二人世界晚餐濃縮版

Mr.T由南下返咗來蘇格蘭，我唔洗再一人前~
不過近幾個月來我越來越多攪作，
煮完飯寫得食譜來，
無咩時間寫晚餐日記 + 寫其他野，
積埋大堆過期網誌，
唔知好唔好寫定由佢(地)?
(想寫都唔知幾時有時間寫......)
晚餐日記唯有暫時屈就吓個零星期先來個濃縮版!

8月28日: 生炒牛肉飯 & 蒜頭豆豉炒猪乸菜

炒飯炒得多，不過生炒牛肉飯就係第一次整!
網上見好多人話生炒牛肉飯好難炒，
好易炒到一pat pat......

不過我第一次炒又完全唔覺喎!
個人覺得好容易，而且香噴噴勁好食~~~~

又來豬乸菜!

上一餐炒豬乸菜時，我聞到一陣疑似果汁糖既味道;
本來今餐炒時唸住特別留心聞一下係咪真係有果汁糖味......
不過......
一來當時我好肚餓;
二來鑊生炒牛肉飯太香噴噴;
三來Mr.T不停話"好香呀~ 好香呀~ 食得飯未呀?"
我完全集中唔到精神分哂心，
忘記咗留意究竟有無果汁糖味!!
下次啦，下次我一定要記得!!!
生炒牛肉飯食譜click here~蒜頭豆豉炒豬乸菜食譜click here~

8月29日一人前: 煎荷包蛋; 罐頭油浸魚柳 & 日式紫菜柴魚飯素拌飯

是晚我無預備晚飯，唸住等Mr.T返來叫外賣或買野返來食，
殊不知Mr.T臨時有事要晏少少返~
但我好肚餓唔等得......
於是摷吓屋企有咩存貨，臨時整咗依餐快手一人前!

本來想食罐頭茄汁沙甸魚，不過發現無哂存貨!
油浸魚柳就大把......唯有照殺!!

幾個月前喺倫敦Japan Centre 買既日式紫菜柴魚飯素，
灑少少上白飯撈勻，又香又好味!

8月30日: 生炒牛肉飯

Mr.T要求encore 生炒牛肉飯~
第一次炒可以話係撞彩，
第二次再炒......真係唔難炒喎!

因為Mr.T時臨時要求，所以無隔夜飯，
臨時煲飯攤一陣就炒，都炒到一粒粒唔會一pat pat 呢!

唯一係......
最近牛肉好貴咗，
所以上次用rib eye來剁碎牛;
今次用咗平好多既rump steak，
雖然味覺遲鈍既老公話食唔出有分別，
不過......味覺精靈既我認為有天大分別囉!
下次唔可以貪平，要用返rib eye~

9月1日一人前: 煎牛扒; 煎荷包蛋 & 炒生菜

是晚我好早就肚餓，等唔切Mr.T返來先開飯!
加上雪櫃有之前生炒牛肉飯既剩餘物資rump steak + 生菜，
不過只夠一人份......
所以是晚我早d開飯，叫Mr.T自行搞掂晚餐~

9月5日: 蘋果蜜糖鴨肉香腸; 愛爾蘭椰菜薯蓉; 煎粉藍雞蛋

3個月前第一次食依隻蘋果蜜糖鴨肉香腸，
即時愛上咗!
因為當時Mr.T仲喺南下，所以無試到，
一直好想比Mr.T試吓，我知道佢一定會好鍾意~
不過一直無再見過!!

直至上星期同佢再次重逢~
貨架上得一千零一包，不過做特價減咗£!
終於可以比老公試吓嘞~~~~

一盒鴨肉香腸得6條，每人只得3條緊係唔夠飽!
配埋椰菜薯蓉再加每人2隻粉藍雞蛋，淋埋紅酒肉汁......
老公都話好正!

之前出街食飯食過依種椰菜薯蓉(Colcannon)，我好鍾意~
今次第一次整，不過唔記得咗影相，
下次再整時先出返個食譜啦!

9月6日: 淮山杞子日月魚煲雞腳; 豆角炒煙火雞胸 & 西芹炒吊筒

本來想煲花生眉豆雞腳湯，
不過見到雪櫃裡面包日月魚，我就改變咗主意!
日月魚煲湯真係好甜! 煲完湯既日月魚仲好好味呢~

Weekend 喺波蘭超市買咗大塊好鬼平既煙火雞胸......

唸唔到點食又唔想擺咁耐，
所以用來炒近期好鍾意食既豆角~
個煙火雞胸都幾鹹
我覺得用來切片夾三文治會幾好味!

想食炒吊筒，今次配西芹來炒好清新啊!

淮山杞子日月魚煲雞腳食譜click here~
西芹炒吊筒食譜click here~

9月7日午餐: 日式牛肉刺生

因為太鍾意食YO!Sushi 既牛肉刺生，
想試整好耐，於都整咗嘞!

個莞荽汁雖然都好好味，
但只整到YO!Sushi 既8成，
似乎爭咗某d材料......
不過老公話鍾意我既版本多過YO!Sushi 喎!

日式牛肉刺生食譜click here~