唔洗去高級食店，周街都有好野食~
一舊水都唔洗已經可以食到飽飽又過癮!
所以每次我同Mr.T 返親香港，無論日夜都會化身掃街精去食"地踎餐"!!
(不過圖中既所謂勁辣魚蛋，係完全唔辣既!!
)
(今次返香港我仍然同牛鞭無緣......
)>>>>>>>>>>>>>>>>>>>>>>>>>>>>>>>>>>>>>>>>>>>>
今次返香港有幸試咗弼街果檔旦王重慶酸辣粉!
(我而家對住張相打blog 都流哂口水~~~~
)見網上好多人都話弼街依檔重慶酸辣粉係全港最正既酸辣粉~ 雖然我只試過依一檔，未試過其他，但我強烈推介!!
>>>>>>>>>>>>>>>>>>>>>>>>>>>>>>>>>>>>>>>>>>>>
不過我覺得蛇羹一定要去果d蛇王乜蛇王物既地方先至好食
，之前喺利苑食過一碗又貴又無乜蛇，大大個 
!!>>>>>>>>>>>>>>>>>>>>>>>>>>>>>>>>>>>>>>>>>>>>
豬潤燒賣 + 豬肚燒賣依2個頻臨失傳既點心喺香港已經幾乎絕哂跡......
不過喺旺角街市裡面有一間叫做"金多寶"既地踎酒家仍然可以食得到!
(唔係花園街室內街市喎，係近朗豪坊果邊既室外街市! 不過唔好問我街名，因為我係街名白痴來......
)
2個我都勁鍾意! 豬潤 + 豬肚下面果舊燒賣充滿肥肉入口即溶好鬼香口~ 不過膽固醇一定好鬼驚人!! 
)
足料兼原汁原味，而且飯一粒粒唔會一pat，我一個人可以食2盅架!!
因為我唔鍾意食有肉既春卷! 春卷我鍾意食全齋既!!
)不過奉勸各位有興趣既網友一句......
除非你係男人啦~ 否則最好切勿自己一丁友入去食野!
因為依間地踎店幾乎只有單身大叔去幫襯......又除非妳好似我 + V媽媽2個咁夠薑啦! 因為只要妳係女性，就要有心理準備一入門口會被大叔們眼甘甘行注目禮......
>>>>>>>>>>>>>>>>>>>>>>>>>>>>>>>>>>>>>>>>>>>>
講起香港既地踎店，又點少得蔡瀾都去幫襯既旺角富記呢?
我由細食到大，不過每次返香港都一定會去幫襯!
原本指定動作4係白灼鴨腸，不過好可惜富記已經唔再賣鴨腸!
(已經賣咗幾十年架嘞......)
>>>>>>>>>>>>>>>>>>>>>>>>>>>>>>>>>>>>>>>>>>>>
我好鍾意食潮州打冷野!
不過過去好幾次返香港食過既潮州打冷都非常把鬼!!
我曾經以為香港已經無哂好食既打冷野......
不過今次返香港老公一班喺香港住既cousins 請我地食咗一餐好好味既潮州打冷!
一行8人點咗13碟餸......
)我一直都好想同老公去食大排檔好有鑊氣果種晚飯小菜，不過除咗我唔多想去既廟街之外，我唔知香港仲有邊度有大排檔......
我發現沙田河畔晚飯時間，好多食肆都會擺枱出門口! 雖然依餐唔係正式既大排檔，不過好有大排檔既風味啊~
>>>>>>>>>>>>>>>>>>>>>>>>>>>>>>>>>>>>>>>>>>>>
雖然未有緣食到大排檔晚飯小菜，不過大排檔魚蛋粉就有食嘞!
無錯......又係長洲偉記呀!!
>>>>>>>>>>>>>>>>>>>>>>>>>>>>>>>>>>>>>>>>>>>>
講到又平又好食，一定要提吓海景粥店......
不過是日牛脷酥賣鬼哂......
打完依篇野好鬼肚餓呢!!!!
我一次過睇咁多美食相，攪到我好鬼肚餓添!
回覆刪除唔得，我要落街食個豐富早餐先得!
[版主回覆03/19/2011 20:31:00]妳就好啦~ 喺香港周圍都有好野食，睇完相即時有得食! 我打完blog 猛喺度吞口水咋.....
近期太多負面的消息,世界慘事,可以看到你的美食,風花說月一番,心情也好一点!!多謝!!
回覆刪除[版主回覆03/19/2011 20:29:00]you're welcome! 我唸近期應該好少人完全無負面情緒.......
I'm starving! 好想即刻飛番香港呀！
回覆刪除[版主回覆03/19/2011 20:28:00]Me too! take me with you 靚媽~~~~~~
妳的食量同身型一點也不成正比 , 多羨慕呢!
回覆刪除[版主回覆03/19/2011 20:27:00]嘻嘻~~~~ 其實我體重都會時輕時重架，只係可能我單骨，重咗輕咗望落幾乎完全無分別!
哈哈...我醒目嘞,見到title相即刻整個港記碗麵黎一邊睇一邊食
回覆刪除豬膶同豬肚燒賣真係未食過,應該幾好食
我阿姨以前住長沙灣,細個成日去果邊大排檔食飯,真係好鬼正,不過後黎拆咗冇得再去食嘞...而家大排檔真係買少見少
[版主回覆03/19/2011 20:26:00]今次咁鬼醒!
豬潤 + 豬肚燒賣我都係第一次食架咋! 依類點心買少見少真係可惜....
我記得我未來英前同屋企人去過好似喺火炭定沙田既露天大排檔食晚飯，雖然已經唔記得當年食過乜，只記得好好味 + 真係好懷念果種感覺!
深水埗有幾間大排檔都好正架，下次你黎香港，我帶你去食吖 你講個間金多寶，地址係呢到 : http://www.openrice.com/restaurant/sr2.htm?shopid=15279 V媽媽係咪附近買鮑魚架?我上個星期日去過，唔好話鮑魚，蝦都無隻...
回覆刪除[版主回覆03/19/2011 20:22:00]好呀~ 一言為定!
真係無唸過金多寶竟然會有openrice! 睇真d先知佢個名咁勁叫做"海鮮酒家"!!
係呀~ V媽媽喺果頭買鮑魚架，不過佢都講過唔係成日都有架! 所以佢一見到相熟魚檔有貨就會成盆成盆咁買返屋企起肉架嘞~
嘩～～睇完你篇BLOG真係口水流哂落張檯度啦！ 我都好掛住香港既街邊小食，魚蛋燒賣仲有牛雜 不過我同你相反，我唔鍾意食牛肺同牛膀 珮夫人
回覆刪除[版主回覆03/19/2011 20:18:00]咦......咁牛雜妳食乜呀? 牛肚牛腸??
街邊檔真係正! 選擇又多，煎釀三寶、辣魚蛋、碗仔翅、魚肉生菜，韭菜豬血.......
我樣樣都中意食架.....
回覆刪除[版主回覆03/19/2011 20:16:00]除咗果3條春卷之外，我都係樣樣都鍾意!
哈哈 一路回味 一路流口水
回覆刪除[版主回覆03/19/2011 20:15:00]一路打blog 一路搵自己笨!!
阿 V , 一次過介紹咁多美食 , 真係好正
回覆刪除[版主回覆03/19/2011 20:14:00]Eddy 兄~ 地踎野你都啱既咩?
咁多野食睇到我
回覆刪除[版主回覆03/19/2011 20:14:00]我自己一路打blog 都一路吞口水......
想食有鑊氣果種晚飯小菜，下次試下左敦 ‘金山’，真係menu上每樣野都好好味嫁！
回覆刪除[版主回覆03/19/2011 20:13:00]有鑊氣既小菜香港有好多，不過我想食既係有鑊氣晚飯小菜既大排檔!
我岩岩食完飯。。
回覆刪除見到咁多正嘢又有Ｄ想食嘢啦。。。
鹵水鵝片，薑蔥炒蟹，豉椒炒蜆，法蘭西多士，齋腸要淋好多 麻醬，牛脷酥好多都好想食。。。。
要快 Ｄ ＰＬＡＮ 下我幾時可以返去再食食食。。。。
[版主回覆03/19/2011 20:11:00]
咁其實上面有部份食物喺外國都可以食得到既! 只係未必有香港既水準~
阿 V , 梗啱啦 , 你介紹 d 先係真正美食嘛 , 上 d 高級 酒家食既祗係排埸用裝璜 , 食物既風味就冇哂 , 根本 係又貴又吾抵 !
回覆刪除[版主回覆03/19/2011 20:37:00]哈哈~~~ 咁其實地踎地方都唔一定好食; 所謂高級酒家亦唔一定唔好食既! 如果貴得來又好有水準既話，我都會覺得值架! 無論高級定地踎，始終要試過先知水準如何~
無錯啦~就係牛肚同牛腸 不過都係偏愛牛腸多D! 雖然我係屋企整到辣魚蛋, 魚肉生菜 不過陣味點都唔夠香港街邊味風來得好! 珮夫人
回覆刪除[版主回覆03/20/2011 00:02:00]牛腸我都啱架! 但牛肚就係我最唔嗜既牛雜......
豬皮魚蛋我都整到街邊既味道既! (老公話仲好食過香港街邊檔!!) 不過魚肉生菜我就整唔到嘞 - 因為依邊買唔到鯪魚肉......
上次 (幾年前) 返香港, 朋友帶我去火炭工業區巴士站既大排檔食乳鴿
回覆刪除[版主回覆03/20/2011 00:00:00]我隱約記得來英前到過唔知火炭定係沙田一個大排檔熟食市場食晚飯，不過唔知而家果個大排檔仲係唔係度......
真係引死人.......
回覆刪除[版主回覆03/20/2011 07:06:00]引死我自己就真! 妳喺香港周街都有好野食啦~
you make me so hungry....
回覆刪除[版主回覆03/21/2011 19:20:00]i didnt make you, the pics of food did! haahaaa~~~
個酸辣粉我成日都吾夠膽試..(怕好辣) 豬潤燒賣同豬肚燒賣都未食過喎!
回覆刪除我都成日食海景粥店
[版主回覆03/21/2011 19:19:00]酸辣粉妳可以叫佢地減辣架嘛!
而家個個都話要講健康怕膽固醇怕食內臟云云....豬潤燒賣同豬肚燒賣已經失傳架嘞，所以好少地方有得食! 我今次都係第一次食~
個人覺得海景正過海皇好多! 粥底鮮味得多呢~~~
我唔似你,食極都唔肥呀,好多時都係有得睇唔敢食.
回覆刪除[版主回覆03/21/2011 19:17:00]間中食少少唔怕既!
我食親牛雜都係食牛肺 + 牛膀，正！！
回覆刪除[版主回覆03/21/2011 19:16:00]如果可以成兜都係牛肺 + 牛膀，走咗碗底d蘿蔔就更好嘞!
真係引 C 人喇....... 基本上所有香港 o既美食都好正! 不論街邊定任何地方我都好掛住! 四個月後我先有得食! 唔得! 立即整個加重料 o既豬油撈蝦子麵頂住先!!
回覆刪除[版主回覆03/21/2011 19:15:00]咁我喺香港都有食過難食既野! (仲要係好難食.....) 不過比英國好得多~
火炭有好多大排檔，超有鑊氣，超好味
回覆刪除[版主回覆03/21/2011 19:14:00]係嘞~ 我唸我未來英國之前去既大排檔應該係喺火炭!
齋腸+好多豉油+好多麻醬萬歲~~ 睇到都想食呀
回覆刪除[版主回覆03/22/2011 06:30:00]妳喺香港幾時去食都得啦!
Wow, so many yummy food make me hungry too .
回覆刪除[版主回覆03/22/2011 06:30:00]want to go back to HK soon!!!
話時話, 你有無試過旺角個檔肥姐小食? 我覺得好正~
回覆刪除[版主回覆03/22/2011 06:24:00]我都唔知有無試過呢? 因為我睇吓邊檔就腳就幫襯邊檔，而且唔會記名......
牛肺和牛磅也是我指定食的 , 蛇羹我也超like , 豬潤燒賣我都ok , 但我like 豬潤腸粉多D , 最好味是深圳丹桂軒, 春卷我一樣唔Like 有肉, 寧吃芋茸春卷好過, 所以都好鐘意食上海那種素春卷呀 , 旺角富記我多數去瓊華中心果間, 未試過老舖, 有機會一定要試呀 .
回覆刪除[版主回覆03/22/2011 06:22:00]上面碗蛇羹喺百利隔離幾個舖位果間蛇王乜買架! 好多蛇肉~~
豬潤腸粉我都啱架! 不過都係越來越少地方有得食咯! 深圳丹桂軒我食過2次，佢地d點心真係好好食!!
唔知邊度瓊華中心呀......不過我唔知富記原來有2間! 係同一個老闆嗎?
係呀 ,富記有2間架, 一間老舖, 一間高級D路線在旺角瓊華中心, 食物又唔同架, 是同一老板呀 , 我之前2次去百利隔離買蛇羹, 但因太夜冇哂 , 得湯和糯米飯咋...
回覆刪除[版主回覆03/24/2011 23:01:00]係呀~ 下次返香港一定要去試吓新店先! thanks~
睇完妳呢篇誌...好鬼想食tim ...食得是福嘛!
回覆刪除食牛雜...我就選牛膀,牛腸&牛肚...yummy~
[版主回覆03/24/2011 22:53:00]香港有好多街邊野喺英國都食唔到，所以我返親香港都會變到好大食!
夜晚唔適宜行你個blog..... 攪到我好肚餓呀T____T..... 嗚嗚,,,,,,,>___<"好想食.......
回覆刪除[版主回覆03/28/2011 00:22:00]落街買野食囉! 香港好多茶餐廳開通宵架嘛~
睇到厘篇網誌的食物，簡直口水直流 ，樣樣都是我鍾意的食物，但由現在起的長時期裡只有得睇無得食lor，因為我做了一個自己都意料不到的長達6個小時複雜手術，令親友非常擔心，主診醫生話情況都幾嚴重 ，並住了16天醫院，剛在3/4出院，接著仲要繼續幾個月的療程 ，依家唯有睇多d妳d網誌食物望梅止喝啦！
回覆刪除[版主回覆04/06/2011 22:11:00]咁妳好好休息嘞~ 祝妳早日康復 + 身體健康啊!
Delicious!! I miss HK food very much!! Thanks for introducing.
回覆刪除[版主回覆05/27/2011 22:11:00]you're welcome Irene!
i miss everything in HK as well~~~