2013年7月11日星期四

BBQ Reunion@Rowardennan Loch Lomond (2013年7月9日)


一年一度既"中國人佔領Loch Lomond 巴迫橋"又來嘞!



今次地點依然係上次既Rowardennan Loch Lomond (網誌)
貪佢地方開揚一睇望哂,容易照顧小朋友~


除咗上次原班人馬之外,仲多咗好多人!
連埋小朋友在內,粗略估計應該有成30幾人........

(晨早喺附近麥
麥集合時仲誇張!
成間
麥除店員外清一色中國人,
我來英國咁耐都未見過咁既情境!! 哈哈~~~~
)


集合完畢我地一行人(其實係車!)浩浩蕩蕩出發去
Rowardennan!

好彩我地到達目的地時時間尚早,
大半個car park泊哂我地d坐駕,成個石灘比我地霸哂!


小朋友們第一時間衝落湖水戰.........


大人就緊係第一時間透爐啦!

由於今次人數眾多,要起2個燒烤爐先夠.........


我 + Mr.T一馬當先搵返上次有樹遮蔭既靚位........


另外果個爐就由朝曬到晚曬足一日! 哇卡卡卡卡~~~~~


今次人多所以各人一早決定bring your own food........
上次係復活節,蘇格蘭天氣仍然好凍;
不過今次已經係盛夏,對住個爐大家應該熱到無咩胃口,
所以我只預備咗10隻雞翼、8塊豬扒、4塊西冷、一大包魚蛋;
3條翠玉瓜 + 2隻茄子,for我 + Mr.T兩個人當然係太多,
雖然話係BYOF,不過都想預多少少分比其他人~
結果燒咗一陣食咗幾塊豬扒幾隻雞翼,大家已經停哂手.......


一d走去曬太陽; 一d坐喺樹底hea.........






天氣超級好! 雖然有少少熱,
不過喺樹蔭底下其實都涼爽好舒服~


我地個樹蔭位幾鬼正!


無人有心機拿住枝叉來燒,
剩低既食物就咁燒埋帶返屋企.........
不過因此好多燒鬼到燶哂!



朋友帶咗2隻紙鳶來..............




其實由細到大.........我從未玩過紙鳶!


所以我要試吓!!


睇吓我幾有姿勢!


咪以為我只係得個樣喎.........


睇吓我放得幾高! 我仲放盡哂條線呢!!
第一次玩算係咁嘞啩?



Mr.T放極都係依個水皮既水平! 嘻嘻~~~~


全日天氣超級好 + 好猛太陽,
個個帶咗黑超後都無除過~



玩足笑足一日好開心~
直至黃昏開始收檔執野........


9點幾先返到屋企,不過太鬼攰無力洗野.......



即時去洗白白再敷返個美白mask~
敷完mask竟然有d肚餓.........

好彩有咋救命扒啫!

食飽飽upload埋d相就去覺覺豬,完美地結束好玩既一天~
不過有朋友FB回應....今次唔記得咗影大合照! Doh!!







Photobucket

9 則留言:

  1. 好好天呀....HK成日放假就打風落雨...
    [版主回覆07/12/2013 17:57:43]蘇格蘭既夏天天氣大多好好! 所以我建議想來蘇格蘭旅行既人夏天來就最好~

    回覆刪除
  2. 其實一大班人BBQ真係好開心

    [版主回覆07/12/2013 17:56:34]一大班人玩乜都好開心架啦!

    回覆刪除
  3. 好開心呀! 我已經好耐冇去過郊野公園/海邊BBQ喇~ 而家唔係去D任食燒烤場就係屋苑範圍, 冇得親親大自然
    而家蘇格蘭大約幾多度呀?
    [版主回覆07/12/2013 17:55:41]我覺得燒野食真係要去郊外先好玩架! 燒烤場 + 屋苑範圍完全唔係果回事.......

    蘇格蘭夏天天氣好好,日頭都有28 -32度架! 不過日溫 + 夜溫相差都幾遠,但依度就算點熱都好,都唔會好似香港咁潮濕成身大汗,熱得來好乾爽好舒服~

    回覆刪除
  4. 咁大班人BBQ, 仲有得玩水放紙鳶, 超開心!
    [版主回覆07/12/2013 17:51:45]我無玩水呀,無帶衫去換唔敢落水! 不過放紙鳶好好玩~

    回覆刪除
  5. So happy !
    [版主回覆07/15/2013 18:25:28]yeah~ awesome weather and company, it was a great day!

    回覆刪除
  6. 我都好幾年冇去過 BBQ 啦!好懷念以前去郊外 BBQ 呀!
    事関呢兩年啲朋友去 BBQ,竟然係去一啲樓上鋪既地方 BBQ law,我真係完全不感興趣
    [版主回覆07/15/2013 18:28:37]我覺得BBQ真係要去郊外先好玩 + 有癮! 樓上鋪燒烤場依d...又或者話知妳屋企有個大花園,我覺得完全唔係果回事,無氣氛! 我都無興趣~

    回覆刪除
  7. 好開心呀...係外國幾熱都好,都唔係似得香港個種焗熱..真係令人抖唔到氣既...
    [版主回覆07/15/2013 18:19:54]係呀~ 雖然依排有成30C,不過熱得來好乾爽,都幾舒服架!

    回覆刪除
  8. 真係好ar!!! 如果可以參加埋一份就好la!!!係lee 邊見得最多既都係屋企既親戚其他多數度係鬼老要find 多個堂人睇下都無....不過lee 排scotland d 天氣真係好正
    [Kelly回覆07/17/2013 07:09:20]ok
    [版主回覆07/17/2013 00:39:41]咁大班人攪多數都係星期二架嘞! 因為要就開餐館既朋友休息~ 到時再通知妳啦!
    [Kelly回覆07/16/2013 07:08:18]好wor!!! 睇下出年有無時間join 唔join 到你地
    [版主回覆07/16/2013 06:44:16]依種大棚人BBQ我地一年先一次,所以今年應該唔會再攪~ 如果下年再攪,到時我通知埋妳吖!

    回覆刪除
  9. 一大班人gathering, and with super nice weather ..好開心!

    Peggy :-)
    [版主回覆07/22/2013 22:59:36]今年夏天天氣唔錯,要盡量享受多點陽光!

    回覆刪除

Related Posts Plugin for WordPress, Blogger...