔到中國鹽業總公司聲明話鹽存量足夠用十年，根本唔會無鹽賣呢?
係英國新聞都有賣呀！
回覆刪除http://www.guardian.co.uk/world/2011/mar/17/chinese-panic-buy-salt-japan
真係笑死人。大佬呀，食鹽點可以防輻射？有少少常識的都會知道，如果要隊成斤鹽落肚，未防輻射，都已經腎病死...
[版主回覆03/20/2011 09:08:00]英國電視新聞都有，報紙點會無吖......
如果食鹽係可以抗輻射, 咁日本人一早就做左啦, 我真係唔明d人點解咁唔理智去分析
回覆刪除[版主回覆03/21/2011 20:42:00]無受過教育既老人家都情有可原; 但連大學生都去搶埋一份....咁佢地就真係讀屎片嘞!
哈哈哈~~ 尋日新聞話大陸d人搶完鹽, 第2日發現原來冇用, 走返去退貨!! 商鋪唔肯退, 佢地仲聲大夾惡咁去投訴!!!! 笑死人!!
回覆刪除[版主回覆03/21/2011 20:44:00]好心佢地收手唔好再搞咁多野啦! 買咗都係疚由自取，自己慢慢食又好，派比人又好，走去退貨 嫌仲未比外國笑夠咩?
而家成為國際嘅笑話喇
回覆刪除[版主回覆03/21/2011 20:40:00]笑就預咗! 最震驚反而係中國人、香港人水平竟然奇低至此......