古法沙薑鹽焗雞脾
1. 預備雞脾2隻; 海鹽約1200g; 牛油布或煲魚袋。
2. 雞脾洗淨抹乾，抹上紹興酒和沙薑粉略醃。
3. 海鹽放鍋中，加入1樽蓋量的紹興酒，翻炒約10分鐘至海鹽微黃且鹽熱。
4. 雞脾和薑片蔥段一同放入煲魚袋中，或用牛油布包好。
5. 將煲魚袋或牛油布略略噴濕。
6. 將雞埋入熱海鹽中，注意海鹽要完全覆蓋著雞脾。
7. 蓋上煲蓋轉小火煮約15分鐘，之後熄火再焗30分鐘。
8. 取上雞脾除去薑片和蔥段，雞脾待涼斬件即成。
P.S. 去除煲底煮黑咗既鹽塊，焗雞既海鹽可以循環再用架! 
上兩個星期now tv "煮角" - 劉健威，都有教人整鹽焗雞呀，不過佢整個方法好危險呢
回覆刪除[版主回覆04/01/2011 22:02:00]依個方法都叫好安全架! d海鹽炒熱咗時真係好勁架!!!!
好彩V女妳現在出這個食譜呢 , 如果換轉是早前出 , 想學整都沒有鹽可買呢!
回覆刪除[版主回覆04/01/2011 22:01:00]哈哈~~~ 咁大量入咗貨又退唔到錢果咋人，而家咪有idea d鹽點用囉!
見到d鹽好想笑 (又諗起返個班"盲搶鹽")
回覆刪除[版主回覆04/02/2011 00:39:00]果班大量入咗貨又退唔到錢既人，而家可以用d存貨來鹽焗雞、鹽焗蟹、鹽焗魚、鹽焗鴨、鹽焗豬......囉!
妳呢篇正合時...鹽焗乜乜....啱晒鹽上倉的人
回覆刪除[版主回覆04/02/2011 08:50:00]唔知食咗防唔防到輻射既呢?
佢地炒熱咗啲鹽之後，放張紙落啲鹽到，張紙立即著火呀，你話我呢啲咁粗魯嘅人，隻手一定十級燒傷啦
回覆刪除[版主回覆04/02/2011 22:16:00]吓??? 張紙著火咁仲點焗呀?? 火焰雞????
唔知點解,我整咗出嚟D皮唔係金黄色, 係白切雞甘色 另外我想請問一下,咸蛋鹽水浸法 啲鹽水可唔可以循環再用呢? 仲有呀.......................................你既新Logo好靚呀
回覆刪除[版主回覆04/11/2011 04:49:00]可能係雞種唔同啦~ 我用既係粟米黃油雞，雞皮係比較黃架!
浸鹹蛋既水我每次都係煮新鮮架! 未試過循環再用喎......
多謝妳讚我個新LOGO 啊!
嘩！好吸引！等我都返屋企試下先~
回覆刪除[版主回覆07/19/2013 18:23:58]麻煩少少，不過真係好好味~