好味泰菜 - Chaophraya@Glasgow (2012年9月16日)

之前Mr.T仲喺南下工作時，
喺Birmingham Bullring 已經見過Chaophraya，
有一次想去試，點知7點鐘已經關咗門，最終緣慳一面......


估唔到Mr.T搬返來蘇格蘭無耐後，
Glasgow 都開咗間Chaophraya喎!
Glasgow Chaophraya 仲係全歐洲最大既泰菜餐廳~

坦白講...我喺蘇格蘭無食過有水準既泰菜!
本身Glasgow 泰菜餐廳不多，
好耐之前食過Glasgow一間裝修非常泰feel 既泰菜餐廳，
不過無論侍應或食物，都絕對中國.......;
其他far east fusion 餐廳就算餐牌裡面有一兩道有thai 字既菜，
感覺味道硬係被中國化咗!
所以當我地見到Chaophraya 喺Glasgow 開咗分店，
基本上完全無咩期望~P.S. 南下期間食過2間正宗又好味既泰菜 - 老闆侍應一律泰國人!
遲下有時間補返篇網誌~


講返Chaophraya......
其實9月16日係農曆初一我食齋既，
早一晚星期六同老公去咗pub 鋸雜扒~

老公頭盆Cullen Skink (煙鱈魚薯仔濃湯)

我既頭盆Fish Cake

左邊果份All Day Breakfast 係Mr.T既;
右邊份大雜扒先係我既!

份雜扒真係好鬼大份!



第二日星期日初一本來無唸住出街食飯......

中午煮咗個全齋撈麵比自己，Mr.T就食公仔麵~
Mr.T休息無時間喺廚房慢慢整野食，
打算是晚果餐都係照版煮碗食返依個全齋撈麵......


食完lunch 出街約咗朋友.......
Meet 完朋友之後老公就話肚餓，
咁啱行到Chaophraya 出面，
老公就提議睇吓餐牌有無啱我食既素菜，
果然有喎! 於是我地就入去試吓......

餐廳位於Glasgow City Centre 一幢舊building，
樓底勁高，裝修豪華得來有好多泰國金色擺設，不失泰feel~

老公頭盆Tom Yum Goong
我無得試，不過老公話好好味!

我既頭盆Mushroom Tom Kha Soup
非常驚喜~ 我一向唔鍾意椰汁都覺得依個湯好好味!

不過依兩個湯都幾貴，老公既£9; 我既無肉湯都要£8!!

老公既超細份主廚特色主菜 - Spicy Fried Rice with Beef & Basil
老公好滿意~

我既主菜走蔥Tofu Pad Thai
份量幾乎係老公主菜2倍!
好有鑊氣炒得夠乾身，
好鍾意佢地用依種勁幼身既貴刁，
滑滑得來煙煙韌韌，加上面頭微酸既芒果絲，
依個豆腐泰式炒貴刁真係好好食!!


依餐我地好有驚喜又好滿意!
估唔到連鎖餐廳都有咁既水準，
Glasgow 終於有一間有水準既泰國餐廳嘞~
下次我唔食齋既日子會再去試吓其他菜!!

收到海鮮餐廳City Merchant 寄來既9折loyalty card，
來緊既weekend 要去用吓張咭先!