2013年7月3日星期三

7‧1意大利 (2013年7月1日)

星期一原本打算再整沙律(Mr.T話要encore!)
中午正當我準備烚雞肶時,
99打比我想我幫佢改少少篤篤撐歌詞,
99過來我處,攪掂份歌詞後又去咗
Guidis食lunch.........


點咗兩份餐,同99兩份分.......



依個辣肉腸薯仔stew好惹味又飽肚,我唸Mr.T會鍾意!


依個芝士薯仔奄列焗得好香好moist軟綿綿~
我唸Mr.T都會鍾意........所以要搵日同Mr.T返來食吓!

今餐又係99請......因為99講明叫我唔好同佢爭.........
而我...爭輸了~




本來是日約咗Mr.T放工後去食燒排骨.......
不過99趕住要份歌詞for第二日,
我要幫佢執過d格式再印2份攞去99屋企,
所以臨時改去屋企附近新開既意大利餐廳Bella Luna試吓!

餐廳樓面不大,但裝潢舒適,氣氛relax,坐得好舒服!


依份野唔錯~ 麵包軟熟; 橄欖油陳醋香甜; 橄欖可口........
美中不足: (1) 份量太少;
(2) 無比牙簽,橄欖細粒用叉拮非常論盡!!




主菜: Mr.T既pizza; 我既燒三文魚扒




我份餐包埋一兜烚菜 - 無味,幸好無烚過龍,蔬菜仍然爽脆;
另外點既芝士蒜蓉包 - 熱辣辣軟綿綿香噴噴好好味~
不過如果麵包厚切少少會更加好!



Mr.T既pizza,料雖唔算多,但其他份量剛剛好!
批底薄唧唧脆脆地做法非常正宗! (正宗意大利薄餅係無厚批既! )
熱辣辣非常好食!!


我既三文魚扒......
三文魚扒底既菠菜 + 車厘茄比三文魚更好食!
唔係話果兩塊三文魚唔好食,其實依兩塊魚好新鮮好靚,
不過佢餐牌話係grilled,
但我睇個樣 + 食落都覺得似低溫烚熟多過grilled,
所以魚肉熟得來好嫩,但就無咗grilled果種香口 + 脆口.......


食完依餐後,我 + Mr.T決定應該唔會再去Bella Luna~
唔係話依間唔好食,只係我地食過唔少比佢更好既意大利餐廳!
加上
Bella Luna餐牌選擇比較少,
連最基本既頭盆竟然無chicken liver
pate.........

不過佢地個pizza好好食,或者我地會叫外賣pizza既~


好想食燒排骨!!!! 下星期一定要去~~~~







Photobucket

6 則留言:

  1. 愛麗斯的夢想世界2013年7月3日 下午7:50

    想請問呢, 低溫烚熟三文魚自己整有咩秘訣? 我整比bb食想嫩口d, 每次蒸完好鞋, 口感麻麻
    [版主回覆07/04/2013 19:22:44]低溫烚要用water oven架! 類似依部:
    http://www.lakeland.co.uk/15918/SousVide-Supreme-Demi
    好多餐廳都有依部機~

    如果妳蒸出來鞋,即係太太太過熟嘞! 下次妳或者可以試吓用鍚紙包住塊魚來蒸~

    回覆刪除
  2. 連篤篤撐既歌詞你都識改? 自己填詞呀?
    [版主回覆07/05/2013 17:08:57]其實係我99九月有篤篤撐表演,佢地曲藝社個個星期練習,原本曲詞係全手寫好亂,依度又無乜人識中文打字,所以99搵我幫手打曲詞對白,整齊好多容易睇好多!
    佢地表演有d對白係自己加落去,上次打好咗,但之後個師傅話太長要刪減,份詞係打直又要對返工尺譜(即曲譜),所以咪要改囉! 我打字啫,詞 + 對白唔係我改~

    回覆刪除
  3. 我真係唔明,啲外國人點解咁中意食個啲橄欖...我試個一次..超級咸..咸到吐返出尼..但睇住佢地好似食花生咁,一粒食完又一粒.....
    [版主回覆07/05/2013 17:03:06]我都鍾意食架! 我又係食完一粒又一粒..... 但我只鍾意用油浸既,橄欖好有益架~

    回覆刪除
  4. 蕙食廚房 - Cat's kitchen2013年7月5日 上午3:36

    嚇得我.. 仲以為你連篤篤撐詞都識作
    [版主回覆07/07/2013 02:17:13]哈哈~~~~ 緊係唔係啦! 打油詩我就識作!!

    回覆刪除
  5. 本來想找薄pizza食譜,但見到你吔張相片好有夫妻相,sweet couple, 祝永遠幸福快樂

    回覆刪除

Related Posts Plugin for WordPress, Blogger...